Previous Lesson -- Next Lesson
2. Balik sa Dios sa tibuok Mong Kasingkasing
Kadaghanan sa mga two nagpuyo nga halayo sa Dios. Sila mikaon, miinom, magminyo ug nagdagan sa walay pulos nga mga butang, naggawi ingon nga wala silay mga konsensya. Nagdala sila sa sekretong mga sala sa ilang mga kasingkasing, wala nahibal-an nga sila anaa sa ubos nga dalan sa impyerno. Usahay sila magpakaaron-ingnon ingon nga relihiyoso kaayog panghunahuna, apan sila halayo sa Dios. Matig-a ang ilang mga kasingkasing ug mabangis. Ang ilang pagkapanatiko nagdala kanila sa labi ka lawom ug lawom nga sala. Sama sa giingon ni Kristo.
Minahal kong Magbabasa: Giawhag ko kamo, balik sa buhi nga Dios! Wala ka niya gihimo nga walay kapuslanan. Gihigugma ka uban gugma nga walay katapusan ug gilingi ang iyang nawong kanimo. Kung nagpuyo ka nga wala ang imong magbubuhat, ug gisalikway siya, ikaw nahisalaag naglatagaw nga walay tumong. Ang imong kalag magpabilin nga haw-ang ug nawad-an sa paglaum, kay nawala ka sa tinago sa balaan nga pagpadayag.
Ang walay kataposan, balaan nga Dios gusto nga ihatag kanimo ang kaayo sa iyang gugma ug giginhawa ang iyang Espiritu nganha kanimo aron mabuhi ka sa usa ka kinabuhi nga angay tawgon nga Kinabuhi! Tan-awa ang Ginoo, kay niduol siya kanimo, sumala sa iyang matinud-anong saad,
Usa ka batan-ong lalaki nga nagpuyo taliwala sa mga magsisimba sa dios-dios, nagbasa bahin sa mga relihiyon sa mga Judio, mga Kristohanon ug mga Muslim. Nawala siya sa ilang pagkalainlain ug gipangutana ang iyang kaugalingon sa daghang higayon: “Ang Dios ba Usa o Tulo, o Tulo sa Usa? Unsa ang husto nga paagi? Asa ang tinuod?” Naglibog siya ug misinggit gikan sa kailadman sa iyang pagkawalay paglaum, nag-ampo sa langit: O Dios! Kung anaa ka, palihog padayag sa imong kauga-lingon kanako! Gusto ko nga makaila kanimo ug magpuyo uban kanimo ug magpadayon sa imong gahum. Dili na ako mabuhi kung wala ka na!”
Gitubag sa Dios ang hilak sa iyang kasingkasing. Sa wala madugay sa ulahi mipauli ang batan-on sa balay gikan sa iyang opisina ug nakit-an ang usa ka dilaw nga piraso sa papel nga gilabay sa yuta ug gibasa kini: Kung gusto ka masayod ug dugang bahin sa Dios, pagsulat sa ‘Sentro alang sa mga batan-on nga Hingkod’
Minahal nga Magbabasa: Duol sa buhi nga Dios kay naghulat siya kanimo. Hangtod ikaw magpabiling halayo gikan kaniya ikaw mawala diha sa kangitngit. Duol sa imong Magbubuhat ug isalikway ang tanang mga bakak sa mga ateyista. Dili ka mahisama kanila. Tulo kalibo ka tuig ang milabay ang propeta nga si David nagsulat,
Ayaw paglakaw sa dalan sa mga ateyista. Pahawa sa ilang mga bakak. Biyai ang imong kamingaw ug duol sa balaan nga kahayag. Ang imong Ginoo nagtawag kanimo uban sa iyang maluluy-ong tingog,
Paminaw sa tawag sa Ginoo ug tubaga siya. Pagdesisyon sa tibuok mong kabubut-on nga mobalik sa imong Ginoo. Pangutana sa imong kaugalingon: “Gusto ba gayod ako nga mobalik sa Dios ug pangitaon Siya sa tibuok kong kasingkasing?” Dili kini igo nga adunay usa ka maayong katuyoan; kinahanglan adunay usa ka katapusang desisyon. Kung ikaw tinuod nga nangita sa Dios, moduol siya kanimo, ayohon ka ug luwason ka sa hingpit.