Waters of Life

Biblical Studies in Multiple Languages

Search in "Baoule":
Home -- Baoule -- Salvation - 10. Christ Will Free You from Selfishness to Serve Others
This page in: Albanian -- Armenian -- BAOULE -- Cebuano -- English -- French -- German? -- Greek -- Hausa -- Igbo -- Indonesian -- Somali -- Spanish -- Telugu -- Twi -- Ukrainian -- Yoruba

Previous Lesson -- Next Lesson

?Amun si sᴐ? Nyanmiԑn i ti delԑ’n wo lԑ amun ti!
Fluwa nga be jԑjԑli yԑ’n ͻ ti cinnjin kpa man amun

10. Krist ᴐ ′de amun awԑn yolԑ’n i lika k’ᴐ yo nan amu’an kwla su bé nga mun ti.


An jran kekle e Min’n i kwlalԑ’n nun. An nian e Min Zezi liԑ’n su, i sran klolԑ’n ti’n, ᴐ suli be nga mun. An klԑn amun wun man nyanmiԑn yԑ nán an bu amun osufuԑ’m be ngunmin be akunndan. An si kԑ sran uflԑ’m be o amun wun lԑ. An bu bé akunndan wie. Bé sa mian amun wun wie. An su be nin e Min’n i aklunnjuԑ’n. Kristfuԑ kwlaa nga ᴐ’a tin wawԑ’n nun’n, ᴐ su sran mun kԑ i Min’n yoli’n sa. Krist seli kԑ:

M BƆ N KACILI SRAN’N kɛ m balɛ’n ɔ ti sɔ-ɔ, afin
m’an ba-man kɛ be su min, sanngɛ m bali kɛ n ´su
sran, nan n ´fa min wun kpɔ sran sunman bé ti.
Matie 20:28

? Amu’an wun i wlԑ kԑ Krist yoli ninnge kpanngban mannin sran mun sanngԑ ᴐ’a le’a be sika le? Ͻ suli sran mun kᴐnnguԑ nin wia su, yԑ ᴐ fԑԑ i wun yili sa tԑ yofuԑ’m bé ti tԑ. Sran nga be nin sulԑ fata-man’n ᴐ suli be yԑ ᴐ yoli like mannin be. Nzuԑn kpa sᴐ’n, ᴐ’a kaci Zezi i sᴐnnzᴐnfuԑ’m bé nzᴐliԑ, be su be nga mun. Be minndԑ-man kԑ sran’m be uka be, sanngԑ be nian bé Min’n i liԑ’n su yԑ be nanti-ᴐ, afin ᴐ fԑ i wunn mannin bé nga mun i ijᴐlԑ’n nun, sa ng’ᴐ yo maan be’m bé nun yԑ ᴐ srԑ nyanmiԑn maan be. Krist i klolԑ’n yԑ ᴐ tinngԑ be-ᴐ.

Zezi seli kԑ:

Nyanmiɛn mannin min atin kɛ n sie nyanmiɛn su lɔ
nin asiɛ’n su ninnge’n kwlaa. I sɔ’n ti,
an `wɔ ko kle nvle-nvle’n kwlaa be like man be kaci n sɔnnzɔnfuɛ,
yɛ an `yo be batɛm e Si Nyanmiɛn, nin i Wa’n,
ɔ nin i Wawɛ’n be dunman nun.
Yɛ like kwlaa nga n kleli amun’n,
amun kusu an `kle be man be fa su.
An `nian, min nin amun e o cɛn kwlaa lele mɛn’n ´fa wie.
Matie 28:18-20

