Waters of Life

Biblical Studies in Multiple Languages

Search in "Azeri":
Home -- Azeri -- Matthew - 003 (Genealogy of Jesus)
This page in: -- Arabic -- Armenian -- AZERI -- Bulgarian -- Chinese -- English -- French -- Hebrew -- Hungarian? -- Indonesian -- Latin? -- Peul -- Polish -- Russian -- Spanish? -- Uzbek -- Yiddish

Previous Lesson -- Next Lesson

MATTA - Tövbə edin! Çünki Səmavi Padşahlıq yaxınlaşıb
Mattanın nəql etdiyi Müjdə üzərində düşüncələr
BİRİNCİ HİSSƏ - Məsihin xidmətinin başlanğıcına qədərki həyatı (Matta 1:1 - 4:25)
A - İsanın doğulması və uşaqlığı (Matta 1:1 - 2:23)

1. İsanın nəsil şəcərəsi (Matta 1:1-17)


MATTA 1:1
1 … İsa Məsihin …

İsanın dövründə yəhudilər artıq min il idi ki, vəd olunan Məsihin gəlişini gözləyirdilər. Allah onların əcdadlarına, padşah və peyğəmbərlərinə vəd etmişdi ki, onların arasında xalqın böyük Padşahı olacaq Adam gələcək. O, bəşəri təbiətlə yanaşı ilahi təbiətə də malik, Yaradanın qüdrəti ilə dolu olacaq və hakimiyyətinin sonu olmayacaq (2Şam. 17:12-15; Yeş. 9:7).

Torpağı Romalıların əlinə keçəndən sonra yəhudilər onları düşmən müstəmləkə boyunduruğundan azad edəcək olan Məsihin gəlişini daha böyük şövqlə gözləyirdilər. Onlar gələcək Məsihin qılınc gücü ilə yer üzündə Allahın Padşahlığını quracağını, Yerusəlim şəhərini dünyanın mərkəzi edəcəyini, ölüləri dirildəcəyini və millətlər üzərində hökm sürəcəyini ümid edirdilər.

Müjdəçi Matta öz kitabının ilk cümləsində həlim gənc adam Nazaretli İsanın vəd olunan Məsih olduğunu yazması ilə hazır olan ürəklərdə imanı, inadkar ənənəpərəstlərdə isə kini alovlandırdı. Məsihi gözləyənlər arasında İsanın Allahın Ruhunun təcəssümü olduğunu dərk edən sidq ürəkli insanların hamısı imanla İsanı qəbul etdilər. Lakin yəhudilərin əksəriyyəti İsanı rədd edən başçılarından nümunə götürərək Onu rədd etdilər. İsa dünyəvi silah gücü ilə gəlməmişdi, buna görə də xalq Onu çarmıxa çəkdirdi. Matta xalqın və başçıların nifrətinə əhəmiyyət vermədən cəsarətlə həqiqətə şəhadət etdi və İsanı "Allahın vəd etdiyi Məsih" adlandırdı. "Məsih" sözü Əhdi-Cədiddə 550-dən artıq dəfə işlənib.

"Məsih" İsanın adı deyil, vəzifəsini bildirən tituldur. Məsih dedikdə, müqəddəs Ruhun dolğunluğu ilə məsh olunmuş Şəxs nəzərdə tutulur. Əhdi-Ətiqdə padşahlar, kahinlər, peyğəmbərlər təqdis yağı ilə məhs edilirdi. İsanın Şəxsində ilahi Padşah, əsil Baş Kahin və qurban edilən Allah Quzusu birləşmişdir. Əslində, İsa başqa peyğəmbərlər kimi Allahdan ilham almış Kəlam gətirməyib, çünki O Özü bəşər olmuş Allah Kəlamıdır. Allahın tam bütövlüyü bədəncə Məsihdə yaşayır. Bəs sən Onun qəbul edirsən, yoxsa rədd edirsən?

DUA: Ya Rəbb İsa Məsih, Sənə səcdə edirik, çünki Sən Allahın göndərdiyi Padşahsan və sadiq Kahinimizsən! Sən bizim ürəklərimizi Öz sülh Padşahlığına gətirdin. Adını və ruhani səlahiyyətini anlamağı bizə öyrət ki, biz Sənin həyatını, həlimliyini, təvazökarlığını tanıyaq və əqlən dəyişərək Padşahlığına layiq olaq!

SUAL:

  1. "Məsih" titulunun İsaya aid olan mənası nədir?

www.Waters-of-Life.net

Page last modified on May 29, 2013, at 08:21 AM | powered by PmWiki (pmwiki-2.2.109)