Waters of Life

Biblical Studies in Multiple Languages

Search in "Peul":
Home -- Peul -- Matthew - 070 (Seeking Reconciliation)
This page in: -- Arabic -- Armenian -- Azeri -- Bulgarian -- Chinese -- English -- French -- Hebrew -- Hungarian? -- Indonesian -- Latin? -- PEUL -- Polish -- Russian -- Spanish? -- Uzbek -- Yiddish

Previous Lesson -- Next Lesson

MATTA - Tuubee ko fii laamu Almasiihu on ngun bhadike!
Jandeeji suutaadhi ka Linjiila Almasiihu on no Matta yottiniri mo non
SOBBHUNDU 2 - Fii waaju e golle Almasiihu on Jaliilu (Matta 5:1 - 18:35)
A - Fii waaju ngun ka hoore fello: Fii sariya teddudho on ka laamu kammu ngun (Matta 5:1 - 7:27) -- Fii no maakuuji Almasiihu on dhin mottindiriraa non ka aranun
2. Fii ko waddhii en kon telenma Alla (Matta 6:1-18)

d) Fii ko haanudhen dhabbhude moyyhintingol ngol rewaadhi fow (Matta 6:14-15)


MATTA 6:14-15
14 Si on yaafanike yimbhe bhen bonnereeji mabbhe dhin, haray Baaba mon kammuyankeejo on yaafanto on onon kadi bonnereeji mon dhin. 15 Kono si on yaafanaaki yimbhe bhen, haray Ben mon kadi yaafantaako on bonnereeji mon dhin.

E dhun no hulbhinii nee ko tawi kon annabi Iisaa no haani andintinde en soono kala wondema ko giggol yaafotoongol ngol woni timmoode sariya on. Si hawrii en tewike en hawkii giggol Alla ngol, Jom-bhural on wontanay en janano. Si tawii en sattinii bhernde men nden, en yanay e ley nyaawoore nden.

Medhen torii on dartugol bhernde mon nden. Hara Allaahu on heydhintinii on, o hebbinii on yurmeende makko nden? E ko hondhun heydhintineede nden nanditata e mun?

Ko Ben men noddirii en ko fii layingol bhuttu ngun immorde ka kammu ka kawtal men, bhayru ko bhibbhe Alla bhen woni bhuttinoobhe. Hara hidhon wondi e goddho mo on yidhaa? On neddho wonay bhurdho e hittande on e nder ngurndan mon dhan, sabu ko Alla imminani on mo fii dardangol on e fii etugol bhernde mon nden, hay si tawii tikkere nden e faale yottagol ngol no e mon haa jooni. Ruuhu-Seniidho on no dhabbhude no o jattinira on ngayngu ngun e no fooliron metteede nden, o janna on munyal e yaafuyee e rentaare e neweede no waawiron jabhirde on neddho, yidhiron mo ittiri bhernde mon nden fow, jabhoron mo no laabhiri. Yaafuyee Alla on no fewti yimbhe bhen fow, ko yaafondirgol men ngol woni tugalal Ahadi Heyri ndin. Fannii on sarti dhon timmaali, werde hebhotaako ka laamu Alla. Gomdhinal men ngal ko yidhugol aybhe bhen rimata. Si on salike yaafaade, haray hidhon yeddude kuugal ngal Ruuhu-Seniidho on woni e huuwude ngal e mon e binde mon. «Yidhee aybhe mon bhen, du’anodhon wonbhe cukkaade on bhen, moyyhodhon e anyubhe on bhen, toranodhon tampinoobhe on bhen.» Huutoree ndee yamiroore, on wontoyay maa on luttoyay wonude bhibbhe Alla e musibbhe Almasiihu on.

Kono si on jokkii sattingol bhernde mon nden e yottagol e moningol aybhe mon bhen e hollugol bhe yawre e sattere fii e bonki, haray onon e Alla hidhon galdi e on bugitike kadi Almasiihu on e nder mun. Torndeeji mon dhin e dewal mon ngal yhettirte wa golle naafigiije wondudhe e penaale.

Fewndo ko Puulusa e Silaasi weldiddho makko on bugidaa ka kaso, bhe woni e beytagol Alla beyti, dhun e tawde hibhe dumbaa ka koydhe. Dhun e dhun mun, hari hibhe yidhi lettoobhe bhen e aynudho kaso ngon on, bhe juulani bhe. Leydi ndin dimmbii, bherdhe dhen waylii e aynudho kaso ngon on tuubi. Fewndo ko Astefaana bugetee kaayhe, o toranino wonbhe e warude mo bhen bhayru faybhe Alla bhen fow jokkay hito fempaadho on ka hoore leggal altindiraangal ko o ewnii: «Baaba an, yaafo bhee, ko fii bhe andaa koo ko bhe woni wadhude» (Luuka 23:34).

Giggol Alla ngol yaafanike en junuubaaji men dhin fow. On mo no heewi giggol ngol e no weebhitani bhernde mun nden aybhe mun bhen, yi’ay kammu ngun no udditii, o anda bawgal Alla ngal ko gollata wano Puulusa e Astefaana non, bhen bhe munyal mun duumingal ngal addiri yimbhe bhen no bhe tuubira e no bhe andira Alla wa Baabaajo on. Ndartee bhernde mon nden. Hara on saatinii Ruuhu Alla on no o tabitira e mon e hara on newnanii mo no o gollira ka nder ngurndan mon?

TORAARE: Yaa an Baaba, men tuubirii no laabhiri, men fibhii anniye wonde men fillitotaako han kadi. Yaafano men mawnintinaare amen nden, jannaa men laabhal ngal e yaafuyee on e neweede nden immorde Bhiddho maa on. Wallito men no men yaaforana boniibhe bhen e amen wano yaaforandhaa men non, ko fii a hollii men moyyhere maa nden e yurmeende maa nden e mawngu maa ngun. Lontinir haasidi amen ndin giggol maa ngol e yurmeende maa nden.

LANDAL:

  1. Ko yamiroore honde hitti fota e nder humondiral men duumiingal ngal hakkunde men e Alla Ben men wondho on ka kammu?

www.Waters-of-Life.net

Page last modified on May 18, 2012, at 09:59 AM | powered by PmWiki (pmwiki-2.2.109)