KALAAN 07 -- So TUHAN na pakapiyaan niyan a ginawanga!
Obo o katawan tano so kawlad orate a ginawa ago lawasaig o lo sie sa doniya, banda katkawan tano ago kabeteng sabap sa daa pag-asa. Ogayd so Torah ago Ebangelyo na bigan tano niyan sa piyor a ipakapiya a ginawa ago tiyabangan tano niyan sie ko malibuteng. So masalinggagaw a Tuhan na inogopan niyan si propeta Isaias sie ko mga osyat a mapepeno a pag-asa: “So wata a pkababayaan o ina iyan, pkababayaan aken mambo” (Isaias 66:13). So mala e kabarakat a Tuhan na piyangbaal iyan so babaya o ina ago so kala iyan e ranon. Bapiya antaa e tomoon niyan a maylay so kapiya o Tuhan, obserbahi niyan so kaalaga o ina sie ko wata iyan, na kasabotan niyan so daa tamana o kapiya o Tuhan.
So ina na aawidan niyan so wata sie sa sold a tiyan niyan, so sakit a miyagedam iyan sie ko kiyambawata iyan, ginan e sabap a so wata na parte o ginawa niyan. Miyakagedam skaniyan sa responsibilidad, siniyap iyan siran sie ko gagawie ago kapipita, paka sosooon niyan igira a miyagutem, piyangonaban niyan siran oman gawie, penggakes kiran, dimangayad ago dikiran dimakimbitiyara-e, bapiya diran sabuten so mga kataro. Da niyan awa-e so mga wata iyan sa daa ped iyan, pkalek oba aden a mawla-ola iran, pkababayaan niyan so mga wata iyan, sabap sa siran na inisarig o Tuhan sie rkiyan.
Sie ko kapakala o mga wata iyan, piyamamasaan niyan siran sa mga nditaren, talumpa, dimamipi dimamanindaan, ago dimlimpiyo para rkiran. Igira a pakawma siran poon sa skwelaan na diniyan siran dipamangda-on ago ptabang sie ko mga homework iran. Igira a miyakanggolawla so mga wata iyan sa marata na prangitan ago psaparan niyan siran, kaan siran makala a mapiya a taw. Pitaro iyan kiran so karataan o druga, sexual a relasyon, ago karataan o kapangatao. Piyangilayan niyan siran sa mga pipiya a layok. Skaniyan, so ginawa niyan e aya mapiya a ibarat sie ko mga wata iyan.
So mga wata na katawan niran a pakabaling siran bapiya miyaka nggolawla siran sa marata. Diran ditaroon so mga problema iran sie ko ina iran, psaboten niyan siran ago matatago ini langon sie ko puso iyan. Piyamangdaw niyan siran a sarig ago diniyan siran dipamatiyaan sa mga pipiya a storya. So ina na maiilay a lagid o dindokawan.
So kapiya o Tuhan
So praktikal a babaya o ina, so ranon niyan, so sakripisyo a riniparado niyan, ago kambabaloy niyan a masabaren na toos sie ko babaya ago kapiya o Tuhan.Pkababayaan o Tuhan so langon a mimbalingan rkaniyan. Siniguro tano niyan: “Saken, bapiya saken e aya paka piya ko mga ginawa niyo” (Isaias 51:12). So miyangaden sie sa doniya na kiyomperma niyan sie ko propeta ago mga taw, bapiya pen matatago siran sa kolongan, na makaririparado skaniyan a tabangan siran, basta a mbalingan ago isarig iran a ginawa iran sie rkaniyan. Skaniyan, so mala e kabager na makaririparado a tabangan ago paka piyaan ka niyan. Samanoto, ibarat o aden a problema nga, obangka sariliya, taro angka ko Tuhan ago kaylay nga a makapembaloy skaniyan sa mga pipiya, o sarig ka rkaniyan.
So miyangaden na inaden tano niyan ago bigan sa niyawa, kabager, babaya, mapiya a pamimikiran, ago kawyag-oyag. Kenaba tano maatay a lagid o wator, ago dipaka kineg a pamomolaan, ka mga taw tano a aden a puso iyan, pamimikiran ago kagedam. So kadenan na katawan niyan so mga talento tano ago so mga kahinaan. Katawan niyan so mapiya a lalan para rektano, tomoon niyan a sie tano mokit ko mapiya a lalan a riniparado niyan (Efeso 2:10). Aden a plano niyan para reka.Sisiyapen ka niyan sa sobra pen ko mga lokes ka. Lalayon ka niyan mapipikir sa mbaloy ka a mapiya a taw.
