Waters of Life

Biblical Studies in Multiple Languages

Search in "Peul":
Home -- Peul -- Matthew - 007 (Genealogy of Jesus)
This page in: -- Arabic -- Armenian -- Azeri -- Bulgarian -- Chinese -- English -- French -- Hebrew -- Hungarian? -- Indonesian -- Latin? -- PEUL -- Polish -- Russian -- Spanish? -- Uzbek -- Yiddish

Previous Lesson -- Next Lesson

MATTA - Tuubee ko fii laamu Almasiihu on ngun bhadike!
Jandeeji suutaadhi ka Linjiila Almasiihu on no Matta yottiniri mo non
SOBBHUNDU 1 - Piiji arani dhin ka golle Almasiihu on (Matta 1:1 - 4:25)
A - Fii jibineede annabi Iisaa e paykunyaagal makko ngal (Matta 1:1-2:23)

1. Taariika fii Iwdi Iisaa Almasiihu on (Matta 1:1-17)


MATTA 1:2
2 … Issaaqa jibini Yaaquuba,

On jangudho taariika fii iwdi annabi Iisaa ndin faamay wonde Linjiila on ko e defte dhen ka Ahadi Hindi o tippi. Gooto waawataa faamude linjiila on no luggiri si hawrii o jangaali taariika fii iwdiiji dhin, wano woniri non gooto waawataa hewtude e suudu dow-dooru si o rewraali e ley-leeru ndun.

E fee fennyinannde nde Alla fennyini nden, Yaaquuba toddhaa adii jibineede makko fii wonugol hendotoodho on nafa baraaji dhin (Fuddhoode 25:23-28). Kono Yaaquuba habbaaki timmoode fodaari ndi o fodaa ndin e nder munyal e toraare Alla. O hawjini piiji dhin, kanko e yumma makko bhe huutori yhoyre no o hendora baraaji maranaadhi dhin afo on. Hakkee ko kotoo makko Iisu monanii mo, tawi bee o doga mo. Alla feenyani Yaaquuba janfotoodho on ka hoore laawol, o daalani mo wonde bolondaaji aduna on fow barkinte sabu makko. Yaaquuba faamaali koydhol ngol, kono o huli, o gomdhini fennyinnande nde o fennyinanaa nden fii bhargal juggiingal ngal ka kammu e fii daaluyee on immorde Joomi makko. O jokkitorii yaadu makko ndun hella funnaange. Kaawu makko yhetti mo golle fii aynugol dammi dhin. O dhayni kaawu makko, jom dammi dhin on. Labaanu kaawu makko kanko kadi dhayni mo e fee okkugol mo jiwo makko afo on edii okkugol mo tosooko on wano bhe haldirnoo non. Ko netti, Yaaquuba yhetti tosooko on, mo o yidhi on, bhawto ko o golli ka kaawu makko duubhi buy dhi o bheyditananoo. Bhawto satteendeeji buy wadhude, o yiltitii ka makko ka maamiraabhe makko bhen. Ka hoore laawol, Alla feenyani mo fii ittugol few mawnitaare makko nden, o wona yankiniidho. Bhe tippiri e nder koydhol. E fee ngon tippiro ruuhuyankewo, dhaynoowo on tuubi, o hayfintinii, o wonti dewo yankiniidho. Allaahu on okki mo innde heyre, nden le ko «Israa’iila», dhun no firi «o gerdii e Alla». Joomiraadho on hebhii ko o dhabbhaynoo kon: o tagii e makko faale tiidhudho fii kisiyee timmudho mo o sutii on ka woddhi e fee ko annabi Iisaa arata kon ka aduna.

Ko e Almasiihu on koydhol Yaaquuba ngol laatii, dhun ko ko malaa’ikaabhe Alla bhen wadhaynoo kon yhawa tippoo ka kammu, tippoda e baraaji fii aduna on (Fuddhoode 28:12-13; 48:15-16; 49:18; Yuuhanna 1:51).

TORAARE: Joomi an, hidha andi wonde wonkii an kin no yidhi penaale e dhayne e townitaare. Mi torike ma yaafano lan junuubaaji an dhin fow. Bonnitu e an anniyeeji kaanudhi dhin fow fii no mi jokkira laawol maa feewungol ngol e dow yankinaare. Bonnitu mawnintinaare an nden wano bonnirnodhaa non nde Yaaquuba nden. Ko non mi wontirta dewo e ko non mi wontirta tippiroowo fii laamateeri maa ndin.

LANDAL:

  1. Ko honno Yaaquuba hendori dimankaaku ngun fii yedhugol barki Alla kin yimbhe bhen fow?

www.Waters-of-Life.net

Page last modified on May 16, 2012, at 01:01 PM | powered by PmWiki (pmwiki-2.2.109)