Previous Lesson -- Next Lesson
8. Shpëtimi të frymëzon për lutje të reja!
Të gjithë ata që e kanë pranuar Krishtin si Shpëtimtarin e tyre të dashur dhe besojnë vazhdimisht në të përjetojnë një ndryshim bazë në jetën e tyre. Ky ndryshim i brendshëm mund të dallohet nga një sjellje e mirë. Ata nuk janë më nën zgjedhën e mëkatit por kanë marrë një jetë të re nga Perëndia dhe janë bërë fëmijët e tij. Nuk është e rëndësishme ta ndjeni këtë ndryshim në një mënyrë dramatike sikur të lundronit mbi valët e gëzimit. Mjafton nëse besosh me të vërtetë se Krishti ka marrë kontrollin e gjithë jetës tënde dhe që ai është duke të udhëhequr me besnikëri dhe po të ruan në të gjitha udhët e tua.
Shpëtimi i Krishtit krijon në ty një dëshirë të fortë për lutje, lavdërim dhe falënderim drejtuar Perëndisë i cili u bë Ati yt përmes Krishtit Jezus. Mëkatet e të shkuarës tënde nuk të ndajnë më prej tij. Tani je i pastër për shkak se gjaku i Jezu Krishtit u derdh për ty. Fryma e Perëndisë të drejton të bësh Lutjen e Zotit:
Lutjet e tua nuk do të jenë më përsëritje boshe apo liturgji tradicionale, por një bisedë e drejtpërdrejtë me Perëndinë. Ti mund t'i tregosh atij për problemet, gabimet dhe frikërat e tua dhe ai do të të përgjigjet në Ungjillin e tij të shenjtë. Nuk je më vetëm, sepse Krishti të përfshiu në bashkësi me Perëndinë madhështor. I shenjti nuk është më shumë larg teje, i panjohur dhe frikësues. Ai është Ati yt, i cili kujdeset për ty, të kupton personalisht dhe të mbron në provaninë e tij. Nuk ka ndonjë ndryshim tjetër më të madh të mundshëm që mund të përfytyrosh se sa ky: Perëndia, Krijuesi dhe Gjykatësi i përjetshëm iështë Ati im! Për këtë arsye ji mirënjohës ndaj tij dhe lëre zemrën tënde të mbushet me gëzim dhe adhurim, sepse Perëndia i shenjtë e tregon veten të mëshirshëm ndaj teje, mëkatarit, të fal të gjitha mëkatet dhe të pastron me gjakun e çmuar të Birit të tij. Prandaj, zemra dhe gjuha jote mund të këndojnë bashkë me Psalmin e Davidit:
Në favorin e tij, Perëndia ka vendosur një këngë të re në zemrën tënde. Ti po falënderon për shpëtimin e tij madhështor. A ka një melodi të vazhdueshme lavdërimi për Perëndinë në zemrën tënde? A e falënderon atë për dashurinë, durimin, besnikërinë dhe mirësinë e tij të cilat t'u zbuluan në Krishtin? Medito mbi bekimet frymërore që Perëndia t'i ka dhënë në Shpëtimtarin tënd Jezusin. Mos e freno falënderimin sepse pranimi i shpëtimit e ndryshon jetën tënde dhe fjalët e Biblës bëhen reale për ty, sikurse është shkruar:
Ne mund të dëshmojmë bashkë me miliona besimtarë që përderisa zemrat tona u pastruan nga gjaku i Krishtit, Fryma e lutjes është derdhur në to. Ne jemi të sigurt që Ati ynë qiellor i dëgjon të gjitha fjalët e fëmijëve të tij. Ai nuk do të shpërfillë as edhe një fjalë të vetme. Ai gjithmonë u përgjigjet lutjeve tona, nëse jemi në harmoni me vullnetin e tij. Ne kemi një lidhje direkte me Perëndinë. Le ta falënderojmë për këtë privilegj.
Ne lutemi që kjo e vërtetë të mund të të zbulohet, që edhe ti të mund të përjetosh kuptimin më të thellë të shpëtimit, fuqinë e besimit dhe falënderimin e gëzueshëm.