Di ka niyan pagawaan a aden a kalek sie ko puso oka, pkasakitan ago maaalangalang. Siyapen ka niyan ago pamangdawn sie ko kasimba, “Bgi kamingka sa pangenengken oman kapita” (Mateo 6:11). Obangka lipati a likaan niyan so paytaw o edukasyon para reka. Katawann niyan so koris ka, so taw a miptapi ika. Pagilayn ka niyan ago pakawatanen sie ko mga rarata a galebek. Pakala angka so sabot ka ago sariggen ka a ginawangka sie ko Tuhan, kaan ka niyan toroon sa piyor a lalan.
So korapsyon sie sa doniya na kaylangan a maped sie ko kapangokom o Tuhan. Ogayd, so mala e kabager na di niyan tomoon oba tano mabinasa, inipakawit iyan so wata e Maria kaan tano makambalingan sie rkaniyan. Tiyalo-an niyan so langon a song rkiyan ago tawbat, katarimaa ki Kristo sie sa doniya.
“Pkababayaan a tanto o Tuhan so doniya, na inibgay niyan so botong iyan a wata, antawa-on e pkababaya rkiyan na di skaniyan kawteng sabap sa pakagedam sknaiyan sa daa tamana iyan a kawyag-oyag”. ( Juan 3: 15-16)
So ina na plimpiyohan niyan so mga wata iyan oman kapita, so mala e kabager na tomoon niyan mambo a limpiyohan, ago salinen ka niyan. So mala e kabager ago masalinggagaw a Tuhan na makaaririparado a ogopan ka niyan, bapiya pen sie ko pinaka maregen a mabebetad ka. Makaririparado skaniyan a rilaan so mga miyasala aka, ago so mga sekretongka, asar ka ptaroon ka sie rkiyan. Pkababayaan ka niyan, pkababayaan ka niyan mbitiyara-e, ago dimnayaw a sog ka rkiyan. Kailan ka rkiyan panalamat sie ko babaya iyan, taro agka so mga sekreto nga sie rkiyan ago paganad ka lumalakaw sie ko kapiya niya? Tiyarima ka niyan sie ko mawlad a barukan niyan.
So plano o pinakamaporo na piyakawlad pen. Piyakawlad iyan para reka, kaan ka mbaloy a wata a makaaayon sie ko mga pasad iyan. Tomoon niyan a ibgay reka so mala e kabager a espiritu, kaan ka mbaloy a wata iyan a mama odi na babay. So babaya o Tuhan na mas mala adi so ditano dipamimikiren. Tomoon niyan a matago so daa tamana iyan a niyawa sie ko badan ka. Song ka rkiyan, pangilay angka skaniyan, sie ko pramis iyan “Pangilaya ako niyo, katoon ako niyo, sabap sa poon ko puso iyo” (Jeremias 29:13)
So kamapiyaan e Kristo
“Swerte so dimagluksa sabap sa pakapiyaan siran o Tuhan.” (Mateo 5:4). Somiyong si Kristo sa doniya a maawid sa babaya, mapepeno a ranon. Miyaka gdam skaniyan sa ranon sie ko mga diyokawan a miyakambelag, so mga pangangayamen a daa pagilay ron (Mateo 9:36). Tiyaloan niyan so mga bata-bata iyan a monot rkiyan, kenaba niyan siran mbabaloya a orepen. Skaniyan e magoolowan kiran sie ko lalan. Inako si Juan ago so pagari niyan a mama na somiyogo sa apoy a pakapoon sa langit, kaan makatana sie ko mga taw a da kiran tarima, siyaparan niyan siran, pitaro iyan, “Di niyo katawan so olawla o espiritu a matatago rkiyo” (Lucas 9:55).
Inako si Peter, ditaro para ko mga bata-bata, na miyamrak, bapiya pen pitaroan skaniyan e Hesus, gomiyoraok skaniyan, si Peter. Ogayd so wata e Maria, a miyawyag paroman sie ko kapatay, na piyangilay niyan skaniyan, rinilaan ago piyangangampianan niyan, tiyaloan niyan paroman a song ago mbalingan ko Tuhan.
