Previous Lesson -- Next Lesson
11. Amun klo amun kpɔfuɛ mun !
Be nga bé tranlԑ yo ya, bᴐ be nyin su ti kekle bᴐ bé klun yo wi’n, be yԑ be wa sa ᴐ su lafilԑ’n nin ᴐ ti delԑ’n nin-ᴐn. Be wa wᴐ amun safle, be wa bo amun fԑ nin be nuan nun ndԑ mun, be wa gua amun nyin ase, annzԑ kusu be wa wlanwlan amun kԑ be kun amun be ninnge nga be su be’n ti. Sԑ ᴐ yo sᴐ’n, man amun wla kpԑn su kԑ Krist yacili amun sa tԑ’n cԑli amun ngbԑn, i sᴐ’n ti amun kusu an yaci amun kpᴐfuԑ’m be sa tԑ’n cԑ be nin amun awlԑn’n kwlaa. Nyanmiԑn i klolԑ’n ᴐ wa su amun bo man amun klo be sakpa. Nán like bᴐ tra klᴐ sran’n i wunmiԑn’n su b’ᴐ kwla yo-man-ᴐn. Sanngԑ kwlalԑ ng’ᴐ fin Nyanmiԑn, b’ᴐ tran e nun’n, ᴐ mian e kԑ e yoe sᴐ. Man Nyanmiԑn Wawԑ’n ᴐ man e fanngan nin akpue kԑ e fa yia Krist i mmla’n i nuan:
Cԑn kun Nyanmiԑn junman difuԑ kun su kᴐ lika i moto’n su aawlԑ’n nun. Ͻ wunnin gbanflԑn kun b’ᴐ jin atin’n nuan lԑ ᴐ minndԑ sran nan ᴐ fԑ i wᴐ. Ͻ jrannin nan ᴐ’a fa gbanflԑn sᴐ’n. Kannzu awiefuԑ-ᴐ. Kԑ be ᴐli bé nyrun kan’n, ᴐ wunnin kԑ tui wo i wia sin yԑ gbanflԑn seli i kԑ: " Jran, jra, fa sika ng’ᴐ o wᴐ sa nun’n nin ᴐ fluwa’n man min. Nyanmiԑn sran’n yo kԑ ᴐ su wa yi sika mԑn i sa. Kԑ ᴐ tinngԑli i sa nun nan ᴐ sᴐ sika’n nun’n, Nyanmiԑn sran’n finnin i sa nga tui o nun’n su yԑ tui’n tᴐli-ᴐ. Ͻ fali tui nan ᴐ’a su i bo a yi i asiԑ wun, ᴐ fa tui’n tinngԑli i wun nan ᴐ’a wlԑnwlԑn i ᴐ’a se kԑ: " Srԑ Nyanmiԑn yԑ di ᴐ sa tԑ’m bé nanwlԑ afin ᴐ wie cԑn’n ᴐ’a mantan. Sԑ sran bo ᴐ nyinma fama’n, bo i liԑ’n wie, yԑ sԑ sran kun tu ᴐ je kun’n, tu i liԑ’n wie. Like ng’ᴐ waan a fa yo min’n, n fԑ i kunngba’n n yo wᴐ".
Awiefuԑ’n kpannin kԑ : " Si min auunvuԑ, yaci, n ti yalԑfuԑ". Kristfuԑ’n tԑli i su kԑ: " A ti awiefuԑ nin sran kunfuԑ. Nyanmiԑn i ya’n wo ᴐ su. Siԑn’n a wa wu yԑ a kᴐ blᴐlᴐ sin’n nun lᴐ trelele! " Sanngԑ Kristfuԑ’n kԑnnin ekun kԑ: " Kԑ AMUN NGUAN’N ti kԑ nga sa! Laa’n, n ti kԑ wᴐ sa, sanngԑ siԑn’n, kԑ e nin Krist e yiali nun’n, ᴐ yacili min sa tԑ’n kwlaa cԑli min, ᴐ kwlali sran kpᴐlԑ kwlaa ng’ᴐ o min nun’n, i sᴐ’n ti, n yaci ᴐ wun sa tԑ’n n cԑ wᴐ. Kᴐ auunjuԑ nun! "
Awiefuԑ’n jaoli yԑ ᴐ niannin Kristfuԑ’n nan ᴐ’a se kԑ: " ?A klo kԑ a yaci min nun sakpa-a? ? Kԑ n kaci n sin bᴐ n ju min nyrun lᴐ kan’n, a su to-man min wun tui? " Nyanmiԑn sran’n tԑli i su kԑ:"Cԑcԑ, sanngԑ a wa si kԑ nan min yԑ n deli wᴐ ngan’n nin-ᴐn, sanngԑ Krist-ᴐ. N ti’a kpa n tra-man wᴐ, sanngԑ Krist b’ᴐ deli min’n, ᴐ klo kԑ ᴐ de wᴐ wie. Lafi i su yԑ yaci i nun man ᴐ kaci wᴐ nguan’n k’ᴐ yo nan cԑn nga ᴐ nguan’n wie’n ᴐ’a ᴐ-man anannganman sin’n nun lᴐ’n ti". Awiefuԑ’n niannin nyanmiԑn sran ekun wuun ᴐ kᴐ nin i nyrun nyannzuԑn’n lele ᴐ mlᴐnnin aosin nun.
Sa kԑ nga sa’n be ju-man sran’n kwlaa su, sanngԑ cԑn’n klaa Krist kle e kԑ e yaci be nga’m bé sa tԑ’n cԑ be yԑ man e wla fi sa’n nga be yoli ye’n su. Man e srԑ nyanmiԑn e man be, kannzԑ be kpli’an su kԑ e yo like man be’n. E Defuԑ’n ᴐ srԑli nyanmiԑn mԑnnin i kpᴐfuԑ mun blԑ ng’ᴐ o waka nda’n su’n:
Wafa ng’ᴐ fata kԑ Krist i sᴐnnzᴐnfuԑ’m be bu akunndan yԑ be nanti’n yԑ ᴐ o lԑ.
Yԑlԑ kԑ klolԑ’n lԑ kwlalԑ wie’n su yԑ sa yaci cԑlԑ’n ᴐ lԑ kwlalԑ kpᴐlԑ’n su.
Wᴐ bᴐ a su kanngan ndԑ nga’n: Sԑ a wunnin delԑ nga krist de sran mun bᴐ e yiyili nun’n i wlԑ kpa’n, wuun a kwla sie i nzᴐliԑ kԑ ᴐ ti ajalԑ nnyᴐn. I klikli su’n, Krist deli e sa tԑ’n ᴐ nin jᴐlԑ dilԑ kasiԑn’n be sa nun. I nnyᴐn su’n, Krist i klolԑ’n tinngԑ e ᴐ man e yo like e man sran mun yԑ e su be. Ͻ fata kԑ e yi ti delԑ’n i nglo e nyoliԑ’m be nun. Kristfuԑ nga b’a tin wawԑ’n nun’n, be nanti klolԑ’n nun, nin klun ufue yolԑ’n nun, nin awlԑn tralԑ’n nun, nin wԑtԑԑ yolԑ’n nun, nin wun ase kanlԑ’n nun yԑ wla ase gualԑ’n nun. ? Krist deli amun sakpa-a?