d) Dëshmia e Gjonit dhe ungjilli i tij (Gjoni 21:24-25)
GJONI 21:24
24 Ky është dishepulli që dëshmon për këto gjëra dhe i ka shkruar këto gjëra; dhe ne e dimë se dëshmia e tij është e vërtetë.
Këtu zbulojmë katër të vërteta të rëndësishme:
Ungjilltari ishte gjallë kur u botua ungjilli i tij dhe i njohur në kishat greqishtfolëse. Ai mbeti një dishepull i Jezusit që nga ditët e Pagëzorit deri në ngjitjen e Krishtit në qiell.
Gjoni ishte dëshmitar okular i Jezu Krishtit. Ai i dëgjoi fjalët e Jezusit dhe i regjistroi ato, siç regjistroi edhe shenjat. Nuk ishte një anëtar i kishave që e shkroi këtë ungjill, por vetë Gjoni si dishepulli i dashur.
Ndoshta ai nuk e dinte rrjedhshëm greqishten, ndaj i diktoi mendimet e tij të larta një prej ndjekësve të tij, i cili ishte një gjuhëtar i talentuar. Kuptimet janë të qarta dhe të vërtetat të pandryshuara. Ata që qarkulluan ungjillin e pranuan me një zë se dëshmia e Gjonit ishte plotësisht e besueshme. Kjo njohje ishte mbjellë, pasi ungjilli i Gjonit ndryshonte në thelb nga tre ungjijtë e tjerë. Ne jemi të lumtur që ky ungjill i veçantë nga dishepulli i dashur është një nga thesaret tona.
Njerëzit që botuan këtë ungjill shprehën njëzëri realitetin e Krishtit në jetën e tyre dhe pasi e pranuan atë, patën autoritetin të bëheshin bij të Perëndisë, duke besuar në emrin e Tij. Fryma e Shenjtë zbriti mbi ta, jetoi në ta dhe u mundësoi të dallonin shpirtrat e këqij. Ata e dalluan të vërtetën nga gënjeshtrat dhe ekzagjerimet, pasi kishin përjetuar Shpirtin e Ngushëllimit që i udhëheqte në të gjithë të vërtetën.
GJONI 21:25
25 Por ka edhe shumë gjëra të tjera që bëri Jezusi; nëse do të shkruhej secila prej tyre, mendoj se vetë bota nuk mund të ishte e mjaftueshme të përmbante librat që do të shkruheshin.
Disa njerëz e shohin ekzistencën e katër ungjijve një pengesë. Nëse i përfshijmë letrat e Palit një ungjill të mëtejshëm (siç e shprehu ai), atëherë kemi pesë, ashtu si jeta e një të krishteri të vërtetë është një ungjill në vetvete. Shkrimtari i ungjillit të Gjonit rrëfen se ai dëgjoi aq shumë nga thëniet dhe veprimet e Jezusit nga dishepujt, saqë nuk ishte në gjendje t'i mblidhte të gjitha. Plotësia e Perëndisë banon në të. Edhe sot ai banon në Kishën e tij dhe e drejton atë ndërsa ajo ndjek gjurmët e tij. Nëse do të përpiqeshim të shkruanim të gjitha veprat e Jezusit të ringjallur prej së vdekurish deri në ditët tona, nuk do të mjaftonin vëllime të tëra për këtë qëllim. Të krishterët kanë nevojë për përjetësinë për të kuptuar lartësinë, gjerësinë, thellësinë dhe gjatësinë e dashurisë vepruese të Krishtit në historinë e njerëzimit.