Nyanmiԑn Wawԑ’n i yԑ ᴐ su Krist i sᴐnnzᴐnfuԑ’m be bo yԑ be yia junman ng’ᴐ fa mannin bé’n i nuan-ᴐn. Ͻ ti aklunnjuԑ kԑ e ‵fa Jasin Fԑ’n e ‵man bé nga b’a mlin mun! Kԑ e wun like nga e Min’n yo mannin ye’n i wlԑ’n, e kwla muan-man e nuan’n su san e di i wun lalo sran nga’m bé nyrun, afin aklunnjuԑ’n ᴐ yi e kpo yԑ e si Nyanmiԑn i wun ye. Kԑ nyanmiԑn nyrun jranfuԑ bᴐ be ti jᴐlԑ difuԑ mun be seli Piԑr nin i wiegun nga be ti Zezi i sunmanfuԑ’m be kԑ be muan be nuan su nan nán man be kan ndԑ yԑ be kle like Zezi dunman nun kun’n, Piԑr b’ᴐ ti be nun klikli’n ᴐ seli kԑ:

Nanwlɛ, E KWLA YACI-MAN like nga e wunnin i’n
nin ndɛ nga e tili’n i kanlɛ.
Sa nga be yoli 4:20

? Ͻ yo sԑ yԑ an kwla lafi bᴐ an kwla gua amun wla ase blԑ nga amun janvuԑ mun ᴐ nin amun osufuԑ mun be o Nyanmiԑn i ya’n i bo-ᴐ? Wienun-ᴐn bé nyin kekle’n nin bé sa tԑ’m be ti’n be ti kԑ sran mun bᴐ b’a wu’n sa Nyanmiԑn nyrun. ? Nguԑ ti yԑ an kan-man ti delԑ b’ᴐ o Zezi nun’n i Jasin Fԑ’n kle-man be-ᴐ? K’ᴐ nan b’a nyan bé ti nan b’a mlin-man mlᴐnmlᴐn’n ti’n, ᴐ fata kԑ Nyanmiԑn i kpajalԑ’n bᴐ o amun akunndan’n nun’n, ᴐ nin Krist i klolԑ bᴐ kwlalԑ o nun’n, b’ᴐ o amun awlԑn’n nun’n, ᴐ ‵su amun bo nan an ‵kan Krist i Jasin Fԑ’n kle be.

Cԑn kun Marᴐk lᴐ klᴐ nga be flԑ kasablanka’n su lᴐ’n, gbanflԑn suklu ba kun b’ᴐ flԑ nyanmiԑn’n ᴐ tili Zezi wun ndԑ nan ᴐ’a bo i su sulԑ bo. Kԑ ᴐ kanngannin Zezi wun ndԑ b’ᴐ wunnin kwlalԑ dan b’ᴐ lԑ i’n, i klun jᴐli yԑ i wun b’ᴐ blibli i’n ti’n, ᴐ toli Anuansԑ uflԑ ablasan-nin-nnun nan ᴐ’a fa cԑ i janvuԑ ng’ᴐ nin bé o suklu sua kunngba’n nun mun.

Zezi boli i kasiԑ kleli i sᴐnnzᴐnfuԑ mun kԑ:

Sanngɛ kɛ Nyanmiɛn Wawɛ’n ko ba amun wun’n,
ɔ ´tin amun, an wa kan min ndɛ Zerizalɛm wa,
nin Zide mɛn wunmuan’n nun, ɔ nin Samari lɔ lele fa ju asiɛ’n i awieliɛ.
Sa nga be yoli’n 1:8

