Waters of Life

Biblical Studies in Multiple Languages

Search in "Cebuano":
Home -- Cebuano -- John - 056 (Jesus the light of the world)
This page in: -- Albanian -- Arabic -- Armenian -- Bengali -- Burmese -- CEBUANO -- Chinese -- Dioula? -- English -- Farsi? -- French -- Georgian -- Greek -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- Peul -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Twi -- Urdu -- Uyghur? -- Uzbek -- Vietnamese -- Yiddish -- Yoruba

Previous Lesson -- Next Lesson

JUAN - Ang kahayag nga misidlak sa kangitngit
Mga pagtuon sa Ebanghelyo ni Kristo sumala ni Juan
PARTE 2 - ANG KAHAYAG MISIDLAK SA KANGITNGIT (Juan 5:1 - 11:54)
C - ANG KATAPUSANG BIYAHE NI HESUS PAINGON SA HERUSALEM (Juan 7:1 - 11:54) ANG PAGBULAG SA KANGITNGIT UG KAHAYAG
1. Ang mga pulong ni Hesus sa pista sa mga tulda (Juan 7:1 - 8:59)

d) Si Hesus ang kahayag sa kalibutan (Juan 8:12-29)


JUAN 8:21-22
21 Busa niini si Hesus miingon pag-usab ngadto nila, “Ako molakaw, ug inyo akong pangitaon, ug kamo mamatay sa inyong sala. Kung Asa ko paingon,dili kamo maka-adto.” 22 Busa niini ang mga Judio miingon, “Iyang patyon iyang kaugalingon, nga siya miingon, ‘Asa Ko paingon, dili kamo maka-adto?”

Kahibalo si Hesus nga siya napalibotan sa tanang suok pinaagi sa mga sulogoon sa templo. Iyang gitudlo sa tinagong mga pulong ang mga mahitabo sa umaabot, “Ang oras sa akong kamatayon duol na. Dayon Ako mobiya na niining kalibutan ug kamo dili na makasunod kanako. Dili kamo ang mopatay kanako sumala sa inyong plano. Ako nakahukom sa oras sa akong pagpanaw.”

“Apan ako mabuhi gikan sa akong lubnganan moagi sa mga bato ug siradong pultahan. Imo akong pangitaon sa walay sangputanan ug dili ko nimo Makita. Ako mosaka ngadto sa akong Amahan ug dili nimo ni mahibal-an. Imo akong gisalikway, ang Karnero sa Dios ug wala ka misalig kanako, ang Manunumbos sa katawhan. Ikaw mahanaw sa bilangoan sa imong sala.” Si Hesus wala miingon, “Ikaw mamatay sa imong sala.” Atong kadaghanan nga sala sa katilingban dili maoy orihinal nga sala, apan sa atong batasan ngadto sa Dios, ug ang dili pagtuo mao kana ang atong sala.

Gibati sa mga Judio nga ang pag-istorya ni Hesus mao iyang katapusan nga pagbiya, apan wala nila nasabtan iyang testimonya nga siya mobalik ngadto sa iyang Amahan. Sila milantaw nga ang panaglalis niya tali sa mga Pariseo ug pari niabot na sa limitasyon sa iyang kusog. Wala na siyay mahimo pa kondili maghikog. Kon ang impiyerno ba mulamoy kaniya isipon ba kini nga paghikog? Ang mga Judio nakahunahuna o gapalandong nga sila dili maghikog tungod sa ilang katarong. Apan sa dihang ang Roma miataki sa Jerusalem sa 70 AD, liboan sa mga Judio ang naghikog gumikan sa kagutom ug walay paglaom.

JUAN 8:23-24
23 Siya miingon ngadto nila, “Ikaw gikan sa ubos. Ako gikan sa taas. Ikaw gikan niining kalibutan. Ako dili gikan niining kalibutan. 24 Busa niini ako gasulti kanimo nga ikaw mamatay sa imong sala; gawas kung ikaw motuo nga Ako siya, ikaw mamatay sa imong sala.”

