Waters of LifeBiblical Studies in Multiple Languages |
|
|
Home Bible Treasures Afrikaans |
This page in: -- Albanian -- Arabic -- Armenian -- Bengali -- Burmese -- Cebuano -- Chinese -- Dioula? -- English -- Ewe -- Farsi? -- French -- Georgian -- Greek -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Lingala -- Malayalam -- Peul -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Twi -- Urdu -- Uyghur? -- Uzbek -- Vietnamese -- WOLOF -- Yiddish -- Yoruba
Previous Lesson -- Next Lesson YOWAANA - Leer gi leeral na Lëndëm gi
Jàngat ci xebaar bu baax bi ci Kirist ci Yowaana
XAAJ 3 - LEER NGAA NGI MELAX CI MBOOLOO NDAW YI (Yowaana 11:55 - 17:26)
E - Ñaanu rammu gi Yeesu def (Yowaana 17:1-26)
3. Yeesoo ngi ñaanal Yàlla taalibeem yi (Yowaana 17:6-19)YOWAANA 17:9-10 Ñaanu Yeesu gi, ngir ñépp ñi gëmoon Yàlla Baay ji nekkoon benn ak Doom ji, ba fàww la ko jagleelon. Yeesu ñówul ngir àddina sépp, ndaxte am na ñu weddi Xelum Boroom bi, te tànn seenub àtte. Mbëggeelu Yeesu, Jàngoom ak ñi Yàlla fal, la ko jagleel. Yoonu Kercen nanguwul ab Jàngu àddina sépp, buy nangu ñépp, ndaxte Jàngu bi ñu tànn ci biir askan yépp, dañu koo ber, fal ko. Moo méngoo ak meññeefu deewug Yeesu mu njëkk mi. Yeesu xëccoowuloon moom lenn, walla kenn, waaye dafa daan faral di biral ne ay taalibeem: « Yàlla moo leen moom, donte sax Baay ji moo leen ko mayoon. » Doom ji dafa suufeelu te jébal boppam Baay ji ci biir ñaan. Yeesu ràññee na ne ñi ko wóolu woon, màggal nañu ko, waaye nun nag danuy faral di xas sunu jàngu yi te naan dañoo néew doole, te di tàngal xolu Krist; moom dafay xool lu gën a xóot loolu. Baay ji, ci leeraayu Kurwaa bi la nuy xoole. Dafa yónnee Xelam mi ñi gëm, jaarale ko ci Doomam ji. Krist deewul ci neen, waaye Xel mu Sell mi dafa nuy may nu meññ doom yu bare. Te noonu, juddu gu bees gu nekk, dina màggal Krist. YOWAANA 17:11 Krist xamoon na ne léegi mu dellu ca Baayam, bu dee workat baa ngi waaxusi sax aky soldaar ngir jàppsi Ko. Yeesu manoon naa gis ndamul Baayam ji, gannaaw deewam, te looloo ko may mu naan : « Nekkatuma ci àddina si », te fekk mungi fi ba tey. Yeesu dafa doon méngale àddina si ak dex gu yaatu gu ndox mi di gën a gaaw a wal saa su nekk, ba mujj nekk mball mu rëy te am doole. Ktrist dafa féey dëpp fi wal mi jëm, noonu la dëppe itam doxalinu doomu Aadama. Xamoon na ne taalibeem yi duñu man a am doole ju ñu dékkoo mbon gi. Noonu mu ñaan Baayam ngir Mu aar soppeem yi ci turam. Ci ñaanam gi, Yeesu dafa cee jëfandikoo baat bu amul fenn : « Baay ju Sell ji ». Ak ni àddina si feesee ak mbon lépp, terewul Doom ji di seedeel sellaayu Baay ji, amul genn tooñ walla gàkk-gàkk. Yàlla Baay ji dafa laab te Sell. Sellaayam mooy mbubbum mbëggeelam, te màggaayam mooy law ci ceeñeeri mbëggeelam. Noonu, turu Yàlla wu