Home -- Georgian -- Galatians - 013 (Christ delivered us from the curse of the Law and brought the blessing of Abraham on all nations)
Previous Lesson -- Next Lesson
გალატელთა - მე ქრისტესთან ერთად ვარ ჯვარცმული
გალატელთა მიმართ წერილების განმარტების თარგმანი
ნაწილი 3: რჯული და სახარება: მათი მიზნები და შედეგები (გალატელთა 3:1 – 4:31)
2. იესომ წყევლის რჯულისგან გაგვანთავისუფლა და აღასრულა აბრაამის კურთხევა ყველა ერისთვის (გალატელთა 3:6-14)
გალატელთა 3:6-10
6 როგორც აბრაჰამმა ირწმუნა ღმერთი, და ეს სიმართლედ ჩაეთვალა მას. 7 ამიტომ, იცოდეთ, რომ ისინი, ვინც რწმენისგან არიან, აბრაჰამის შვილები არიან. 8 წერილმა, რომელმაც თავიდანვე განჭვრიტა, რომ ღმერთი რწმენით გაამართლებდა წარმართებს, წინასწარ ახარა აბრაჰამს: "და იკურთხება შენში ყველა ერი”. 9 ამიტომ ისინი, ვინც რწმენისგან არიან, ერთგულ აბრაჰამთან ერთად იკურთხებიან. 10 ვინაიდან ყველანი, ვინც რჯულის საქმეთაგან არიან, წყევლის ქვეშ იმყოფებიან, რადგან დაწერილია: "წყეულია ყოველი, ვინც არ ასრულებს ყოველივეს, რაც რჯულის წიგნშია დაწერილი, რათა ყველაფერი შეასრულოს”.
აბრაამი სხვა ადამიანებივით ცოდვილი იყო, მაგრამ, გაიგონა რა უფლის აღთქმა, დაიჯერა და უფალზე დადო იმედი საქმეებში, რომელთა შესრულებაც შეუძლებელი ეგონა. ის მიენდო ღმერთს და დაიჯერა მისი აღთქმის და უფალმა აკურთხა ის არა მისი სამართლიანობისთვის, არამედ იმიტომ რომ უფლის სამართლიანობა დაიჯერა. მისი რწმენა მას სიმართლედ ჩაეთვალა.
არც ებრაელები და ისმაელის შვილები არ ითვლებიან აბრაამის შთამომავლებად, არამედ მთელ მსოფლიოში ყველა, ვინც უფლის სიყვარულზე დააფუძნა თავისი ცხოვრება და ეყრდნობიან მას მეტად, ვიდრე თავიანთ გონებას, გამოცდილებას ან წარმოდგენებს. აბრაამი - მორწმუნეთა მამა და მაგალითია. ვინც მიყვება მის რწმენას ითვლება მის შთამომავლად და იღებს უფლის სამართლიანობას არა საკუთარი საქციელების ან საქმეებისთვის, არამედ იმიტომ რომ მთელი გულით მიენდნენ მხსნელს.
ვსაუბრობთ რა აბრაამზე, როგორც მორწმუნეების მამაზე, პავლემ უკუაგო ყველა ცრუმასწავლებლის არგუმენტი, თითქოს ებრაელები კურთხევას მოკლებულნი არია, რადგან არ არიან აღთქმის მამების მემკვიდრეები. პავლემ საპირისპირო დაუმტკიცა მათ, კონკრეტულად კი ის, რომ მხოლოდ მორწმუნეები ითვლებიან აბრაამის შვილებად.
როდესაც უფალმა ამოირჩია და აკურთხა აბრაამი, ის მხოლოდ აბრაამის შთამომავლობის კურთხევას კი არ აპირებდა, არამედ ყველა ერების კურთხევასაც! რადგან აბრაამის კურთხევა თავიდანვე განკუთვნილი იყო ყველა ერებისთვის! ხოლო ხალხი, ვინც აბრაამის რწმენას ეჭიდება ვერ იქნება რასისტი ან ნაციონალისტი.
ვინც ცდილობს უფალს მოაწონოს თავი საკუთარი ღვთისმოსაობით, ის ჯულის წყევლის ქვეშ ექცევა, რადგან უფლის სამართლიანობას ყველა წყევლისთვის განაჩენი აქვს, ვინც არ ასრულებს ყველა მცნებას. ვინც შეეცდება ღვთისმოსაობით გადარჩეს, იმედი გაუცრუვდება. დაიმახსოვრე, რომ რელიგიური ხალხი ყოველთვის იყვნენ და იქნებიან ქრისტეს მტრები, რადგან თვლიან რომ მონანიება არ სჭირდებათ. ამ უღმერთოებაში გააკრეს ქრისტეც, გაუცნობიერებლად, რომ ცოდვილნი იყვნენ. სულიწმიდას ყველაზე მეტად უჭირს ჩვენს გულებში დავანება, როდესაც დიდი წარმოდგენა გვაქვს საკუთარ თავზე და ვთვლით რომ ღვთისმოსავნი ვართ. ყველა ადამიანი, ვინც საკუთარ თავს იმაზე მეტად აფასებს, ვიდრე არის - ზედაპირულია და სინამდვილეში არ იცნობს ღმერთს, არც რჯული იცის სრულად, რადგან რჯულის მონობას ღვთის რისხვამდე მივყავართ. ასეთი მკაცრი განაჩენის მიზეზი უფლის სიწმიდეა, რადგან თავად უფალმა თქვა: „იყავით წმიდები, რადგან მე ვარ წმიდა!“ ნებისმიერ ცოდვას ან პატარა ცდომილებას მივყავართ დაღუპვამდე! უფალი თავისი რჯულიდან იმაზე ნაკლებს არ გვთხოვს, ვიდრე სრულყოფილება. ყოველი ვინც არ იქნება სრულყოფილი სიწმიდეში, სიყვარულში, ერთგულებასა და სიწმიდეში, - დაწყევლილია!
ლოცვა: წმიდაო ღმერთო, შენ ხარ წმიდა, სრულყოფილი, ამაღლებული და მართალი, ჩვენ კი სავსენი ვართ ბოროტებით აზრებში, სიტყვებსა და საქმეებში. არ განმსაჯო შენი რჯულით და სიწმიდით, შემიწყალე შენი წყალობით. ვაღიარებ შენ წინაშე ჩემ უკუღმართობას და მწამს შენი სიყვარული ყველასთვისაა, ვინც ინანინებს. ღმერთო, მაპატიე მე ცოდვილს!
კითხვა:
- ვინ არიან აბრაამის შთამომალები და რატომ?