Giproklamar ni Hesus nga ang gingharian sa Dios tinuod nga anaa ibabaw sa atong daotang kalibutan. Kitang tanan gikan sa ubos gikan sa yuta, puno sa kapungot nga hunahuna. Ang binhi sa yawa magdala ug daotan nga bunga. Ang kalibotanong tawo dili makabati sa gingharian sa Dios apan iyang mabati ang kangitngit sa kinabuhi.

Si Kristo dili gikan sa atong kalibutan. Iyang kalag gikan sa Amahan. Iyang gibutang ang gingharian sa iyang Amahan sa hataas apan dili sa geograpiya nga pagsabot. Sama nga ang paghigop sa yuta mag-anam ka hinay kon kita muadto sa kawanangan mao usab ang makalilisang nga sala mag-anam kawala kon kita magpaduol sa Dios. Atong kalibutan usa ka bilangoan gikan diin kita dili makagawas. Kita ang mga kaliwat sa atong kinaiyahan nga nagdumili sa pagtugyan sa gugma sa Dios. Atong kinabuhi puno sa sala. Sa niining punto si Hesus migamit sa “mga sala” sa daghan, sukad nga kita mipakitag pagsupak sa Dios daghang mga sala ug kasaypanan ang nabuhat. Murag kita ug gisanla puno sa sa kasakit ug pali, sama sa alaot namatay ug hinayhinay maski siya buhi pa. Mao usab ang sala nga moguba sa tawo. Kita mamatay tungod kay kita nakasala. Unsa ang sala? Ang dili pagtuo, kay siya kinsa nahigot kang Kristo mabuhi sa hangtud – ang dugo sa Anak sa Dios kanunay naglimpyo kanato gikan sa atong mga sala. Iyang gahom molimpyo sa atong konsensya ug mobalaan sa atong hunahuna. Apan bisan kinsa nga magpabilin nga layo kang Kristo, nagpili sa kamatayon, nagpabiling binilango sa sala, ug naghulat sa paghukom. Ang pagtuo kang Kristo lamang ang makalibre kanato gikan sa kapungot sa Dios.

Kinsa man kining si Hesus kinsa gamando nga kita mutuo kaniya? Sa makausa iyang gihulagway iyang kaugalingon “Ako Siya” (Juan 6:20 ug 8:24). Busa niini siya sumada sa tanang maayong testimonya sa iyang kaugalingon. Siya mitawag sa iyang kaugalingon nga Ginoo sa kamatuoran, ang buhing Dios, ang Usang Balaan kinsa mipadayag sa Iyang Kaugalingon ngadto kang Moises sa mga kalibunan sa parehong pamulong “Ako” (Exodo 3:14; Isaias 43:1-12). Walay laing kaluwasan. Matag Judio kahibalo unsay ipasabot niining ngalana, apan walay misulay sa paglitok nila, aron sa paglikay sa paggamit sa ngalan sa Dios sa daotan. Apan si Hesus mitawag sa iyang kaugalingon pinaagi niini ngadto sa publiko. Siya dili lamang si Kristo nga Anak sa Dios, apan siya usab ang Yahweh, Dios sa kamatuoran.

Siya ang kahupnganan sa Ebanghelyo. Si Kristo ang Dios sa unod. Bisan kinsa nga motuo kaniya mabuhi, apan siya kinsa mosalikway kaniya ug mosupak sa iyang gahum misalikway sa iyang kaugalingon sa kapasayloan. Ang pagtuo o dili pagtuo maoy maghukom sa kapalaran sa tawo.

PANGUTANA:

  1. Unsa ipasabot sa pagtuo sa Usa kinsa mitawag sa iyang kaugalingon “Ako Siya”?

www.Waters-of-Life.net

Page last modified on April 29, 2013, at 11:14 AM | powered by PmWiki (pmwiki-2.3.3)