sell wi làqukaay la, wu taalibe yi man a aaru ci nooteelu fiirkat bi. Képp kuy dunde Krist, yaa ngi jokkoo ak Baay ji. Yàlla Baay ji dafa dige ne dina aar ay doomam ci xéewalam ak kaaraangeem. Seytaane manuleen a foqati ciy loxoom. Ngir man a barkeelu ci kaaraangeem, waruñu dunde mbañ, waaye dañu war di baalante saa su nekk, ci biir mbëggeel. Mbëggeel googu, nit judduwaalewu ko, waaye ku sax ci Kenneefu Ñett gu sell gi, dina jot doole ji, muñ gi, ak mbëggeel ci ñeneen ñi. Krist dafa ñaan Baayam ji ngir mu aar nu ci biir jokkoom, ngir nu man a nekk benn ak Moom, ni Mu nekke benn ak Baayam ji. Kàddu gii ajuwul ci tarixa walla lu ñuy waxtaane ci sunu diggante ak Yàlla, ndaxte ñaanu Yeesu, Baay ji nangu na ko ba noppi. Sunu ngëm ñàkkul kersa te laxasul jaan ; meññeefu ñaan la ak metitu Yeesu yi mu nu dékkul. YOWAANA 17:12-13 Ci biir teey ak kàttan la Yeesu aare taalibeem yi ci nattuy Seytaane yi, te di ko doxalee ci ku nekk ak ni sa jikko mel. Dafa ne Piyeer : « Seytaane ñaan na ñu jébbal la ko, waaye man ñaanal naa la ngir sa ngëm dëgër. » Noonu sunu ngëm dafay dëgër ndax rammoom gi, te ci kow yiwam kese lanu texee. Yudaa jotul a barkeelu ci aaru googu ndaxte dafa jébbal boppam xelu yàq mi, te dëgër bopp ci kanamu Xelum dëgg gi. Dafa mujj nekk doomu sànku ji. Sunu Baay ji ci asamaan du forse kenn ngir mu nangu mayug baayoom gi. Xam na li nekk ci xolu nit ñi, te xam it li weesu, li teew ak liy ñów. Noonu la woru Yudaa gi feeñe woon ca téerey Kóllëre gu Njëkk ga, lu ëpp junni at ca gannaaw. Terewul ne Yudaa mooy ndeyu mbill gi tax ñu bañ Yeesu. Sunu Yàlla du Yàllay nootaange, waaye Baay ju maandu la. Benn ci fànnay mbëggeelam mooy ni muy maye nit ki mu tànn li ko neex, ni ko doom Aadama di maye doomam ju mat waxambaane. Yeesu dafa jële woon yoonam wiy jëme ci Baay ji ni yoon wu leer ci lëndëm. Du Seytaane, du bàkkaar, du sax dee gi ñoo manoon a tere delloom ca Yàlla. Doom ji dafa mos a sell te mbégte solu Ko ba mu fees. Bàkkaar mosu Ko jaaxal. Ragal mosul a tàbbal toq ci ay ñaanam. Doom ji amuloon genn jéng, te Baayam moo Ko doon aar, ci biir dégg-ndigalam. Sunu Yàlla, mooy Yàllay mbégte mi ak naataange gi. Yeesu dafa saraxu Baayam ngir Mu feesal xolu taalibeem yi ak mbeg. Bëgguloon ñu tiis, waaye dafa bëggoon ñu xam mbégu asamaan, te fekk ñungi dund ci biir lëndëmu àddina ak ñàkk yaakaaram. Mbégu mbaal gi ak cant gi nu am ci sunu bokk ci njabootu Yàlla gi, ñaanu rammug Yeesu gi mu nu jagleel moo ko jur. ÑAAN: Boroom bi Yeesu jarajëf ci ni nga nu rammoo ci kanamu Baay ji. Nungi lay màggal ci ni nga aare sunu ngëm ci biir say ñaan. Nungi lay màggal ndax ni nu duggee ci sa xol. Sa teewaay ak Xelu Baay ji ñoo nuy dooleel ci baatin te di nu barkeel ba fàww. Jarajëf ci say ñaan! Sa rammu moo tax nuy dund. LAAJ:
|