Mobile device - Print - Bottom

Previous Lesson -- Next Lesson

c) Ang Pagbanhaw ni Lazaro (Juan 11:34-44)

---

JUAN 11:34-35
34 “Hain mang lubnganan ninyo siya gibutang?” nangutana siya kanila. “Dali ngari ug tan-awa, Ginoo” mitubag sila. 35 Ug mihilak si Hesus

Walay pulong nga gitubag ni Hesus. Ang pakig-storya sa tawo nga anaa sa kasub-anan walaypulos. Niining higayona ang lihok o ang buhat labaw pa kamayo kay sa mga pulong nga litukon. Iyang gipangutana kadtong anaa didto sa pag-una kaniya sa lubnganan. Sila miingon, “Dali ngari ug tan-awa” Kining mga managsamang pulong nga gigamit ni Hesus sa pagtawag sa iyang mga tinun-an sa sinugdanan sa iyang bulohaton. Iyang gitawag sila aron makita ang talan-awon sa kinabuhi; og kining mga tawhana mitawag kaniya aron sa paglantaw sa kamatayon. Mao nga siya mihilak samtang iyang nakita ang kakulang sa pagpanabot, ang ilang pagka-ignorante ug ang ilang pakawakay abilidad sa pagtuo. Bisan pa ang pinakamaayo sa iyang mga tinun-an dili takos sa pagpadayag sa tinuod nga pagtuo. Ang unod dili magpulos, ang kalag nga kulang sa pagtuo. Ang Balaang Espiritu wala pa ibubo diha kanila. Naghari ang espiritual nga kamatayon, ug ang Anak sa Dios mahilak lang sa alaot nga kahimtang sa katawhan.

Si Hesus tinuod nga tawo, malipayon uban niadtong nalipay, ug mihilak uban niadtong naghilak. Ang iyang Espiritu nasamok. Ang iyang kalag nga dali masakit sa pagkutaw sa pagtan-aw sa kalisang sa kamatayon sa iyang mga tinun-an ug sa kakulang sa gugma sa buhi nga Dios.Si Hesus karon naghilak sa kahimtang sa mga kasimbahanan ug sa atong kaugalingon ug sa tanan nga nagpursige sa pagpakasala ug magpadulong sila sa espirituhanong kamatayon.

JUAN 11:36-38a
36 Tungod niini ang mga Judio miingon, “Tan-awa, pagkadako gayod sa iyang paghigugma kang Lazaro!” 37 Apan ang uban miingon, “Dili ba giayo man niya ang buta? Nganong wala man siya makapugong sa kamatayon ni Lazaro.” 38 Natandog na usab ang pagbati ni Hesus ug miadto siya sa lubnganan.

Nakita sa mga Judio ang mga luha ni Hesus ug ilang pahayag kanila tungod sa iyang gugma kang Lazaro. Ang gugma dili bugnaw nga pangatarongan o inteliktual, apan magkauyon kini sa mga pagbati sa laing mga kalag. Ang gugma ni Kristo mas dako pa sa atong pagpanabot ug pagpataas unahan pa sa kamatayon. Nakita niya si Lazaro sa iyang timbre sa lubnganan ug nagsubo sa kamatayon nga nagdalag kadaugan sa iyang higala. Apan ang iyang kasingkasing miputol lapos sa unahan sa bato ug maandam ang minatay sa pagdungog sa iyang tawag.

Ang uban nga naa didto misaway kang Hesus sa iyang bulok nga mga pamaagi ug paghisgut sa iyang awtoridad. Sa maaong panghitabo si Hesus nasuko. Tungod sa kakulang sa pagtuo ug gugma ug ang naawop nga paglaom maoy hinungdan sa kapungot sa Dios. Ang tuyo ni Hesus sa pagluwas gikan sa kasubo ug miluwas kanato gikan sa atong masigpit nga kapunaw-punawan aron kita makakapyot sa iyang gugma ug magkinabuhi sa iyang pagtuo ug adunay pagmatuod diha sa iyang paglaum, ug dili na mobalik sa tawhanon mga sukdanan apan mosalig sa iyang abilidad. Siya nangandoy nga mobangon kadtong mangamatay sa sala sa atong sa atong mga palibot.Si Hesus ba mibati og kasamok pinaagi sa inyong pagkawalay pagtuo o nalipay ba siya sa inyong mainiton nga gugma?

PAG-AMPO: Pasayloa ako Ginoong Hesus,sa pagusik ko sa mga kahigayonan diha sa pagsalig un sa paghigugma. Pasayloa ako sa kakulang kog pagtuo unpasayloa usad ako sa akong kaugalingong kaikag. Pugsa ako padulong sa buhi nga paglaom, aron makapasidungog kanimo ug magtugyan kanunay kanimo.

PANGUTANA:

77. Nganong si Hesus nasamok ug nganong siya mihilak?

Mobile device - Print - Top