Waters of Life

Biblical Studies in Multiple Languages

Search in "Peul":
Home -- Peul -- Matthew - 050 (Purpose of the Sermon on the Mount)
This page in: -- Arabic -- Armenian -- Azeri -- Bulgarian -- Chinese -- English -- French -- Hebrew -- Hungarian? -- Indonesian -- Latin? -- PEUL -- Polish -- Russian -- Spanish? -- Uzbek -- Yiddish

Previous Lesson -- Next Lesson

MATTA - Tuubee ko fii laamu Almasiihu on ngun bhadike!
Jandeeji suutaadhi ka Linjiila Almasiihu on no Matta yottiniri mo non
SOBBHUNDU 2 - Fii waaju e golle Almasiihu on Jaliilu (Matta 5:1 - 18:35)
A - Fii waaju ngun ka hoore fello: Fii sariya teddudho on ka laamu kammu ngun (Matta 5:1 - 7:27) -- Fii no maakuuji Almasiihu on dhin mottindiriraa non ka aranun

b) Fii ko waaju ngun ka hoore fello dhabbhi kon: Ko Huutorgol sariya Alla on (Matta 5:13-16)


MATTA 5:13
13 Ko onon woni landhan aduna on. Kono si dakamme majjan on iwii, haray ko honno dakamme majjan on wattirtee? Haray dhan alaa nafa fus si hinaa bugegol ka yaasi, dhan yaabhee.

Nyametee welataa e bhaawo landhan. Nde sahaabaabhe Almasiihu on tumbidiri juudhe, haray bhe nandii e aduna on. Aduna on lellirte giggol sellungol ngol. Wano landhan dhan marirta non nyaametee on, ko wano non nelal Almasiihu on ngal hadhirta yo aduna on lannitor ka nibhe dhe lannataa dhen. Wano landhan dhan lontortoo non piiji nhakkudhi dhin e bhalli goo, Linjiila on sincay ngurndan kesan dhan ka maybhe bhen sabu junuubu on. Bhaawo landhan dhan, ngurndan banii-aadama dhan gasataa. Gomdhinbhe bhen no haani hebhude ngurndan dhan Linjiila on welni dhan. Jande Linjiila on no nandita e «landhan». Kibaaru-Moyyho on naatay no yaawiri e no wuuriri e no tiidhiri. O meemay bhernde nden. O labbhinay on, o welnana on, o hadha on maayirgol seedha seedha.

Sariya on no yamirde yo en wadhu landhan dhan e hoore dokke dhen fow (Deftere Sariya Lewiyankeebhe bhen 2:13. Hazqi’iila 43:24). Jooni non, taalibaabhe Almasiihu on bhen no haani heewude dakamme, bhe yidhina yimbhe bhen jandeeji wondhi dhin ka Linjiila on e no bhe jannira dhi wobbhe goo. Miijooji dhin e kongudhi dhin e kuudhe dhen, fow no haanaa welnireede wa landhan moyyhere nden (Koloosi 4:6).

Taalibaabhe bhen no haani heewude dakamme. Ko bhuri dhun kadi, e fee bheya yimbhe, hibhe haani moyyhaade e mabbhe, bhe acca batte ruuhu mabbhe on, hara hinaa ko nafata bhe kon tun bhe jokki, kono hara hibhe etaade no bhe hendinira bheya dakamme e giggol Linjiila on. Hibhe wuurude e nder majjere e hunnyeendi, hari neddho on wondaa e ko poodhata goddho, hari himo sutanii nyolugol, kono Almasiihu on nulii taalibaabhe mun bhen. Rewrude e ngurndan makko dhan e seeditoore mabbhe nden, bhe welnirii Linjiila on andal ngal e moyyhere nden, bhe wadhii no Allaahu on e malaa’ikaabhe bhen jabhira mo.

Si hawrii taalibaabhe bhen dhoftaaki, bhe nanditay e landhan dhan dakamme majjan on iwi. Si tawii bhen haanubhe welnande bheya wondaa e dakamme, bhe aldaa e ngurndan ruuhuyankejan dhan e moyyhere nden e nguuree on, haray hibhe e nder muraadu yurmundu. «Hara ko honno dakamme mabbhe on wattitirtee?» Landhan dhan welnataa nyaametee, kono alaa no landhan dhan wondaa e dakamme wattitiree. Almasiihu on welnanay neddho on. Kono si on neddho huutoraali dhun tigi, o tumbidiri juudhe, o wadhii faadhere hakkil, hara o wondaa e moyyhere nden e dakamme on, jande goo woo maa feere goo woo gaynataa jonnitugol mo ko welnata kon.

Si dakamme landhan dhan iwii, haray dhan alaa nafa fus. Hara ko nafa hondhun kadi dhan mari si tawii ko bone dhan wondi bhuri ko moyyhi kon? Almasiiyaajo mo huuwataa ko moyyhi ko aaden boniraadho hakkil. Ko fewtudho najoore nden e bugiteede nden. Ko o «radhoyteedho», mo tawetaake ka Moftal e ka jokkere endhan gomdhinbhe bhen, o wonay sabu yiltugol bhaawo, o wonta dongii, o wona yaabheteedho.

Almasiihu on no saatini on wonugol tawaabhe e darnoobhe bhen aduna keso on hakkunde fina-tawaaji men bondhi dhin, o hisina on aduna. Hita on sikka hidhon gayna wattitude yimbhe bhen ka aduna tippude e wakkilaare mon nden. Si tawii hidhon hooli golleeji dhi yimbhe bhen gollata dhin, nelal mon ngal majjiray on. Kongudhi mon dhin e jikku mon dhen wontoyay meere, yimbhe bhen jaloyay on. Ko dhun wadhi hita on bugitoo nelal Linjiila on bhayru ko kangal tun waawi wonude landhan aduna on. Si wonaa dhun yimbhe bhen bugitoray on sabu ko giggol mon ngol wondi kon e naafigiyaagal.

LANDAL:

  1. Ko hondhun woni firo saatinande nde Almasiihu on saatini en nden fii no woniren «landhan aduna on»?

www.Waters-of-Life.net

Page last modified on May 18, 2012, at 09:36 AM | powered by PmWiki (pmwiki-2.2.109)