Previous Lesson -- Next Lesson
7. მეხუთე „ვაი თქვენ“ (მათეიესო 23:23-24)
მათეიესო 23:23-24
23 ვაი თქვენ, მწიგნობარნო და ფარისეველნო, თვალთმაქცნო, პიტნის, კამისა და კვლიავის მეათედს რომ იხდით და ივიწყებთ უმთავრესს რჯულში - სამართალს, წყალობასა და რწმენას. ესეც უნდა გაგეკეთებინათ და არც ის მიგევიწყებინათ. 24 ბრმა წინამძღოლებო! კოღოს მწურავნო და აქლემის მშთანთქმელნო! (ლევიანები 27:30, მიქა 6:8; ლუკა 18:12)
ჩვენ ვეჭიდებით ფულს სიმდიდრეს და ქონებას, როგორც ჩვენს უსაფრთხოებას. ამავდროულად გვინდა ჩვენთვის სამოთხეში კარგი ადგილის დაკავება, ამიტომაც ვწირავთ ჩვენს ძვირფასეულობას და ვგრძნობთ, ამის გამო კმაყოფილებას ჩვენს გულში. ვწირავთ რა ფულს და ძალებს ღმერთის საქმეში, ჩვენ თავად ვცდილობთ გადავიხადოთ ,,ჩვენი გადარჩენის“ ფასი.
ფარისევლები შეპყრობილები იყვნენ საკუთარი საქმეების სამართლიანობის დამტკიცებით. ამიტომაც დიდი რელიგიური ჟინით იხდიდნენ მეათედს. მათთვის ეს ვაჭობას ჰგავდა. ამ გზით ცდილობდნენ მიეღოთ ღმერთისგან გამართლება, თითქოსდა ვიღაცას ევაჭრებიან.
მან გვასწავლა სიკეთისა და წყალობის ქმნა და რწმენაში დგომა. რწმენის მსხვერპლი, რომელიც სიყვარულის გამოა მოტანილი, ღმერთისთვის მოსაწონია. ვინც მსხვერპლად იღებს საკუთარ თავს, დროს და ფულს ის მიყვება ქრისტეს დ მის სულს.
იესომ ამ მეკანონეებს, ვინც თავის თავს თვლიდნენ მართლებად უწოდა ბრმები, ვინაიდან ვერ ხედავდნენ რეალობას და ჭეშმარიტ სამართლიანობას. სინამდვილეში ვერ შეიცნეს ღმერთის გზა. ისინი თავს ხალხის წინამძღოლებად თვლიდნენ, ვინც ზეცისკენ აძლევდა მათ მიმართულებას. სინამდვილეში კი წვრილმანებს უდიდეს მნიშვნელობას ანიჭებდნენ, ხოლო მნიშვნელოვან საკითხებს ყურადღებას არ აქცევდნენ. ლუკას თავის სახარებაში მოჰყავს იგავი ქრისტეზე, ფარისეველზე და მებაჟეზე, სადაც ნათლად ჩანს თუ როგორია რჯულის დამცველი, მაგრამ ამავდროს მნიშვნელოვანი მცნებების უარმყოფელი, როგორიცაა ღმერთისადმი სიყვარული, ჭეშმარიტი მონანიება, განახლება და ქრისტეს მიღება ქებითა და მადლიერებით. ისინი ხალხს აიძულებდნენ მძიმე მოვალეობების შესრულებას, თავად კი უკუაგდებდნენ მადლსა და სიყვარულით გადარჩენას. ისნი არ აღიარებდნენ სერიოზულ ცოდვებს, როგორიცაა ფარისევლობა, მრუშობა, სიამაყე, სიხარბე, ფუჭი ფიცი, ხშირი განქორწინება და შურისძიება. ამიტომ უწოდა მათ ქრისტემ ფარისევლები და ბრმა წინამძღოლები.
კარგი იქნებოდა საკუთარი თავების გამოკვლევა და უფლის თვალებით ჩვენი ცოდვებისთვის შეხედვა. თუკი მალე ვამჩნევთ სხვების ნაკლს, საკუთარს კი ვერ ვაფასებსთ, ნუთუ არ ვართ ბრმები, ამაყები და ფარისევლები?
ლოცვა: უფალო იესო ქრისტე, მადლობას გიხდით, რომ შენ ამხილე ის ხალხი და დაანახე, როგორები არიან ისინი სინამდვილეში. გვაპატიე თუკი, როგორც ბრმები ვერ ვხედავთ საკუთარ ცოდვებს. გთხოვთ დაგვანახო ნებისმიერი ფარისევლობა, რომელიც დაფარულია ჩვენში. გაგვხადე შენი სიწმინდის წინაშე მორჩილები და დაე შენს დიდებულ სიყვარულს ჩავწვდეთ. ვლოცულობთ ყველა ჭეშმარიტების მძებნელზე ჩვენს ერში, რათა გახსნან გულები და დაინახონ საკუთარი თავები ისე, როგორც შენ უყურებ მათ და მიიღონ ქრისტე მხსნელი და მისი უპირობო გადარჩენა.
კითხვა:
- რატომ არიან მასწავლებელთა უმეტესობა ბრმები და საკუთარ ცოდვებს ვერ ხედავენ?