Previous Lesson -- Next Lesson
13. ? An klo e Defuԑ Zezi sakpa?
Min janvuԑ kpa: Sԑ amun nin e buli ti delԑ ng’ᴐ fin Nyanmiԑn’n i dan b’ᴐ ti’n i akunndan lika wlԑ’n wuun amun wunin i wlԑ kԑ mԑn’n wunmuan’n i ti delԑ’n i nuan ᴐ’a yia. Sran’n kwlaa be lԑ atin kԑ be nyan ti delԑ nyԑnmԑn sᴐ’n, yԑ be tran Nyanmiԑn Wawԑ’n i kwlalԑ’n nun cԑn’n kwlaa.
An wunnin i wlԑ kԑ fluwa nga kan-man ti delԑ ngunmin ndԑ. Ndԑ kwlaa ng’ᴐ kan su lafilԑ annzԑ wawԑ nun nguan’n i ndԑ’n, ᴐ taka Zezi-Krist kunngba cԑ su. E klo kԑ e yo sran ng’ᴐ deli mԑn’n wunmuan’n i ti sakpa’n i dunman’n dan. Zezi-Krist kunngba cԑ yԑ ᴐ kwla de sran mun-ᴐn. ti delԑ nu’an lika uflԑ fi kun.
? Amu’an wun i wlԑ kԑ Zezi klo amun nan ᴐ ti Famiԑn? ? Amun tili i auunvԑ silԑ nin i klolԑ aniԑn’n Jasin Fԑ’n nun? ? Amun wunnin i awlԑn b’ᴐ trԑ sran’m be wun nin i kwlalԑ b’ᴐ man ᴐ yaci menfuԑ’m be sa tԑ’n cԑ be’n? Klᴐ sran wie fi kwla wun-man Krist b’ᴐ fiԑn kaan sa nu’ԑn i wun’n bᴐ i nzuᴐn’n nin klᴐ sran liᴐ’n ti’a kun’n, i klolԑ dan’n i wlԑ. Be flԑ i kԑ i b’ᴐ kacili sran’n, sanngԑ i kunngba’n ti Nyanmiԑn Wa. Ͻ kԑnnin i wun ase, ᴐ yacili i anyrunyan’n ᴐ yili i wun nglo klᴐ sran wunnԑn’n nun k’ᴐ yo nan sran kunngba cԑ nga sa tԑ fi nu’ԑn i nun’n, ᴐ’a tran lԑ’n ti. I kunngba cԑ yԑ ᴐ kwla siesie mԑn’n wunmuan nin Nyanmivn be afiԑn-ᴐn. Ͻ yoli man e kacili Nyanmiԑn i mma mun yԑ ᴐ mannin e anannganman nguan.
Nyanmiԑn b’ᴐ kwla like’n kwlaa yo’n, ᴐ mannin Zezi i atin kԑ ᴐ sie nyanmiԑn su lᴐ nin asiԑ’n su wa ninnge’n kwlaa, afin ᴐ si kԑ i wa’n ti wԑtԑԑ yԑ ᴐ ti wun ase kanfuԑ. Ͻ si kԑ ᴐ su fa-man kwlalԑ sᴐ’n fa mԑn-mԑn i bᴐbᴐ wun su sanngԑ ᴐ fa de be kwlaa nga be klo kԑ ᴐ kpᴐ bé ti’n.
Min janvuԑ kpa: Sԑ a nian sᴐ-man Krist nun’n, e su flԑ wᴐ SIԐN’N kԑ a blԑ i sin afin ᴐ ti Defuԑ. Ͻ su minndԑ wᴐ, kԑ siԑ b’ᴐ su minndԑ i wa b’ᴐ mlinnin’n sa.
Sԑ amun o be bᴐ b’a fite nun bᴐ be nanti Krist i kwlalԑ’n nun’n bé nun wie’n, an lԑ i ase yԑ an fa amun wun wlԑ be bᴐ be bo Jasin Fԑ’n lika’n kwlaa’n be nun, afin jasin bofuԑ nga be klԑn be nguan’n man Nyanmiԑn’n, be ti be kwlaa nga Krist deli be’n bé asenna bᴐ be fa man bé ti defuԑ b’ᴐ klo be’n.