Waters of Life

Biblical Studies in Multiple Languages

Search in "Afrikaans":
Home -- Afrikaans -- Romans - 042 (In Christ, Man is Delivered)
This page in: -- AFRIKAANS -- Arabic -- Armenian -- Azeri -- Bengali -- Bulgarian -- Cebuano -- Chinese -- English -- French -- Hebrew -- Hindi -- Indonesian -- Malayalam -- Polish -- Portuguese -- Russian -- Serbian -- Spanish? -- Turkish -- Urdu? -- Yiddish

Previous Lesson -- Next Lesson

ROMEINE - Die Here is ons Geregtigheid
Studies in die Brief van Paulus aan die Romeine
DEEL 1 - DIE GEREGTIGHEID VAN GOD VEROORDEEL ALLE SONDAARS EN REGVERDIG EN HEILIG ALLE GELOWIGES IN CHRISTUS (Romeine 1:18 - 8:39)
D - DIE KRAG VAN GOD BEVRY ONS VAN DIE MAG VAN SONDE (Romeine 6:1 - 8:27)

6. In Christus is die mens bevry van sonde, dood en veroordeling (Romeine 8:1-11)


ROMEINE 8:3-8
3 Want God het wat vir die wet onmoontlik was, omdat dit kragteloos was deur die vlees deur sy eie Seun in die gelykheid van die sondige vlees te stuur, en dit ter wille van die sonde, die sonde veroordeel in die vlees, 4 sodat die reg van die wet vervul kon word in ons wat nie na die vlees wandel nie, maar na die Gees. 5 Want die wat vleeslik is, bedink vleeslike dinge, maar die wat geestelik is, geestelike dinge. 6 Want wat die vlees bedink, is die dood, maar wat die Gees bedink, is lewe en vrede, 7 omdat wat die vlees bedink, vyandskap teen God is; want dit onderwerp hom nie aan die wet van God nie, want dit kan ook nie. 8 En die wat in die vlees is, kan God nie behaag nie;

Christus het ‘n nuwe verbond gevestig, want die ou verbond was nie in staat om die begeertes en sonde van die vlees te oorkom nie. Die inkarnasie van die Seun van God was die begin van die nuwe verbond en die eerste fase van die Goddelike oorwinning oor die swakheid van die menslike liggaam. Christus beheer hierdie liggaam volkome deur die inwoning van die Heilige Gees sodat die bose een hom nie kon aankla nie. Christus se rein lewe was die veroordeling, binding en dood van die sonde.

Christus het ten alle tye heilig gelewe, want die Gees van sy hemelse Vader het die sonde in sy liggaam doodgemaak wat hy van sy voorouers geërf het. Hy het daarom sonder sonde geleef en in sy liefde en goedheid het hy al die vereistes van die Wet nagekom. Die hoogtepunt van sy lewe was toe hy ons sondes in sy eie liggaam gedra het en ons met die geregtigheid van God bedek het deur sy dood. Ons realiseer hierdie Goddelike regverdiging nie deur teoretiese, tradisionele geloof nie, maar dit manifesteer in praktiese lewe, want die geregtigheid van God is sy wetlike liefde wat op die waarheid gegrond is. Hierdie groot liefde was in die harte van gelowiges uitgestort sodat hulle mag sê: “Christus lewe in ons. Hy lei, bestuur en moedig ons aan om die Wet te vervul.” ‘n Christen kan nie optree volgens die vlees met sy verdorwe begeertes nie, maar in dankbaarheid en blydskap volgens die Gees en sy plan.

Hierdie is die vrae wat aan jou gerig word: Is jy ‘n mens van die Heilige Gees? Woon Christus in jou? Is die Redder van die wêreld in jou hart gesentreer? Het sy dood aan die kruis jou geregverdig sodat jy in sy nuwe lewe mag wandel? Geloof is nie ‘n veronderstelling of verbeelding nie. Dit is ‘n lewende en geestelike krag, die teenwoordigheid van God in geregverdigde liggame.

‘n Geestelike mens word geken aan sy belangstellings. Hy is geïnteresseerd in vergifnis en vrede. Is jy ‘n vredemaker? Strewe jy daarna om versoening met God tussen alle mense te verkondig sodat hulle vernuwe mag word en kinders van God mag word? So sal die Goddelike lewe in diegene wat vleeslik is realiseer sodat hulle ook ‘n geestelike belangstelling kan begin koester.

Hy wat egter sonder die Gees van God lewe bly vleeslik, swak, gekompliseerd. Hy sondig teen die Heilige Drie-eenheid in woord en daad terwyl aardse begeertes aanbid word. So ‘n mens erf die dood, God se toorn en oordeel aan die einde. Die vleeslike mens wil immers nie aan die wet van die Here onderdanig wees nie, maar rebelleer teen hom met sy nydige wil. Hy stel God nie tevrede nie en het hom nie lief nie, tensy hy tot bekering kom en in Christus glo. Die mens is verlore sonder die inwoning van die Helige Gees. Hy val van verderf tot verderf. In ander woorde, almal wat leeg is aan die liefdevolle Gees, behoort nie aan Christus nie, maar is ‘n slaaf van die duiwel.

Die geestelike mens aan die anderkant, is wakker. Hy bly in die vrede wat God gee, het sy vyande lief en smeek God elke dag vir sy krag en beskerming. Hy begeer met sy hele hart om ander na Jesus te bring, want hy is die bron van lewe en vrede, sodat hulle nie mag vergaan nie, maar die ewige lewe kan hê. Het jy met die Heilige Gees vervul geword? Word jy deur hom gedryf en realiseer jy sy liefde sonder hoogmoedigheid?

GEBED: O Here Jesus, liefdevolle God, ons gedagtes kan nie u Gees en u liefde uit onsself herken nie. In u oorvloedige genade het u ons met u geduld en eienskappe gevul sodat ons u saam met die Vader en die Heilige Gees mag loof en u wil met vreugde en hartlikheid sal doen. Hou ons in u vrede dat ons u in die krag van die Gees mag volg. Gee ons wysheid en wil sodat ons al diegene wat vleeslik is mag oproep om aan u onderdanig te wees sodat hulle gered mag word, verander en geheilig.

VRAAG:

  1. Wat is die belangstelling van die geestelike mens? Wat is die erfenis van hulle wat vleeslik is?

www.Waters-of-Life.net

Page last modified on October 09, 2013, at 08:53 AM | powered by PmWiki (pmwiki-2.2.109)