Previous Lesson -- Next Lesson
2. Isoga qarshi Munozara (Matto 26:3-5)
MATTO 26:3-5
3 Shundan keyin oliy ruhoniylar, ulamolar va oqsoqollar jamisi Kayafa ismli bosh oliy ruhoniyning hovlisida to'planishib, 4 Isoni hiyla bilan tutib o'ldirishni o'zaro maslahatlashib oldilar. 5 Ular: “Bu ish faqat bayram kunlarida bo'lmasligi kerak, yana xalq g'alayon qilmasin”, - dedilar. (Luqo 3:1-2)
Masihni yo'q qilish uchun ko'p munozaralar bo'ldi, lekin bu ig'vo boshqasiga qaraganda achinarliroq edi, chunki din peshvolarining hammasi qatnashyotgan edi. Diniy ishlarda javobgar bo'lgan bosh ruhoniylar; fuqoro ishlari bo'yicha hukmdor bo'lgan oqsoqollar; va hamma Masihni rad etgan, yahudiylarning Oliy Kengashiga qonunni yaxshi bilganlardek maslahatchi bo'lgan ulamolar. Ular Masihga qarshi bu tuzumni tuzdilar.
Yahudiy yo'l boshchilari Masihdan nafratlanishgan chunki U ularning ikkiyuzlamachiliklarini va gunohlarini ochib berib, ularga tavba qilib Unga ishonishlarini aytgan. Biroq ular Isoni Xudoning O'g'li deb bilmasdan balki shakkok deb hisobladilar. Ular Isoga hasad qilib g'azablandilar chunki ko'plar Unga ergashishgan edi. Uning mo'jizalari Uning buyuk qudratiga dalolat bergan. Ular yuraklarida g'azablanganlar, Uni yolg'onchi, iblis va zinokor deb atashgan, yashirincha Masihni o'ldirishga qaror qilishdi. Ular oliy ruhoniy Kayafaning saroyida Isoni yo'q qilish uchun ayyor rejani tuzish uchun uchrashdilar.
Masih ularning sirli ig'volaridan xabar topib, ulardan g'oyib bo'ldi. U Xudoning yagona Qo'zisi kabi Fisih bayramining tayinlangan soatida o'lishni maqsad qilgan. Iso har bir kishi Otasining dushmanlarining rejasiga ko'ra emas, balki Uning rejasiga va irodasiga ko'ra tanada bo'lib, va o'lib Xudo uchun bu sabab va maqsadni bilishini istagan.
IBODAT: Rabbiy Iso Masih, Sen vaqt soating yaqinlashganini bilar eding va xalqingning boshliqlari xochga mixlash uchun Seni topshirishlarini ham bilar eding. Biroq, Sen bu dunyoning gunohlarini oladigan Xudoning yagona Qo'zisi ekaningni ko'rsatish uchun, Fisih bayramida qo'zilar so'yilgandagi soatlarda o'lishga qaror qilding. Ular rejalarini bajara olmadilar, lekin Sen bu qorong'u tunda qadamma qadam taqdiringni tekshirding. Biz Seni ulug'laymiz va xochga bo'lgan yo'lingdagi muqaddasliging uchun Senga rahmat aytamiz.
SAVOL:
- Yahudiylarning Oliy Kengashi nima uchun Masihga qarshi hukm yuruta olmadi?