Inako si Judas, so traydor, inidolog iyan so master iyan sie ko kalaban iran sa is aka arek, da niyan tengela ago prangiti, ogayd inisaan niyan, “ Layok, ino ka sasaya? Petraydoren ka so wata o taw poyakawkit sa arek?” (Lukas 22:48; Mateo 26:50)
Si Hesus na skaniyan so mimbaloy a taw a babaya o Tuhan. Skaniyan na masalinggagaw lagid o ama iyan sie sa poro a masalinggagaw mambo (Lucas 6:36). So pakamemesa a kapamolong iyan na ebidensya sie ko kala iyan e ranon sie ko mga pobre ago adun a sakit iyan. Inako mailay niyan so kapenggoraok o balo sie ko kiplebengen sie ko botong a wata iyan, tomiyareg si Kristo, inoyag iyan so wata a mama ago inibegay niyan paroman sie ki ina iyan.
Inako aden a sapolo a taw a aden a mga sakit iran, na di kapakay a mobay sie ko mga daa sakit iyan, miyakineg a si Kristo na pagokit, miyamgoraok siran ago piyamangni iran a pakapiyaan siran. Da niyan siran bogawa, piyakapiya niyan siran gamit so mga kataro iyan. Inako mailay niyan so siyolkan, so marata na gomiyoraok sa kalek.Da skaniyan palagoy, piyaka palagoy niyan so marata gamit so mala iyan e kabarakat a kataro.
Piyakagenek e Hesus so bagyo kaan miligtas so mga piyamangdaw niyan, kaan siran di maled. Piyakawsog iyan so limanggibo a magogotem a dimamakineg, dowa bo a sda ago lima timan a paan. Rinilaan niyan so dosa o mapaparalays a mama a miyangalimbabaan poon sa rooftop, riniskiyan niyan so mga wata ago tiyaloan niyan so pagari e Lazaro a babay “O sarig ka, kaylay nga so kabager o Tuhan” (Juan 11:40).
Si Hesus na pkababayaan niyan so langon, bapiya pen ridoay niyan. Katawan niyan so dosa o mga taw ago di iran kagaga a iligtas a mga ginawa iran, samanoto, kinowa niyan so dosa sie sa doniya, sie ko puso iyan, ago iniligtas iyan siran, sie ko kataro o propeta Isaias: “Piyor a biyawa niyan so kamargenan tano, sabap sie ko miyasala tano; so karataan tano na miyatago rkiyan, ago sabap ko mga garas iyan na miniligtas tano. Lagid tano o pangangayamen a miyangadededeg; tomiyalikod tano, so langon, sie ko okita iyan; ago inibtad o Tuhan so langon a miyasala tano sie rkiyan” (Isaias 53: 4-16).
So wata e Maria na piyasad iyan so kipligtasen ko doniya ago piyakatineg iyan so kamapyaan o Tuhan. Pimbaloy tano niyan a kowalipayd, sie ko kiyapiya-piyae ko kiyapatay niyan para ko katarimaa ko kamapiyaan o espiritu o Tuhan.
So kiyapakawma o Espiritu Santo sie ko mga miyangimbenar ki Kristo
So langon a lomika ko puso iran sie ko babaya o Tuhan ago sie ko dikapamolong e Kristo, ago tarima sie ko kamapiyaan niyan, para tarima sa espiritu a ipakapiya, so mambo so espiritu o benar. Miyag pramis si Hesus ko mga tomiyondog ron, sie ko da niyan pen kapatay: “Psimba ako sie ko ama, ago mbegan kano niyan sa ped a pakatabang, ago skaniyanna mbaling rkano sa daa kataposan niyan, so piyor a espiritu, a so doniya na di niyan kakowa, sabap sa di niyan kaylay ago di niyan katendo skaniyan; ogayd na katawan ka skaniyan, sabap sa skaniyan na mbabaling rkano ago sie sa obay niyo” (Juan 14:16-26; 15:26-27;16:7-14). So pakapiya a espiritu na skaniyan so mala a pramis o ama. Inibgay skaniyan, sie ko ngaran e Kristo, bapiya antaa e pamangni rkiyan (Lucas 11:13)
So mala e kabager na inipikiilay niyan rektano so piyor tungkol ko Tuhan, so espiritu tano a ama, tungkol sa ginawa tano ago so mga tomatalingoma. Likaan niyan so mata o mga puso tano sie ko benar, piyakatineg iyan so piyor a sarig rkitano, ago bigan tano niyan sa assurance. Skaniyan e tagapagtanggol tano sie ko gawie a kapangokom ago pakapiya ko ginawa tano igira a aden a awidaakal tano.