Amun wa wun i kԑ nán sran ngba mun yԑ bé wun ti siesiewa kԑ be sie bé su Jasin Fԑ’n i bo-ᴐ. Sran kpanngban be yi Defuԑ bᴐ be boboli i waka nda’n su’n i blo, wie mun be kpᴐ i waka nda’n, be klo-man kԑ be ti i wun ndԑ kanlԑ. Nga be yo i lԑ’n be wun-mԑn i wlԑ. Sԑ amun nin i sᴐfuԑ mun yia nun’n, like nnyᴐn yԑ ᴐ’a ka-ᴐ. An srԑ nyanmiԑn man be tititi yԑ an su be blԑblԑblԑ. Laa Sini bᴐ i su sran’m be sᴐnnin tra nvle’n kwlaa’n, i siefuԑ’m be tanninnin Jasin Fԑ’n bolԑ’n i atin. Sanngԑ Kristfuԑ mun be nyannin be bᴐ be waan nyanmiԑn nu’an lԑ’n be nun kpanngban ᴐ man be sᴐli Krist nun. Kristfuԑ’m be trali bé awlԑn, be suli be nga be ti’a Kristfuԑ mun. Be yoli ninnge kpanngban mannin bé blԑblԑblԑ. Be nga be waan Nyanmiԑn nu’an lԑ’n, be wunnin kwlalԑ kun b’ᴐ lԑ-man wunsu yԑ be wunnin Nyanmiԑn i klolԑ’n Kristfuԑ’m be nzuԑn’n nun. I sᴐ’n kle e weiin kԑ nán ijᴐlԑ’n ngunmin nun yԑ e kwla di Krist i wun lalo-ᴐ, sanngԑ Krist i Wawԑ’n ᴐ ijᴐ nguan ng’ᴐ ti saun’n i nun.

Kԑr lᴐ lika nga dᴐᴐtrᴐ dandan mun be suan like lᴐ’n, talua kun klԑli fluwa kun seli kԑ : " N kwla kan-man min su lafilԑ’n i wun ndԑ awlo lᴐ afin n ti bla. Min awlofuԑ’m be kwlaa be flԑ nyanmiԑn yԑ be di e nannan’m bé nyoliԑ’m be su. N srԑ amun kԑ an srԑ nyanmiԑn man min k’ᴐ yo nan m’an kwla nanti saun yolԑ’n nun, nan m’an yo wԑtԑԑ, nan m’an fa-man ya m’an plan-man awlo’n nun’n, afin n klo kԑ min osufuԑ’m bé kwlaa be wun wafa nga Nyanmiԑn Waw’n i klolԑ’n yi i wun nglo m bᴐ n lԑ-man fanngan’n min nguan’n nun’n". Ndԑ kungba nga Zezi kann kleli i sᴐnnzᴐnfuԑ mun’n yԑ ᴐ o lԑ,

AMUN YƐ AN TI KƐ KANNIN SA MƐN’N NUN-ƆN.
Klɔ b’ɔ o oka su’n, ɔ fia-man.
Kusu be sɔ-man kannin sie-mɛn i sɛ bo, sanngɛ be fa sie like su nglo,
nan ɔ `kpaja be kwlaa nga be o sua lɔ’n be nyrun.
I kunngba nin-ɔn, an `yo kɛ kannin sa sran’m be nyrun,
man be wun AMUN NYOLIƐ KPA’N nan be manman amun Si b’ɔ o nyanmiɛn su lɔ’n.
Matie 5: 14-16

? Amu’an wun i wlԑ kԑ Krist i Wawԑ’n ᴐ man amun mma kpakpa wie mun bᴐ be fin Nyanmiԑn ? Sunmanfuԑ Pᴐl klԑli fluwa ko mannin Galasifuԑ mun, ᴐ seli kԑ,

Sanngɛ SA NGA NYANMIƐN WAWƐ’N MAN SRAN YO’N YƐ:
ɔ man be klo Nyanmiɛn nin sran, be klun jɔ, bé wla gua ase,
be tra be anwlɛn, be yo sran ye, be yo aklunye,
be di nanwlɛ, be yo wɛtɛɛ, yɛ be yo sa i nuan su.
Galasifuɛ mun 5: 22-23

An bu ndԑ cinnjin sᴐ’n i nun ndԑ mma’m be akunndan kunngba kunngba yԑ an srԑ Nyanmiԑn kԑ ᴐ yo man ndԑ sᴐ’m be nuan yia amun nguan’n nun. An sᴐ sa nga Nyanmiԑn Wawԑ’n man sran yo’n i kwlaa nun. Amun wa di aklunnjuԑ yԑ amun wun jᴐ amun sa fᴐuun.

www.Waters-of-Life.net

Page last modified on March 02, 2023, at 01:10 PM | powered by PmWiki (pmwiki-2.3.3)