Waters of Life

Biblical Studies in Multiple Languages

Search in "Cebuano":
Home -- Cebuano -- Acts - 043 (First Persecution of the Christian Church at Jerusalem)
This page in: -- Arabic -- Armenian -- Azeri -- Bulgarian -- CEBUANO -- Chinese -- English -- French -- Georgian -- Indonesian -- Portuguese -- Russian -- Serbian -- Tamil -- Telugu -- Turkish -- Urdu? -- Uzbek -- Yiddish

Previous Lesson -- Next Lesson

BUHAT - ANG MADAOGONG PAGPROSISYON NI KRISTO
Mga Pagtuon sa mga Buhat sa mga Apostoles
BAHIN 1 - ANG PUNDASYON SA IGLESIA NI HESU-KRISTO SA JERUSALEM, JUDEA, SAMARIA UG SYRIA - Ilamon sa kasukian ni Apostol Pedro, Giniyahan sa Balaang Espiritu (Buhat 1 - 12)
B – ANG DUGANG SUMPAY SA EBANGHELYO SA KALUWASAN NGADTO SA SAMARIA UG SA SYRIA UG ANG SINUGDANAN SA MGA PAGKABIG SA DILI JUDIO (Buhat 8 - 12)

1. Ang Unang Paglutos sa Kristohanong Iglesia sa Jerusalem ug ang Pagkatibulaag sa mga Magtutuo sa tibuok Samaria (Buhat 8:1-8)


BUHAT 8:4-8
4 Ang mga magtutuo nga nagkatibulaag nangadto sa nagkalinlain nga dapit ug nagsangyaw sa mensahe. 5 Si Felipe miadto sa usa ka siyudad sa Samaria ug didto gisaangyawan niya ang katawhan mahitungod sa Mesiyas. 6 Naghiusa ang mga two sa pagpaminaw sa gisulti ni Felipe sa dihang nabati nila siya ug nakakita sa mga milagro nga iyang gibuhat. 7 Gikan sa daghang mga tawo, ang mga yawa nanggula nga managsinggit ug daghan usab nga mga paralitiko ug mga bakol nga nangaayo. 8 Busa nangalipay pag-ayo ang mga tawo niadtong maong siyudad.

Ang demonyo kanunay mosulay aron pagguba sa Kristohanong iglesia. Ang dako nga paglutos sa mga sumusunod ni Kristo nagsugod sa labing madali human sa pagpatay kang Esteban nga martir. Apan ang pagsakit sa demonyo wala makagguba sa iglesia, apan nakalig-on sa ilang espirituhanong kinabuhi. Ang magtutuong mga lalaki ug mga babaye makatagbo sa mga pag-antos ug pagsakit didto sa mga bilanggoan sa Jerusalem bisan sa dihang si Saulo, sa tanan niyang kamapahitas-on, nahimong ulipon sa demonyo. Daghang mga membro sa iglesia nagkatibulaag ngadto sa mga rehiyon diin dili ilalom sa kagamhanan sa taas nga konseho. Kining mga lalin wala makakaplag ug bag-ong pinuy-nan. Tingali sila naglaom nga mobalik sa ilang pinuy-anan sa Jerusalem sa dili madugay. Sa samang panahon, sila wala mahimong mga makililimos, apan nagwali sa gingharian sa Ginoo ug nagpamatuod sa kalipay ni Kristo taliwala sa pag-antos. Ang ilang pagtuo nagpabilin nga wala mabuak, ug ang ilang paglaom nagmainiton. Sila makasabot sa halawom nga kahulogan sa pulong ni Santiago sa dihang siya miingon: “Mga igsoon, isipa nga bulahan kamo kon ang tanang matang sa pagsulay moabot kaninyo kay nasayod kamo nga ang inyong pagtuo gisulayan lamang aron kamo mahimong malahutayon. Paniguroa nga ang inyong pagkamalahutayon mahingpit aron mahingpit gayod kamo ug dili makulangan sa bisan unsa.” (Santiago 1:2-4)

Si Felipe, usa sa pito ka mga katabang, milakaw ngadto sa teritoryo sa Samaria, ug nakakaplag og pinuy-anan sa Siquem, duol sa Nablus. Siya naghulagway sa iyang tigpaninaw sa langitnong Tawo, nga mibuntog sa kamatayon, nagluwas gikan sa sala, nagpildi kang Satanas, misaka ngadto sa langit, nagpasig-uli kanato ngadto sa Dios, ug nagpataliwala sa pag-ampo alang kanato, naglingkod sa tuong kamot sa Gahom nga naghari uban Kaniya. Siya nga nagbuntog sa tanang daotang mga gahom niadtong nangita Kaniya ug abli ang ilang mga kaugalingon ngadto sa Iyang Espiritu. Ingon nga si Felipe nahimong instrument diha sa kamot ni Kristo, ang madagayaong gahom sa Balaang Espiritu nagsugod pagbubo gikan kaniya. Ang mahugaw nga espiritu migula gikan daghang mga giyawaan uban sa makusog nga singgit. Kadtong walay mga paglaom nahupay, ug ang bakol nakalakaw. Ang tanang mga tawo nalipay ug midagan nagdto sa magwawali uban sa usa ka pagsinabtanay. Ang kaluwasan ni Kristo nakita, ug ang siyudad puno sa kalipay.

PANGUTANA:

  1. Unsay kalahian taliwala sa pagtuo diha ni Kristo ug ang pagtuo sa mga pulong sa Iyang mga alagad?

www.Waters-of-Life.net

Page last modified on March 19, 2015, at 05:01 PM | powered by PmWiki (pmwiki-2.2.109)