Waters of LifeBiblical Studies in Multiple Languages |
|
|
Home Bible Treasures Afrikaans |
This page in: -- Albanian -- Arabic -- Armenian -- Bengali -- Burmese -- Cebuano -- Chinese -- Dioula? -- English -- Ewe -- Farsi? -- French -- Georgian -- Greek -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Lingala -- Malayalam -- Peul -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Twi -- Urdu -- Uyghur? -- Uzbek -- Vietnamese -- WOLOF -- Yiddish -- Yoruba
Previous Lesson -- Next Lesson YOWAANA - Leer gi leeral na Lëndëm gi
Jàngat ci xebaar bu baax bi ci Kirist ci Yowaana
XAAJ 3 - LEER NGAA NGI MELAX CI MBOOLOO NDAW YI (Yowaana 11:55 - 17:26)
E - Ñaanu rammu gi Yeesu def (Yowaana 17:1-26)
3. Yeesoo ngi ñaanal Yàlla taalibeem yi (Yowaana 17:6-19)YOWAANA 17:14 Yeesu biral na ne yët na kàdduy Baa ji ay taalibeem, xamal leen tur wi Mu nekke Baay, ak li muy tekki. Ci peeñu moomu la leen wone Kenneefu Ñett gu Sell gi. Peeñeel gu kéemaane googu ci baatinu Yàlla, daldi tooyal seen xol. Mu soppi leen te sol leen kàttan, xàllal leen yoonu bokk ci yaramu baatinu Krist. Ci kow seeny ngëneel yooyu ak seeny baaxaay la leen àddina si bañe, ni mu bañe Yeesu. Ni Yeesu soqikoo ci Yàlla, te dundam làqu ci Yàlla ba fàww, noonu itam la ñépp ñi judduwaat di dunde ba fàww. YOWAANA 17:15 Yeesu yóbbaalewul taalibeem yi asamaan, te it teqalewu leen ak àddina si, ak ni leen coono yi tiime boor bu nekk. Dafa ñaan Baayam Mu aar leen ci fiiri Seytaane ak ci njàgale yu dul dëgg yi, ak it ci xel yu bon yi. Sunu Boroom baa ngi nuy rammu. Képp ku Ko gëm, ci kow wóolu Ko ngay dunde. Deretu Yeesu dafa nuy aar, te saraxam si dafa nuy wóoral ne Yàllaa ngi ak nun. Kenn manu nu tuumaal mbaa yàq nu. Léegi, ñu jub lanu, ñuy dund ba faww, te di wéy ci ndimbalu yiwu Ku Sell ki. Bu nu Ko déggalatul, te topp sunu nafsu yu bon yi, kon dinanu jébbal ci loxoy nattu bi. Te kon bàkkaar dina nu teg gàcce. Dinañu rëccu ak ay rangooñ, te xaacu naan : « Baay, bul nu teg ci yoonu nattu, waaye musal nu ci lu bon. » Képp kuy jéem a xeex ak Seytaane ak dee gi, ci sa kàttanu bopp, ak sa njàmbaar, yaangi nax sa bopp. Dellu ca deretu Krist ak ca rammoom rekk moo la ciy génne. YOWAANA 17:16-17 Ci ñaanam gi, Yeesu joxaat beneen seede taalibe yi : génnuñu ci àddina su bon si, bu dee sax ñungi am bëgg-bëggi yaram, te lu ñaaw di leen wootal ni ñépp. Ay bàkkaarkat lañuy wéy di nekk, waaye ci yiwu Yàlla, deretu Yeesu goreel na leen ci kaso ku Bon ki. Kon ay gan lañu nekkoon ci àddina sii, te bokk ci waa asamaan. Ci melokaan bu bees bi way-gëm ji am, muy yaram ak ruu, dafa ci am xeex bu tar, bu amul àpp. Xel mu Sell mi dafay metitlu bu fekkee ne danu naw sunu bopp, gën a sopp sunuy jëf ak sunuy njaboot, ñeneen ñépp. Saa yu nu jéemee neex sunu bopp rekk, loolu dafay suxlu sunu xel. Bépp fen dafay lakk sunu xel te di ko ngeeñ. Xelum Yàlla mi dunu baayi nuy aakimoo alal ju ñu sàcc. Boo gaañee sa moroom ci ay kàddu, walla ci jëfin, Xelum dëgg gi dina la xiir ci baaluji ko àq. Ndegam Xel mu Sell moomu dafay feeñal gépp