Waters of Life

Biblical Studies in Multiple Languages

Search in "Peul":
Home -- Peul -- Matthew - 013 (Genealogy of Jesus)
This page in: -- Arabic -- Armenian -- Azeri -- Bulgarian -- Chinese -- English -- French -- Hebrew -- Hungarian? -- Indonesian -- Latin? -- PEUL -- Polish -- Russian -- Spanish? -- Uzbek -- Yiddish

Previous Lesson -- Next Lesson

MATTA - Tuubee ko fii laamu Almasiihu on ngun bhadike!
Jandeeji suutaadhi ka Linjiila Almasiihu on no Matta yottiniri mo non
SOBBHUNDU 1 - Piiji arani dhin ka golle Almasiihu on (Matta 1:1 - 4:25)
A - Fii jibineede annabi Iisaa e paykunyaagal makko ngal (Matta 1:1-2:23)

1. Taariika fii Iwdi Iisaa Almasiihu on (Matta 1:1-17)


MATTA 1:17
17 Gila e Ibraahiima haa e Daawuuda, fow mun hawri jamaanuuji sappoo e nay. Gila e Daawuuda haa e egginegol nabhee Baabiila hawri jamaanuuji sappoo e nay. Gila e egginegol addee Baabiila kadi haa e Almasiihu on ko jamaanuuji sappoo e nay.

Sappoo e nay no wontidi e 2 sowindiraadhun laabi 7. Jeedhidhi no fota e si 3 tawti nay. Oo adadu 3 no toddhii Alla Gooto on e nder tatoobhe bhen, oo adadu 4 no holli cobbhuli leydi ndin nay. Battane dhun, leydi ndin e kammu ngun no humondiri e oo adadu 7 e nder ko taariika kan yaarata kon yeeso. Kono non oo adadu 7 no fillitaa dhimmun, dhun no firi wonde no taariika kan yaarata non timmii immorde ka Alla e nder aduna men on. Oo adadu no yaltiti e lintandhe dhidhi seeditiidhe fii Alla e kuugal makko ngal e ngurndan fewndiidhan dhan.

Dhin saa’iiji duubhi sappoo e nay no fillitaa laabiiji tati. Matta no gomdhini wonde hidhi hiitii fii ardu Almasiihu on ndun e saa’i mo Alla subhii on. Hidhi humpiti en kadi wondema laamu kammu ngun no tabiti ka aduna. Matta no catii e lintugol iwdiiji lambhe bhen e fensitugol piiji goo feyyhudhi ka nder taariika bhayru o taskike o faami e majji muydhe mawdhe dhe Alla muuyi dhen fii kisiyee on.

Joomiraadho on subhii annabi Ibraahiima, o wadhi lenyol mawngol e makko, ko annabi Daawuuda woni kattudi maggol on. Yanal ngal ko annabi Sulaymaana fuddhori, senditagol laamu ngun laatii e saa’i gedhal makko wi’eteedho on Rahabaama. Onsay Laamateeri wontirdi ndin sengo Nyaamo lancaa, Yahuudiyankeebhe bhen egginaa nabhaa ka wi’etee dhon Baabilon.

Yahuudiyankeebhe egginaabhe yiltitinoobhe bhen ka mun hebhi hakkil sabu ko Alla donkini bhe kon. Ko Alla muuyani jabhoobhe bhen tuubude hinaa okkorgol bhe doole e jogaaji e neweede, kono ko okkorgol bhe ngurndan laabhudhan e yaadudhan e ko sariya annabi Muusaa on yamiri kon no bhe laatora jamaa laabhudho e yottinoobhe sadaka fii laamu Alla ngun e dow yankinaare e goonga.

Kon ko bhe jangi fii no bhe wonira yankiniibhe, wonanaano bhe fow battane goote. Wobbhe feli Alla fii ko o muli bhe kon, bhe hebhi ko bhe bheydita. Bhe anniyii sincugol leyhol darjingol rewaangal woo. Fii mabbhe non kambhe Fariisiyaabhe bhen, bhe anniyii dhoftagol sariya on, bhe laatii mawnintiniibhe e hooliibhe hoore mun. Wobbhe e Yahuudiyankeebhe bhen goo faami lo’ere mabbhe nden fii wuurugol ngurndan laabhudhan, bhe jokki ngurndan tuuboowo e yankiniidho yeeso Alla. Bhe habborii gondhi ardu Almasiihu on ndun. Fewndo annabi Iisaa, Yahuudiyankeebhe bhen yi’aano piiji bhangindhi dhin fii arugol hisiniroowo on jamaa on kisiyee mawdho, e maanaa oo jattinoowo aduna on fow, barkina bhe. Kono non, Matta oo windudho deftere nden ka Linjiila yi’ii kanko seedee mo yeddotaako on ka nder taariika wondema ko annabi Iisaa woni Almasiihu fodaadho on immorde ka Alla.

TORAARE: Mi mawninii ma, yaa an Alla Jom laabhal e bawgal, sabu a muuyiino gila saa’iiji dhin fow fii ardu Bhiddho maa on. A fertanike mo laawol ngol rewrude e maamiraabhe bhen e lambhe bhen e annabaabhe bhen. A hersiraali tawnugol kasoobhe bhen e jinoobhe bhen ka taariika fii iwdi Gedhal maa on. Mi yettii ma fii ko wadhudhaa mi kon feere e nder gomdhinal ngal e ko wallitidhaa lan kon no mi laatora kuugal ngal ngal tawata ko kisiyee Bhiddho maa on rimi. Yo ngurndan an dhan yaltintin moyyhere iwaynde nden e juudhe Ruuhu maa on, yo dhan weltano ma, dhan mawnine.

LANDAL:

  1. Ko hondhun fillande no taariika fii iwdi annabi Iisaa ndin filloraa non faaminta en?

www.Waters-of-Life.net

Page last modified on May 16, 2012, at 01:05 PM | powered by PmWiki (pmwiki-2.2.109)