So espiritu o benar na moonot rektano sie ko oman minuto a kawyagoyag tano, pitaro e Apostol Pablo: “So kadakel o miyawid sa espiritu o Tuhan, giyangkae so mga wata a mama o Tuhan” (Taga-Roma 8:14).
Giyangkae a pakapiya a espiritu na tabangan tano niyan sie ko panahon a maliliwat tano, kaalekan ago mararata a ginawa tano. Bigan tano niyan sa sarig, kalilintad ago proteksyon sie ko mga tumatalingoma a peligro, ago iniligtas tano niyan ko karegen o kapatay. Tiyaloan tano o espiritu a maningkawyagen a mala e sabot ago miliyo tano so mga miyandosa tano sabap sa ipkagowad tano siran. So espiritu o Tuhan na mala e kabager. Tomoon niyan a taroon so mga miyandosa tano sie ko Tuhan, ago inidolog tano niyan ko piyor, plimpiyohan ago mbalingan.
So dimangangampianan na kenaba niyan poporoon a ginawa niyan, sabap sa so wata e Maria, so tagapagligtas tano, ago tabangan tano niyan sa kasabota ko babaya iyan sie rektano. So espiritu o Tuhan na daa tamana iyan a kawyagoyag sie sa ginawa niyan ago so pag-asa a di kapasad. Piyaka piya tano niyan, ipligtas tano niyan poon sie ko kapatay ago ptalimbagak rektano taman s ataman.
Giyangka-e a dimangangampianan a espiritu na tumatareg sie ko mga tagasunod e Kristo sabap sa mangingimbenar siran ko kamapiyaan niyan. Giyae a espiritu na mapaka tanor iyan so olawla iran, kaan so babaya o Tuhan, kamapiyaan ago kambabaloy niyan a masalinggagaw na mailay kiran. Giyae a dimangangampianan na moonot ektano sie ko kaplangkapen tano sie ko kataro o Tuhan ago kapserbisyuhi ko mangangailangan. Pino tano niyan a mga pakaranon a dikapmamasla ago kapanalamat. So masalinggagaw na tomoon niyan a mbaloy tano a mga pipiya a taw, pitaro sie ko simba e Apostol: “Panalamatan tano so Tuhan, ago so ama o Tuhan a si Hesu Kristu, so masalinggagaw a ama ago Tuhan o langon a kamapiyaan, miyaka piya ko mga gedamen tano igira a sisii tano sa kamaregenan, kaan tano mambo makatabang ko aden a mga problema niyan, lagid o kamapiyaana miyakowa tano poon ko Tuhan” (2 Taga-Corinto 1:3-4). So espiritu o Tuhan na keneba niyan mapembago sa magaan so mabebetad tano, ogayd na mapembago niyan a mona so mga ugali tano sie ko kapligtasen rektano e Kristo. So mga puso tano na miyangarap sie ko tagapagligtas, sabap sa skaniyan na pekebabayaan tano niyan ipoon pen ko gowani. Pembegan tano niyan sa pag-asa sie ko riski niyan piyakawkit sie ko bersikolo ko ebanghelyo niyan. Bapiya antaa e miyaka goraok ron, ptalimbagak na swerte ago mapipiya a ginawa niyan.
Miyagdam ka so kamapiyaan o Tuhan? O tomoon niyo pen a mangimbenar ago madakel a kasabotan ka ko piyor a mapiya a espiritu, makaririparado kami a daa bayad iyan, mbegay kami sa sorat so ebanghelyo e Kristo, ped a ipamangni ami ska sa kamapiyaan, a makailay ka sa kalilintad ped so Tuhan, bapiya sie ko kalibuteng.
Paka piya angka a ginawa o mangangailangan sa obayngka: O so mga osyat angkae a mayto a dipamatiyaan na miyaka begay reka sap ag-asa, began ka ini ko mga ta a dimangilay sa benar monot ko Tuhan, kaan siran mambo maka kowa sa mapiya, sie ko kaadae kiran sap ag-asa. Taro angka rekami pera timan e kailangan ka a lagidaya a karatas a ipamgay nga, kaan name seka kabgi sa limitado a kopya sie ko kapserbisyuhi nga. Sorat ka rekami, kataya so address:
WATERS OF LIFE
P.O. BOX 60 05 13
70305 STUTTGART
GERMANY
Internet: www.waters-of-life.net
Internet: www.waters-of-life.org
e-mail: info@waters-of-life.net