Previous Lesson -- Next Lesson
3. ? AN SI KԐ SA TԐ KAAN SA NU’AN KRIST WUN?
Nyanmiԑn Wawԑ’n yԑ man be wuli Krist-ᴐ. Kԑ be wuli i’n, ᴐ’a yo-man sa tԑ le, ᴐ ti saun. Ͻ nian kpata-man Nyanmiԑn le sanngԑ e liԑ’n, e kpata Nyanmiԑn afin e ti sa tԑ yofuԑ. Sԑ e kpata-man Nyanmiԑn’n, e bo i wla kpԑkun e bᴐbᴐ e wla’n bo e wun. David kpatali Nyanmiԑn nin sunlԑ. Abraham kusu ᴐ yoeli sᴐ wie. Sanngԑ e wun-mԑn i Nyanmiԑn ndԑ’n nun annzԑ nyanmiԑn flԑfuԑ’m bé fluwa’n nun kԑ Zezi kpatali Nyanmiԑn le-ali kpԑ kunngba bᴐbᴐ, ᴐ si’ԑ!
Sa tԑ fi nu’ԑn i wun i sᴐ’n ti ᴐ’a mian-man kɛ sran uflɛ yo i saun annzɛ ᴐ bu i sran kpa. Ͻ seli i kpᴐfuɛ mun weiin kpa kɛ: ? Amun nun onin yɛ ɔ kwla si i wue nun se kɛ n yoli sa tɛ-ɔ? (Zan 8: 46) Sanngɛ be nun sran fi ᴐ’a kwla wun-man sa tɛ kaan kun sa i nun annzɛ i ijᴐlɛ’n nun annzɛ i nyoliɛ’m be nun. I jᴐlɛ dilɛ kasiɛn’n nun’n, Rᴐmfuɛn’m be kpɛnngbɛn b’ᴐ dili i jᴐlɛ’n ᴐ kɛnnin kpɛ nsan kɛ k’ᴐ nian bé mmla’n nun’n: "N wun-mɛn i wun ndɛ kun bɔ n ´jran su n ´fa bu i fɔ-ɔ. " (Zan 18 : 38 yԑ 19: 4,6)
I kpa’n, wawԑ tԑtԑ nga be o sran kun nun bᴐ be sacili i’n, be nun kun ᴐ wu’ԑn i wun fԑ blԑ bᴐ Zezi mantan bé wun lᴐ’n nan ᴐ’a kpan ᴐ’a se kԑ : " ?Zezi bɔ a fin Nazarɛt, nguɛ sa yɛ ɔ o e nin wɔ ye afiɛn-ɔn? A bali e nunnunlɛ. N si wɔ kpa, a ti Nyanmiɛn i Sran. " (Mark 1 : 24) Ͻ man ndԑ mԑn’n nga nun wa o, jᴐlԑ dilԑ cԑn’n nun o, sran’n kwlaa be si kԑ Krist ti i liԑ ngunmin, ᴐ ti saun, fiԑn kaan sa nu’ԑn i wun, i nguan wunmuan’n ti sԑsԑ. Sran fi ti’a kԑ i sa yԑ sran fi kwla fԑ’ԑ i wun sunnzun-mԑn, afin sran’m be kwlaa be yoli sa tԑ san i kunngba cԑ.