Waters of Life

Biblical Studies in Multiple Languages

Search in "Cebuano":
Home -- Cebuano -- Romans - 007 (Paul’s Desire to Visit Rome)
This page in: -- Afrikaans -- Arabic -- Armenian-- Azeri-- Bengali -- Bulgarian -- CEBUANO -- Chinese -- English -- French -- Georgian -- Hausa -- Hebrew -- Hindi -- Igbo? -- Indonesian -- Malayalam -- Polish -- Portuguese -- Russian -- Serbian -- Somali? -- Spanish -- Telugu -- Turkish -- Urdu? -- Yiddish -- Yoruba

Previous Lesson -- Next Lesson

ROMA - Ang Ginoo maoy atong Pagkamatarong
Mga pagtuon sa Sulat ni Pablo sa Roma
PAGBUKAS: PAGPANGAMUSTA, PAGPASALAMAT NGADTO SA DIOS, UG ANG PAGKAMATARONG GIKAN SA DIOS NGA MAOY GIHATAGAN PAGTAGAD SA IYANG SULAT (Roma 1:1-17)

b) Ang dugay na nga gipanghinaot ni Pablo pagbisita sa Roma (Roma 1:8-15)


ROMA 1:13-15
13 Mga igsoon, buot ko nga inyong masayran nga sa makadaghan gilaraw ko ang pag-anha diha kaninyo (apan hangtud karon gibabagan ako), aron makaani unta akog bunga diha kaninyo, maingon man diha sa ubang mga Gentil. 14 Utangan ako sa mga Gresyanhon maingon man sa mga luog, sa mga makinaadmanon maingon man sa mga walay alamag. 15 Busa andam ako sa pagwali sa Maayong Balita diha kaninyo usab nga anaa sa Roma.

Sa sulat, gi abre ni San Pablo iyang kasingkasing ngadto sa katawhan sa simbahan sa Roma. Iyang gisulti nila ang iyang tuyo ug plano sa iyang pagbisita kanila, apan ang Dios misumpo sa tanan niyang plano. Nahibal-an sa bangi-itang apostol nga ang hunahuna sa Dios lahi sa iyang hunahuna, ang paagi sa Dios mas tas-an ingon nga ang kalangitan taas kaysa kalibutan. Ang Espiritu ni Kristo mipugong kaniya sa pagbuhat sa iyang mga plano bisan sa iyang panglantaw kini ma-gamit, makaayo, ug balaan. Dugang pa, mipakgang gihapon ang Dios nga siya maka biyahe maski pabor ang oportunidad.

Apan, gibutang ni Pablo sa iyang kasing-kasing ang pagsangyaw ngadto sa kalibutan. Iyang gipangandoy nga pinaagi sa iyang kinabuhi, makatukod siya sa gingharian sa Dios sa Roma ug sa laing mga nasud. Wala niya gihunahuna ang pagtuboy usa ka tawo, apan iyang gipaningkamotan ang pagtuboy sa mga nasud, tungod kay nakasiguro siya sa bendisyon ni Kristo, nga nagalihok sulod kaniya. Nakita niya ang mahimayaong Ginoo, ug nakasigurado siya nga ang tibuok kalibutan gipanag-iya sa Hari sa tanang hari, ug ang kadaogan niini makab-ut gayud.

Nakita sa Apostol sa mga Nasud nga siya adunay utang sa tanang kataw-han, dili tungod kay gikuha niya ang ilang mga sapi, pero tungod kay diha kaniya gisalig sa Dios ang gahum sa tanang gipili ni Kristo. Busa siya obligado nga gamiton ang maong gahom ug katungod alang satanang gipili ni Kristo.

Sa kamatuoran, kita nabuhi karong panahona gikan sa gasa sa Dios ngadto kang Pablo, nga pinaagi sa iyang sulat nahimo kitang kaabag sa iyang gahum. Subay niini, kami utangan kanimo, susama nga ikaw utangan sa tanang katawhan nga nagpalibot kanimo, tungod kay ang espiritu nga naglihok kanato dili atoa, apan kini giandam nga mopuyo sa matag kasingkasing sa ubang tawo.

Si Pablo nagtrabaho kauban ang mga edukado nga Gresyanhon, ug ang Ginoo mitukod sa iyang serbisyo pinaagi sa kahuyang ni Pablo. Iyang gitukod ang mga simbanan sa parte sa Mediterranean, nga nagahugas sa Gresyahanong isla. Sa panahon sa iyang paghimo niining sulat, iyang gituyo ang pagpamuhat diha sa mga Barbaro sa Pransya, Espanya ug Alemanya.

Naikag siya sa pag proklama sa kadaghanan sa maayong Balita nga ang Dios dunay Anak kinsa miluwas kanato pinaagi sa krus.

Sa iyang dakong gugma, ang Apostol sa mga Nasud murag paboto nga andam na ipahigayon. Nakadawat siyag mensahe aron iya kining isugilon.

Sa iyang gugma sa mga Barbaro, iyang gipanghinaot nga makuha niya ang atensyon sa mga Taga Roma nga sila muoban kaniya sa pagsangyaw ngadto sa mga nasud. Gusto niya isangyaw sa mga magtotoo sa Roma, nga sila mahimong tagasangyaw; ang kaluwasan nagmugna kaniya nga naluwas ug iyang obligasyon ang pagsangyaw sa mensahe sa kaluwasan ngadto sa uban. Gilantaw ni Pablo ang Roma isip sentro ug sinugdanan sa iyang pagsangyaw sa tibuok kalibutan.

Apan, ang Dios mitubag sa pag-ampo sa iyang apostol sa laing paagi. Wala niya gipadala ang iyang sinugo diretso sa Roma, apan iya kining gipabalik sa Herusalem aron masikop ug mabilango. Human sa taas ug pait nga katuigan, nakaabot si Pablo sa sentro, nabilanggo, ug sulogoon ni Kristo. Apan ang gahum sa Dios nagpabilin kaniya. Siya, bisan pa gikadenahan, nagsangyaw sa tibuok kalibutan pinaagi sa iyang sulat sa Roma, nga hangtud karong kini nga sulat mihimo sa maong tahas sa pagsangyaw sa katawhan ug kanasuran.

Kita karon, mga apo sa mga Barbaro nga gisangyawan ni Pablo, malipayong mipakaylap sa ebanghelyo sa Dios nga gisalig kang Pablo sa maong higayon. Siguro wala dahuma ni Pablo nga ang iyang sulat sa Taga Roma usa ka kahimoan sa iyang gipangandoy nga magsangyaw sa mga nasud. Walay laing libro, gawas sa ebanghelyo ni Juan, ang nakapa-usab sa kalibutan susama niining sulat, nga gisulat puno sa mga pag-ampo ug pag-agulo sa Espiritu.

PAG-AMPO: O Dios, Ikaw ang Hari, ug nagiya sa imong mga sulogoon pinaagi sa imong gusto. Pasayloa kami, kung wala kami misubay sa imong kagustohan. Giyahi kami aron dili kami modagan gawas sa plano sa imong gugma, apan mosunod sa sugo sa Espiritu, ug malipayong makahimo sa imong mga pangando, maski kini supak sa among gihunahuna. O Dios, imong paagi balaan, ug among itugyan kanimo. Salamat tungod kay wala nimo gitugot nga kami mahulog gikan sa imong kalooy.

PANGUTANA:

  1. Gi-unsa ug kapila man ang Dios mipakgang kang Pablo sa pagbuhat sa iyang plano?

www.Waters-of-Life.net

Page last modified on June 21, 2013, at 10:27 AM | powered by PmWiki (pmwiki-2.2.109)