Previous Lesson -- Next Lesson
10. იესო იბრძვის ლოცვაში (მათეიესო 26:39)
მათეიესო 26:39
39 39 ცოტა რომ გაიარა, პირქვე დაემხო, ლოცულობდა და ამბობდა: "მამაო ჩემო, თუ შესაძლოა, ამარიდე ეს სასმისი; თუმცა იყოს არა ჩემი ნებისამებრ, არამედ შენი ნებისამებრ”. (იოანე 6:38; 18:11; ებრაელები 5:8)
ის, რომ იესო პირქვე დაემხო, არ ნიშნავს ღვთაებრიობის დაკარგვას; ეს იმას ნიშნავს, რომ ის უნდა დამცირებულიყო ჩვენი გამოსყიდვის გამო. სიტყვები, რომლებიც მან ლოცვაში თქვა, გვიჩვენებს ჩვენი ხსნისთვის გაწეულ ბრძოლის სიღრმეს.
იესომ ლოცვა არაჩვეულებრივი მიმართვით დაიწყო: „მამაო ჩემო!“ რადგან სურდა მიწებებოდა მამას, რადგან ჩვენი ცოდვების გამო დროებით განშორება მოუწევდა. მას ეჭვი არ შეუტანია, რომ ღვთის ძეა, ღმერთი კი - მამა. მივმართავთ რა ღმერთს, უნდა ვიცოდეთ, რმ ის მამაა, ჩვენი მამა. იმისდამიუხედავად, რომ მისი რისხვა ყველა ჩვენ ცოდვაზე მძვინვარებს. ასე უნდა მოვიქცეთ, რადგან იესომ ჩვენ ნაცვლად შესვა უფლის რისხვის სასმისი. გეთსემანიაში ლოცვის დროს იესომ ნახა ეს ჭურჭელი, რომელიც მისთვის გამზადდა.
თავისი ადამიანური ბუნებით, ქრისტე იმასაც ფიქრობდა, რომ თუ შეშაძლებელი იყო, კაცობრიობის ხსნა მისი ჯვარცმის გარეშე აღესრულებინა ღმერთს. თუმცა ძე, თავის ნებას, ყველაფერში უმორჩილებდა მამის ნებას. მისი რწმენის ომში ის ნამდვილ ადამიანს ჰგავდა, ამ დროს კი ჭეშმარიტი ღმერთი იყო. იესოს ადამიანური ნება ჰქონდა, თუმცა ის ამ ნებას, მამის ნებას უქვემდებარებდა.
იესო ადამიანური ბუნებით დიდ წუხილში იყო. მას სულაც არ უნდოდა სიკვდილი. გარდა ამისა, მის ღვთაებრიობას არ შეეძლო აეტანა მამის მიტოვება. მაგრამ საშინელი ტანჯვების მიუხედავად, იესოს არაფერი უნდოდა, რაც მამის ნებას ეწინააღმდეგებოდა. მან ადამიანური ბუნება, მამისადმი მორჩილებით დაჯაბნა.
ლოცვა: უფალო იესო ქრისტე, გვიყვარხარ და აღფრთოვანებულები ვართ შენით, რადგან სიკვდილის შიში ჩვენ გამო გადაიტანე. შენ სულით იტანჯებოდი მამის მიტოვების გამო, მაშინ როდესაც ჩვენ დანაშულს ატარებდი. და მაინც, აირჩიე მამის ნება და არ გიფიქრია საკუთარ თავზე. დაგვეხმარე გამუდმებით გვიყვარდე და ვასრულებდეთ შენს მცნებებს, შენივე დახმარებით! მადლობას გიხდით შენი უკიდეგანო და დიდებული სიყვარულისთვის!
კითხვა:
- რატომ იყო იესო აფორიაქებული და სიკვდილის შიშით გარემოცული?