Zoti ynë i gjallë vepron nëpërmjet fjalës së tij siç është shënuar në Dhjatën e Re. Ne e konsiderojmë veten të bekuar, sepse dëgjojmë zërin e tij, kuptojmë mendimet e tij dhe ndjekim thirrjen e tij. Gjoni përshkruan dashurinë e Jezu Krishtit, në mënyrë që të gjithë të rrëfejnë: "Ne pamë lavdinë e tij, lavdinë e të vetëmlindurit nga Ati, plot hir dhe të vërtetë. Dhe të gjithë kemi marrë nga plotësia e tij, hir mbi hir. "
LUTJE: Ne të falënderojmë, Zoti Jezu Krisht, që e frymëzove shërbëtorin tënd Gjon të shkruajë ungjillin e dashurisë sate. Ti na flet me fjalët e tij. Ne të falënderojmë për dhembshurinë tënde, thëniet, veprat e tua, jetën, vdekjen dhe ringjalljen. Ti na ke zbuluar Atin dhe na ke falur mëkatet tona. Ti na ke dhënë jetë të re nëpërmjet Shpirtit tënd.
PYETJA:
- Për çfarë dëshmojnë ata që hartuan ungjillin e Gjonit?
PYETËSOR - 7
I dashur lexues,
na dërgo 20 përgjigje të sakta nga 24 pyetjet e mëposhtme. Nëse i je përgjigjur saktë edhe pyetjeve të kërkuara në gjashtë studimet pararendëse të kësaj serie, do t’ju dërgojmë një çertifikatë që dëshmon zellin tuaj në studimin e ungjillit sipas Gjonit.
- Cila ishte marrëdhënia midis Jezusit dhe Pjetrit gjatë marrjes në pyetje para Anës ?
- Si dhe në çfarë kuptimi Jezusi është Mbret?
- Çfarë mësojmë nga imazhi i Jezusit i rrahur, i veshur me ngjyrë vjollcë dhe një kurorë gjembash?
- Pse Pilati kërkoi ta shmangte gjykimin e Jezusit?
- Cili është kuptimi i titullit të vendosur mbi kryq?
- Cilat janë dy fjalët e Jezusit?
- Çfarë mësojmë nga fakti se kockat e Krishtit mbetën të pathyera?
- Çfarë na mëson varrimi i Jezusit?
- Cilat janë tri linjat e provave për ringjalljen e Krishtit?
- Çfarë besonte Gjoni ndërsa ishte brenda në varrin bosh?
- Pse Maria nuk pushoi së kërkuari trupin e Zotit Jezus, derisa ai nuk iu shfaq asaj duke e thirrur me emër?
- Cili është mesazhi i Krishtit në buzët e Maria Magdalenës për ne?
- Cili është kuptimi i frazës së parë që Jezusi u tha dishepujve pas ringjalljes?
- Pse u gëzuan dishepujt?
- Çfarë është e çuditshme për dërgimin e dishepujve?
- Kush është Fryma e Shenjtë? Çfarë bën ai nëpërmjet dëshmisë suaj për Krishtin?
- Çfarë nënkupton rrëfimi i Thomait ?
- Pse Jezusi i quan të bekuar besimtarët që nuk e kanë parë atë?
- Çfarë shtjellon Gjoni në përfundim të ungjillit të tij?
- Pse peshkimi i madh ishte shkak turpi për dishepujt?
- Çfarë ju ka bërë përshtypje ne bisedën midis Jezusit dhe Pjetrit?
- Si e lavdëroi Pjetri Perëndinë?
- Çfarë nënkuptojnë fjalët e fundit të Krishtit në këtë ungjill?
- Për çfarë dëshmojnë ata që hartuan ungjillin e Gjonit?
Mos harroni të shkruani qartë emrin dhe adresën tuaj të plotë mbi faqen e pyetësorit, jo vetëm mbi zarf. Dërgojeni në adresën e mëposhtme:
Waters of Life
P.O.Box 600 513
70305 Stuttgart
Germany
Internet: www.waters-of-life.net
Internet: www.waters-of-life.org
e-mail: info@waters-of-life.net
P.S. If you like to continue studying the Bible with us, we are ready to send you another series of booklets with meditations on another book of the Bible.