Waters of LifeBiblical Studies in Multiple Languages |
|
Home Bible Treasures Afrikaans |
This page in: -- ALBANIAN -- Arabic -- Armenian -- Bengali -- Burmese -- Cebuano -- Chinese -- Dioula? -- English -- Farsi? -- French -- Georgian -- Greek -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- Peul -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Twi -- Urdu -- Uyghur? -- Uzbek -- Vietnamese -- Yiddish -- Yoruba
Previous Lesson -- Next Lesson GJONI - DRITA SHKËLQEN NË ERRËSIRË
Studime në Ungjillin e Krishtit sipas Gjonit
PJESA 2 - DRITA SHKËLQEN NË ERRËSIRË (Gjoni 5:1 - 11:54)
C - UDHËTIMI I FUNDIT I JEZUSIT NË JERUZALEM (Gjoni 7:1 - 11:54) Ndarja e ERRËSIRËS DHE DRITËS
4. Ringjallja e Llazarit dhe rezultati përfundimtar (Gjoni 10:40 – 11:54)
c) Ringjallja e Llazarit (Gjoni 11:34-44)GJONI 11:34-35 Jezusi nuk u përgjigj me fjalë. Fjalët me një të pikëlluar janë të kota. Në këtë pikë veprimet ishin më të efektshme se fjalët. Ai u kërkoi të pranishmëve që ta çonin te varri. Ata i thanë: "Eja dhe shih". Këto ishin të njëjtat fjalë që Jezusi përdori për t'i thirrur dishepujt e tij në fillim të shërbimit të tij. Ai i thirri të shihnin jetën; këta njerëz e thërrisnin të shihte vdekjen. Ai qau duke parë ngadalësinë e njerëzve për të mësuar, injorancën dhe mosbesimin e tyre. Edhe ndjekësit më të mirë të tij nuk ishin në gjendje të tregonin besim të vërtetë. Mishi nuk ka vlerë, shpirtit i mungon besimi. Fryma e Shenjtë ende nuk ishte derdhur mbi ta. Vdekja shpirtërore mbretëronte dhe Biri i Perëndisë vetëm mund të qante për gjendjen e mjerueshme të njerëzimit. Jezusi ishte një njeri i vërtetë, që gëzohej me ata që gëzohen dhe qante me ata që qajnë. Shpirti i tij ishte i trazuar. Shpirti i tij i ndjeshëm u trazua duke parë tmerrin e vdekjes mbi ndjekësit e tij dhe mungesën e dashurisë së tyre për Perëndinë e gjallë. Jezusi sot qan për gjendjen e kishave tona, për veten tonë dhe për të gjithë ata që këmbëngulin në mëkat dhe në vdekjen shpirtërore. GJONI 11:36-38a Judenjtë i panë lotët e Jezusit dhe i shpjeguan si shkakun e dashurisë së tij për Llazarin. Dashuria nuk është ftohtësisht logjike apo intelektuale, por harmonizohet me emocionet e shpirtrave të tjerë. Dashuria e Krishtit është më e madhe se të kuptuarit tonë dhe shtrihet përtej vdekjes. Ai pa Llazarin në varrin e tij të vulosur dhe u pikëllua për fitoren e vdekjes ndaj mikut të tij. Por zemra e tij depërtoi përtej gurit dhe përgatiti kufomën për të dëgjuar thirrjen e tij. Disa nga të pranishmit e kritikuan Jezusin për mënyrat e tij të prera dhe vunë në diskutim autoritetin e tij. Atëherë Jezusi u zemërua. Sepse mungesa e besimit, dashurisë dhe shpresa e dobët shkakton zemërimin e Perëndisë. Jezusi synoi shpëtimin tonë nga errësira dhe na shpëtoi nga horizontet tona të ngushta, në mënyrë që të mund të kapemi pas dashurisë së tij dhe të jetojmë me besimin e tij dhe të jemi të sigurtë në shpresën e tij, jo më për t'u kthyer në standartet njerëzore, por për të besuar në aftësinë e tij. Ai dëshiron të ringjallë ata që janë të vdekur në mëkate rreth e qark nesh. A ndihet Jezusi i shqetësuar nga mosbesimi juaj apo gëzohet për dashurinë tuaj të zjarrtë? LUTJE: Më fal, Zoti Jezus, për mundësitë e humbura në besimin dhe dashurinë. Më fal mungesën e besimit dhe më fal interesat personale. Më shty drejt një shprese të gjallë, për t'ju nderuar dhe për t'ju dorëzuar vazhdimisht. PYETJA:
|