coxorte, naxaate ak maslaa ci sa dund, ci noonu la lay àttee. Krist ñaan na Baayam mu sellal nu, ndaxte ñu selladi manuñu sellal kenn. Sellaay googu ci xam dëggam gi lay jaare. Dañu nuy sellal, bu nu xamee mbëggeelu Yàlla, sax ci yiwu Doom ji, te di dunde kàttanu Xel mu Sell mi. Teewaayu Yàlla dafay suxlu sunu dund. Yàlla dafay matal ngirteem ci sunu dund : « Nangeen sell, ni ma Selle. » Deretu Yeesu dafa nuy sellal benn yoon ba fàww, te noonu itam Xel mu Sell mi, amul dara lu mu nuy bañ a may. Sunu gëmee ne Kenneefu Ñett gu Sell gi am na, loolu dafa nuy sellal wecc. Cellaay googu Yàlla moo koy matal, bu nuy jàng Kàddoom gi. Injiil li mooy sunu teenu cellaay, te di sunu reenu dégg-ndigal. Kàddu Yeesu moo nuy may ngëm, jébbalu, ak mbëggeelu màggal ak cant, ngir nu man a jege Yàlla te du am benn gàllankoor. Ubbilal sa xol bi sa kàddug Baay ji, ndaxte Yàlla mooy mbëggeel, te ku dëkk ci mbëggeel, sax ci Yàlla, te Yàlla sax ci yów. YOWAANA 17:18 Ba mu ñaanee ngir sellaayu taalibeem ya ak seen yeeslu ba noppi, Yeesu dafa leen a yebal ci àddina su soxor si. Dafa noo musal te Sellal nu; ba noppi Mu yebal nu ci àddina si ngir nu musal ñi nu wër te Sellal leen. Jàngu bi du mbootaay gu neex a dund, guy daje ngir waxtaane diine ak ay àttey yoon. Mbootaay guy yëngu la te di soonge ngëm tata Seytaane, ngir ñi réer tuub; mbootaay guy ñaan la te di góor-góorlu. Jàngu bi dafay yéene Nguuru Baay ji te di fexe déggal coobareem ci kow di tasaare Injiil li. Ndax bàyyi nga xel ci ñaanu Krist, gi nuy yebal nu yëgle Injiil li fépp? Yeesu dafa laa sargal te yebal la ca ñi réer, ni Ko Baay ji yebalee. Mébét bi benn la, jumtukaay yi it benn lañu. Dafa lay jox peeñug dëggi Yàlla yi ci Krist. Yeesu dafa laa woo ci liggéey bu teew temm, waaye woowu la ngir ngay noflaayu, walla ngay dunde ay gént. Xelam mu Sell mi mooy sa doole. YOWAANA 17:19 Yeesu xamoon na ne kenn ci taalibeem yi manuloon a tas Injiil li, walla dund ci naataange baatin googu, te ñoom ñépp a naroon a daanu ndax ay gaañu-gaañu biir ruu ak xel. Moone de sellaayu Yàlla mungi leen yiiroon. Looloo tax Doom ji nekk sarax, si Sellal boppam, te fekk sax ne selloon na ba noppi. Ci deewam gi la matale lépp li sellaay doon laaj. Looloo nu may tey ba bépp tuumaalu Seytaane nekk neen ci kanamu sunu ngëmu deretu Yeesu. Ci kow dee googu di musalaate la taalibe ya jote Xel mu Sell, mi leen may ñuy séddoo ndoxum dund gi te di seedeel Yeesu, ci ni ñu doon waaree ci turam. Kon book defatuñu woon nenn ak luubal, te seeny làmmiñ sore woon nañu naxaate. Dañoo amoon fitu bañ a weddi njubte gi, te di feeñal bàkkaar yi, ba sax di jaxase xel yi, waaye loolu lépp ci kow wutum dugal nit ñi ci mucc gi. Xare boobu ci diggante fen ak dëgg, ñàkk yer gi, ak rëy-rëylu gi, duñu am ndam mukk lu dul ci kaaraange deretu Krist, ak kàttanu rammoom. ÑAAN: Baal nu sunu mbañ gi, fen yi ak rëy gi ci sunu xol. Naka jekk ñu bon lanu, te dangaa Sell. Aar nu ci fiiri Seytaane. Faramfàcceel nu Injiil li ndax say kàddu sellal nu ci dëgg-dëgg, te nuy dunde la nuy waare. LAAJ:
|