Previous Lesson -- Next Lesson
1. Gipadayag ang kasuko sa Dios sa tibuok kalibutan (Roma 1:18-32)
ROMA 1:22-23
22 Miangkon nga sila maalamon, apan nahimo silang buang buang, 23 ug giutro ang himaya sa walay kamatayon nga Dios ngadto sa imahe sama sa malimbongong tawo – mga langam ug upat ka tiil nga mga hayop ug mga nagakamang nga mga hayop.
Walay tawo nga mabuhi nga walay Dios.Kung iyang ipanghimakak ang Ginoo sa iyang kasingkasing, mobalhin siya sa laing diosdios, kay ang tawo sa iyang kaugalingon gihimo aron motoo nga dunay Dios.
Tanang naglimud sa Dios, adunay grado o wala, adunay kaugalingon nilang gidayeg nga ilang gihigugma, gihimaya ug ilang gitugyan ilang mga kaugalingon ug misakripisyo para ini.
Ang ubang katawhan misimba sa ilang mga pangulo, ug galaom nga pinaagi kanila sila makabaton ug kalamposan.Matag usa gatigum ug sapi ug nangita ug kayamanan aron sila malipay.
Ang mga naay grado nagsimba sa ilang mga libro ug sa ilang mga pilosopiya, daw murag naa silay kaalam, apan sila mga makasasala. Ang mga politiko nanghinaot sa ilang kadaogan sa tanang paagi, bisan pila pa ang bili aron makuha ang gusto.
Ang mga estudyante nagsalig sa kalamboan sa kultura, ang mga aktibista mihalad sa ilang kaugalingon sa espiritu sa rebolosyon. Mipatigbabaw ang kahadlok diha sa kasingkasing sa katawhan, tungod kay ang kalinaw sa Dios dili makita sa ilang kasingkasing.
Ang ubang mga drayber sa taxi nagbutang ug asul nga kolintas sa salamin sa ilang salakyan aron mapalayo sila sa daotang mata, ug kini galimud sa abilidad sa Dios sa pag protekta nila. Ubang nagbiyahe gagamit ug anting-anting, nga sa ilang pagtoo kini maka protekta nila. Daghan sa katawhan naglumba ngadto sa mga mananagna. Gabarog ug gahulat sila nga ilang ma estorya ang mga patay ug ilang espiritu. Ang katawhan nakasala labaw sa usa ka milyon nga higayon batok sa unang sugo nga: “Ako ang Ginoo inyong Dios. Wala na kamoy laing dios gawas kanako”.
Nabuta ang kalibutan sa kamatuoran sa himaya sa Dios, ug ang mga tawo nangasaag human nalipat ang mga mata, ilang gihinaot nga makadawat sa paglaum ug kalinaw sa ilang walay sulod nga kasing-kasing. Daghan ang giduminar sa bati nga panlantaw ug nawad-an ug paglaum.
Dako ang kaikag sa katawhan sa pagsunod sa mga balita sa mga sakayan sa kawanangan, mga artista, politiko, ug walay naghatag ug pagtagad sa mga sugo sa Dios. Gidaot nila ang matag usa pinaagi sa giyera, ug gidaot ilang mga kaugalingon pinaagi sa pagpanghimakak sa ilang Magbubuhat.
Eksamina imong kaugalingon! Gihigugma ba nimo imong kaugalingon, o laing tawo, kay sa gugma nimo sa Makagagahum? Nagasalig ka ba sa makina sa imong sakyanan? Imo bang gihigugma ang imong hitsora? Nangita ka ba ug tighusay diha sa mga katawhan? Ang tanang nimong kalibutanong gusto nagpagamay sa Dios. Busa, higugmaa ang Ginoo sa tanang nimong kasingkasing, sa tanan nimong kalag, ug kusog, aron ang imong diosdios, maski imong kahakog mamatay, ug ang himaya sa Dios ug iyang tabang mosanag diha kanimo.
PAG-AMPO: O Amahan, kami gapasalamat kanimo tungod sa imong paghimo kanamo sa imong imahe, ug pagpadayag kon unsa ka pinaagi sa imong Anak. Nangamuyo kami kanimo nga ipadayag ang imong gugma sa tanang katawhan aron ang ilang dili pagtoo mawagtang sa tibuok kalibutan, ug ang ngala sa imong Amahan mabalaan. Pasayloa kami kung kami adunay dios dios, ug wagtanga kini sa among hunahuna, aron ang imong Anak lamang ang maghari kanamo sa walay katapusan.
PANGUTANA:
- Ngano nga ang tawo nga nabuhi nga walay Dios magbuhat ug kinalibutang diosdios alang sa iyang kaugalingon?