Previous Lesson -- Next Lesson
2. ? NGUԐ AKUNNDAN YԐ AN BUI KRIST I AWULIԐ B’Ͻ YOLI ABONUAN’N I SU- Ͻ?
Sran fi i awuliԑ’n ᴐ kwla yo-man kԑ Krist liԑ’n sa, afin ᴐ ti Mari i wa yasua. Be flԑ Ismaԑl kԑ Abraham i wa yasua, Zan kusu ti Zebede i wa yasua yԑ Muhamad kussu ti Adbulla i wa yasua. Sran’m be kwlaa, bé si dunman yԑ ᴐ o be su-ᴐ. ? Nguԑ ti yԑ Krist liԑ’n, i nin dunman cԑ yԑ ᴐ o i su nin-ᴐn? I su tԑlԑ’n yԑlԑ kԑ ᴐ lԑ-man si bᴐ be kwla fa sunnzun be nga’m bé si liԑ mun-ᴐn. Talua b’ᴐ nian si’a bian’n i yԑ ᴐ wuli i-ᴐ. I awuliԑ’n fin Nyanmiԑn i kwlalԑ’n nin i klun sa b’ᴐ siesieli lalaa i sin nan ᴐ’a yi mԑn’n.
Afuԑ ya-nso i sin nan b’a wu i’n, Nyanmiԑn nuan ijᴐfuԑ Ezai kannin wafa nga be wa wu i’n: "I sɔ'n ti Anannganman bɔbɔ ɔ wa man amun nzɔliɛ kun. Amun `nian, talua bɔ si-man bian’n ɔ wa wunnzɛ, ɔ wa wu ba yasua kun. Ɔ ´tɔn i dunman Emaniɛl (i bo’n yɛlɛ kɛ Nyanmiɛn nin e o nun)" . (Ezai 7:14) Nyanmiԑn yiali i kasiԑ’n i nuan afin ᴐ ti nanwlԑfuԑ yԑ ᴐ ti sԑsԑfuԑ, ᴐ kwla like’n kwlaa yo.
? An si kɛ Krist yɛ ᴐ ti Nyanmiɛn i nuan ndɛ’n nin-ᴐn? An kanngan nyanmiɛn ndɛ bᴐ Nyanmiɛn fa wlɛ sran nuan bᴐ be klɛli i Jasin Fɛ’n nun’n, ᴐ se kɛ: "Ndɛ’n wo lɛ lalaa i sin nan Nyanmiɛn a bo ninnge’m be yilɛ bo, Ndɛ’n nin Nyanmiɛn be o lɛ…Ndɛ sɔ’n kacili i wun sran, ɔ nin ye wa trannin". Nyanmiԑn i kwlalԑ’n b’ᴐ fa yili ninnge kwlaa’n, b’ᴐ yili i nglo i nuan ndԑ’m be nun’n, i kwlaa kan bo nun Krist nun, afin i yԑ ᴐ ti ndԑ’n nin-ᴐn. Yԑ sԑ an bu sa nga be bo sin yia i awuliԑ’n i akunndan’n, amun nuan’n bo amun wun afin sran fi i awuliԑ’n ᴐ’a yo-man kԑ Mari i wa yasua’n i liԑ’n sa yԑ sran fi kwla fԑ i wun sunnzun-mԑn.
? Amun wla kpԑn su kԑ Nyanmiԑn fali nnᴐtiԑ yԑ ᴐ fa yili adam-ᴐn? E kwlaa e ti Adam i mma mun, yԑ nyanmiԑn nuan ijᴐfuԑ mun bᴐbᴐ be yili be nin nnᴐtiԑ wie. E kwlaa e o asiԑ’n su wa, e fin asiԑ wun. Sanngԑ Krist liԑ’n ᴐ ti nglo lᴐfuԑ, ᴐ fin nglo lᴐ yԑ ᴐ bali-ᴐ. Ͻ ti saun, fiԑn kaan sa nu’ԑn i wun, ᴐ ti weiin, ᴐ ti ufue fuai. Sanngԑ e kwlaa e ti fᴐnfuԑ, e ti fiԑn yԑ e ti sa tԑ yofuԑ afin e ti mԑn nunfuԑ yԑ Nán Nyanmiԑn Wawԑ’n yԑ man be wuli ye-ᴐ.
E kԑnngԑn Nyanmiԑn nuan ndԑ saun nun kԑ Krist bali mԑn nun sa tԑ yofuԑ’m be delԑ. Sran fi kwla sin-man Krist i ajalԑ nun afin e kwlaa e fin asiԑ wun yԑ be wuli ye-ᴐ, sanngԑ i liԑ’n, Nyanmiԑn yԑ man be wuli i-ᴐ.
Ͻ’a yi-man e blo, e bᴐ e nin sran wun mantanlԑ fata-man’n, sanngԑ ᴐ kplinnin su kԑ ᴐ ′de mԑn’n b’ᴐ o nyrԑnnԑn nun’n, yԑ ᴐ yoli e saun, e bᴐ e wu’n.