Waters of Life

Biblical Studies in Multiple Languages

Search in "Cebuano":
Home -- Cebuano -- Romans - 041 (In Christ, Man is Delivered)
This page in: -- Afrikaans -- Arabic -- Armenian-- Azeri-- Bengali -- Bulgarian -- CEBUANO -- Chinese -- English -- French -- Georgian -- Hausa -- Hebrew -- Hindi -- Igbo -- Indonesian -- Malayalam -- Polish -- Portuguese -- Russian -- Serbian -- Somali -- Spanish? -- Telugu -- Turkish -- Urdu? -- Yiddish -- Yoruba

Previous Lesson -- Next Lesson

ROMA - Ang Ginoo maoy atong Pagkamatarong
Mga pagtuon sa Sulat ni Pablo sa Roma
PARTE 1 - ANG PAGKAMATARONG SA DIOS Naghukom sa mga makasasala ug Nagpahitarong ug Nagbalaan sa mga tumotuo ni kristo (Roma 1:18 - 8:39)
D - ANG GAHUM SA DIOS MILUWAS KANATO GIKAN SA GAHUM SA SALA (Roma 6:1 - 8:27)

6. Diha kang Kristo, ang tawo naluwas gikan sa sala, kamatayon, ug paghukom (Roma 8:1-11)


ROMA 8:2
2 Kay ang Balaod sa Espiritu sa kinabuhi ni Kristo Hesus naghimo kanako nga gawasnon gikan sa Balaod sa sala ug kamatayon.

Atong pagtuo puno sa kinabuhi, tungod kay ang Balaang Espiritu gibubo sa atong kasingkasing nga magtutuo, kung atong abrehan atong kasingkasing kang Kristo. Kining manghinatagong kinabuhi, gapukaw nga Espiritu, usa ka mamugnaong gahum sa Dios nga namuhat ngadto sa misalig sa Gilansang.

Sa pagsugod sa pagbuhat, ang Balaang Espiritu naglabay-labay ibabaw sa wala naporma nga kalibutan. Karong adlawa, ang Balaang Espirtu nagbuhat ug kinabuhi diha sa paglaum ngadto sa milyon ka tawo. Kita, isip magtutuo, wala gapuyo gikan sa atong kaugalingon, apan gikan sa Iyang pag-amping, kabuhong ug pasensya.

Bisan kinsa nga mo uyon ug moabre sa iyang kasingkasing sa mga buhat sa Espiritu ni Kristo mahimong puno sa gahum sa Dios. Wala ka giluwas o gimatarong pinaagi sa imong kaugalingong pagtugot, huna-huna, o kusog, apan pinaagi sa Balaang Espiritu sa Dios. Siya ang magbubuhat sa imong pagtuo, ang manunulat sa imong gugma, ang gadagayday nga kalipay, ang tinubdan sa imong mga grasya.

Siya ang Dios kinsa gabuhat kanato, gaaghat kanato nga magtrabaho uban sa kaluoy, Siya gabuhat usab aron kita magpadayon sa dagkong pagtuo, ug maghatud kanato sa pagkahamtong diha sa gugma.

Ang kinabuhi sa Balaang Espiritu dili gaka-utro, sama sa gabalhin nga hangin nga ga-usab ug direksiyon matag higayon, apan kining Espiritu nagpabiling han-ay ug dili mausab. Ang iyang kinaiya balaod kay ang apostol motawag niini “ang balaod sa Espiritu sa kinabuhi”.

Sa laing pulong, ang balaod sa Espiritu mao ang kinabuhi ni Kristo sa mga motuo kaniya. Ang Usang balaan adunay katungdanan sa iyang kaugalingon ngadto sa mga motuo sa bag-ong kasulatan, ug kini gitukod pinaagi sa iyang kamatayon nga ang kamatuoran magpadayaon bisan sa katapusan sa panahon, kay ang iyang pagkamatinudanon walay katapusan.

Ang Espiritu nga gibubo gikan sa kasingkasing sa Amahan ug Anak wala mianhi alang kanimo tungod sa imong pag-ampo, pagpu-asa, ug katarong, apan sa katarong ni Kristo nga gitapos sa krus alang kanimo.

Ang Dios mitukod sa kinabuhing walay katapusan kanimo sa kamatuoran. Iyang gahum wala muabot nga pinugos apan pinaagi sa balaang kaayo, ug plastar. Wala kini mitiabaw o miagolo, apan mihigugma ug mapaubsanon sama nga si Kristo naghigugma sa makasasala, kay siya nagpuyo kanimo ug ikaw kaniya. Busa ayaw itugot nga dunay bisan unsang kahibulongang espiritu nga mopuyo kanimo.

Kini nga esprituhanong kinabuhi, nga gihatag kanimo dili nimo maangkon gawas kang Kristo kay dili kini sama sa imong gipanag-iyang butang. Apan pinaagi sa malahutayong pagkitlambigit ug pakig-usa sa Manluluwas ikaw mahimong miyembro sa iyang espirituhanong lawas.

Dili matarong nga ang mga Kristiyano mapugos nga mahulog sa daotang buhat. Kini nga pahayag gapasabot nga insulto kang Kristo ug biaybiay batok sa krus. Mababagan kita sa tintasyon sama nga si Kristo mismo naka-agi. Kita mahimong mahulog sa lainlaing sala, ug makasala nga wala makabantay.

Sa prinsipyo, si Kristo miluwas kanato gikan sa gahum sa sala, ug busa ang kamatayon dili suhol sa atong kinabuhi. Dugang pa, ang sugo o balaod wala gapasabot nga ang impirno alang kanato, o nagtuklod kanato nga masayop, apan ang balaod nagpuyo sa atong kasingkasing aron kita mahayagan ug malipay pagsunod niini.

Busa dili kita mga ulipon sa sala, apan mga anak sa gugma sa Dios. Dili kita mamatay nga walay paglaum, apan mabuhi alayon sa sugo sa Espiritu sa kinabuhi hangtud sa katapusan, sama si Kristo nabuhi nga walay katapusan.

Ipadulot sa lawom ang mga pulong sa apostol, nga adunay kahulogan, aron ikaw makatukod sa imong mga katungod, maluwas gikan sa sugo o balaod sa sala, mapildi ang yawa, ug mabuhi sa ordinansa ug gahum sa Dios pinaagi sa giya sa Espiritu.

PAG-AMPO: O Ginoong Hesu Kristo, salamat kanimo tungod kay imo kaming gi-agak gikan sa kamatayon ug nabuhi aron kami mohimaya sa gugma sa among Amahan, ug molakaw sa sugo sa Espiritu. Itukod kanamo imong gugma aron kami mohimaya kanimo sa among pagbuhat nga ang mga tawo palibot kanamo makasimhot sa kinabuhi ug dili kamatayon.

PANGUTANA:

  1. Unsa ang duha ka klasi sa Balaod, diin kaubang gitandi sa apostol, ug unsay ilang buot pasabot niini?

www.Waters-of-Life.net

Page last modified on June 21, 2013, at 11:09 AM | powered by PmWiki (pmwiki-2.2.109)