Waters of Life

Biblical Studies in Multiple Languages

Search in "Peul":
Home -- Peul -- Matthew - 031 (Call to Repentance)
This page in: -- Arabic -- Armenian -- Azeri -- Bulgarian -- Chinese -- English -- French -- Georgian -- Hausa -- Hebrew -- Hungarian? -- Igbo -- Indonesian -- Javanese -- Latin? -- PEUL -- Polish -- Russian -- Somali -- Spanish? -- Telugu -- Uzbek -- Yiddish -- Yoruba

Previous Lesson -- Next Lesson

MATTA - Tuubee ko fii laamu Almasiihu on ngun bhadike!
Jandeeji suutaadhi ka Linjiila Almasiihu on no Matta yottiniri mo non
SOBBHUNDU 1 - Piiji arani dhin ka golle Almasiihu on (Matta 1:1 - 4:25)
B - No yaayaa lootoowo maande tuubuubuyee on fertoranii Almashiihu on laawol ngol (Matta 3:1-4:11)

1. Noddaandu fii tuubugol ngol (Matta 3:1-12)


MATTA 3:11
11 Min ko ndiyan mi woni on lootirde maande tuubuubuyee. Kono on aroyoowo bhaawo an no bhuri lan doole, awa kadi mi hewtaa hay solugol padhe makko dhen. On non ko Ruuhu Seniidho on e yiite o lootirta on.

Hari golle annabi Yaayaa lootoowo maande tuubuubuyee on ko noddugol yimbhe bhen no bhe tuubira e no bhe lootiree maande tuubuubuyeere fii fertanagol Almasiihu on laawol ngol. Ko kanko aroyta fii wadhugol ruuhu makko on e mabbhe. Ahadi Hindi ndin no fennyinde fii nyalaadhe aroyaydhe ka jamaa on labbhiniroytee ndiyan, bhe hendoyoo Ruuhu Allaahu on no bhe laatora laabhubhe (Yeremiiya 31:31-34; Hazqi’iila 36:24-28). Annabi Yaayaa anditirii telenma dhun on laatinoyoowo dhin piiji hiitaadhi fii mun, e maanaa: Almasiihu on. Ko kanko tun lootirta Ruuhu-Seniidho on.

Annabi Yaayaa no waajaade wonde hinaa tuubugol ngol wattita bhernde nden. Himo taskaade nawnaare nden, kono hinaa kanko nyawdata nde. Annabi Yaayaa no habbori hawjere Almasiihu Subhaadho on, bhayru ko kanko tun waawi nyawdude nawnaare nden, foola mayde nden. Ko Ruuhu on o lootirta bhen tuuboobhe e bhen jippinbhe hoore mun, o heydhintinira ruuhu mabbhe on Ruuhu makko on immorde Alla, o hebbina bhe giggol, o watta bhe rindhanbhe laamu kammu ngun. Kono non, Almasiihu on bugoto ka yiite jahannama, dhun ko tikkere Alla nden, dendaangal bhen naafigiibhe faminkiniibhe ko bhe laabhubhe e bhe teddinaano bhen sulfu Allaahu on.

ko annabi Yaayaa, on annabaajo bhurdho annabaabhe bhen fow mawnude, darii ka binde baafal Ahadi Hindi ndin, himo fewtani Ahadi Heyri ndin. Himo waajaade fii tikkere Alla nden tippude e sariya annabi Muusaa on fii no tuuboobhe bhen hisiniree e no aduna wondho on e nder majjere hendora ngurndan dhan immorde Allaahu on.

Oo Ruuhu-Seniidho fodaadho bhen tuuboobhe qirritoo junuubaaji mun, ko o Alla tigi. Kala qirritiidho ellaaji mun dhin yeeso Alla, o hucci dhi, ootigi hendoto yaafuyee Almasiihu on e bawgal ngal immorde ka kammu. Ko o Alla tigi hodhoyoowo on ka junuubankeejo on, o watta mo paykun makko sabu Ruuhu-Seniidho on.

Battane mun, hita on hula lootireede Ruuhu-Seniidho on bhayru ko Ruuhu wondudho e giggol e moyyhere e ngurndan poomayankejan dhan immorde Alla, on Ruuhu mawninay Almasiihu on.

Annabi Yaayaa no anduno gila law fii teddungal Almasiihu on. Himo miijii wonde o rindhanaa kurkanagol mo, wurin himo sikka hay o rindhanaa wonugol maccudho makko wattotoodho padhe karamoko mun dhen. Lootoowo maande tuubuubuyee on no rimaydhoo bhibbhe tuuboobhe e dow yankinaare. Himo tannyinorii ittiri bhernde makko nden fow fii ko Almasiihu on arata kon fii yedhugol Ruuhu-Seniidho on dendaangal bhen huccoobhe junuubaaji mun dhin, fewta Alla.

Ko wakkilaare moolanaande non wonande ngaynaakoobhe sella-findeebhe bhen andugol wondema Iisaa-Almasiihu on no bhuri bhe doole: o huuwanay bhe ko bhe waawaa huuwande hoore mabbhe kon, o yedha bhe ko waawataa yedhude hoore mabbhe kon. Bawgal makko ngal ko e nder lo’ere men nden bhangata (Korenti Dhimmo 12:9).

Allaahu on teddinay bhen newnanoobhe Almasiihu no o wonira fow e dhi fow. Alla liddoto mawnintiniibhe bhen, kono o yedhay jippindhe hoore mun bhen sulfu (Yaaquuba 4:6)

TORAARE: Yaa an Baaba seniidho, si mi ebbhindirii hoore an e giggol maa ngol, mi taway jaka ko mi anyandho. Yaafano lan ko mi lelliraa kon yurmeende e yoorere an bhernde nden. Mi yettii ma fii ko neludhaa kon Almasiihu on, on gedhal maa jibinaadho immorde Ruuhu-Seniidho on fii maayangol lan. A wattii lan rindhandho hendagol Ruuhu-Seniidho on. Heydhintin kala gomdhindho, tuubi, hebbiniraa mo Ruuhu maa on wondude e neweede nden e moyyere nden e giggol ngol immorde Almasiihu on.

LANDAL:

  1. Ko hondhun wadhi si Almasiihu on no waawi lootirde en Ruuhu-Seniidho on?

www.Waters-of-Life.net

Page last modified on May 18, 2012, at 09:15 AM | powered by PmWiki (pmwiki-2.3.3)