Waters of LifeBiblical Studies in Multiple Languages |
|
|
Home Bible Treasures Afrikaans |
BATAAXAL - Bataaxal bu ñu tënk ngir séddale ok
BATAAXAL 01 -- Ndax xam nga Yeesu?Képp ku gëstu cosaanu àddina dinga gis ne am na ci biir ay téméeri junniy at yu jàmbaar yu raññeeku indiwoon ay xiirte ci seeni aada ba soppi seeni askan. Kenn ca ñooña mooy Yeesu, doomu Mariyaama. Lu ëpp benn xaaj ci ñett ci doomi Aadamay àddina si ñungi topp ay njàngaleem. Turu Yeesu moo ëpp solo ci 27 teerey Kóllëre gu bees gi. Mungi ciy feeñ 975 yoon. Yàlla dafa yónni malaaka mi tudd Jibril ca jànq bu tudd Mariyaama.Ca biir janneer itam, malaakam Boroom bi feeñu na Yuusufa miy boroom-këru Mariyaama. Mu ne leen ne doom ji Mariyaama ëmb,ku sell la,te war nañu ko tudde "Yeesu, ndaxte mooy ki nar a musal askanam ci ay bakkaaram" Mace 1:20-23; Luk 1:31. Tur woowu du, nit moo ko sos,waaye Yàlla ci boppam moo ko tann ci kow coobareem. Turu Yeesu dafa ëmb tëralinu teralinu Yàlla, gir muccug doomu Aadama; woowu teralin wu Mu nammoon la laata àddina di sosu.Ci dëgg-dëgg turu Yeesu mungi tekki "Boroom Kóllëre gi dafay dimbalaate, te di musal" Yalla soppali na doxalinu àddina jaare ko ci Yeesum Nasaret. Doomu Mariyaama joxewul ay njàngale nitu neen,yu amul bopp amul geen.Du itam ay kéemaan yu nu man a teg bët doŋŋ la def,waaye Yàlla jaare na ci Moom ngir wax ak ngir jëf [Yowaana 5:19-21;14:10-24]. Lu waraloon ñówam? Te lan mooy mbootu kàttanam ju rëy ji?
Dafa nuy goreel ci sunu reëy-rëyluYeesu nee na: "ñówleen ci man yeen ñépp ni sonn te diis Ma may leen nooflaay ci seen ruu" (Mace 11:28-29). Ñépp ni am coono ci seen dund, ñaax nañu leen ngir nu ñów ci Yeesu.Ku ñòw ci Moom,dina la goreel ci sa reëy-rëylu,te may la nooflaay. Yeesu nee na: "Doomu Nit ki ñówul ngir ñu koy surgawu,waaye ngir nekk surga ,te jébbale dundam ngir wuutu ñu bare” (Mace 20-28). Ñiy topp Yeesu dañuy wér ci seen naweelu bopp, te di amal njariñ ñeneen ñi, jaare ko ci doomam, ci kow mbég.
Dafa nuy goreel ci merum YallaMerum KU Sell ki mungi tiim ñépp ñi bàkkaar,waaye Yeesu dina musal ñépp ñi ko gēm,ca bépp àtte,ca bésub ndekkite la( Yowaana 3:18;5:24) Boroom bi xamal na Yonent-Yalla Esayi dëgg gi: "...te fekk ne sunuy tiis la yenu ,gàddu sunuy naqar.Sunuy bàkkaar a tax Mu gaañu ,ne làcc ndax sunuy tooñ mbugal gi nu may jàmm,Moom la dal.Nun ñépp a reeroon ni ay xar'ku nekk aw saw yoon,te Àji sax ji yen ko sunuy njubadi nun ñépp” (Esayi 53:4-6) Laata Muy saay,yeesu ñaanal na ay noonam ba ne "Baay,baalleen, ndaxte xamuñu li nuy def" (Luk 23:34). Wóor nanu ne Yàlla nangu na ñaan googu.
Dafa nuy goreel ci bàkkaarYeesu nee na: "...képp kuy bàkkaar,jaamu bàkkaar la....kon nag bu leen Doom ji defee gor, dingeen doon ay gor tigi” (Yowaana 8:34-36). Képp ku ko wóolu,Yeesu dina la yeww ici buumug njaamu bàkkaar. Gàddu na bàkkaari àddina sépp, te wuutu nanu ci dee gi. Coono ji Mu daj faxas na sunu bàkkaar yépp, te Xelam mu Sell mi mungi dëkk ci sunu jëmm,di nu dooleel ngir nu daan bàkkaar (Waa Rom 8:9-11). Noonu,képp ku gëm Yeesu ak njébbalu boppam nib sarax ngir say bàkkaar, kenn deesu la daan.
Daan na SeytaaneYeesu daan na Seytaane,ba mu nanguwulee tàbbi ca ay fiiram (Macē 4:1;Luk 4 1-13). Ca biir bundxataal ak coono,Yeesu,dafa wéy di déggalYàlla te tàbbiwul ci benn bàkkaar. Seytaane manu ko woon xiir ci dara lu bon.Yeesu dàqe na ay rab, ak ay jinne yu bon ca ña ñu duggoon. May na boobu san-san ay taalibeem (Luk 9:1).kepp ku nangu saraxam bi, dinga mucc ci doole Seytaane.
Daan na Dee giYeesu nee na: "Man maay ndekkite li,maay dund gi. Ku ma gëm boo deewee sax, dinga dund. Rax ci dolli, kuy dund te gëm ma, doo dee mukk. Ndax gëm nga loolu?" (Yowaana 11:25-26) Yeesu dekki na ci biir ñi dee,te feeñu na ci jëmmam ay taalibeem,ba wax ak ñoom;laal nañu Ko sax!Noonu itam la Yeesu man a rawalee ay doomam ci dee gi,te may leen dund gu amul àpp.
Dafay faj mbañeel ak feyoonteLii la Yeesu digal ñi koy déglu: "Waaye,man maangi leen di wax ne,soppleen seeni bañaale te ñanal ñi leen di fitnaal, ngir wone ne yéenay doomi seen Baay bi ci kow asamaan” (Luk 6:27-28). Kenn doŋŋ ki juddoo ci Xelum Yàlla, moo baal taalibeem yépp seeni bàkkaar,ba noppi sant leen ñu baal ña leen ameloon bàkkaar. Li xiir Yeesu ci baale, mooy mbēggeelam gu rëy gi. Yeesu dafay goreel ci mbañeel ak feyoonte, ñépp ni koy déggal. Doomu Mariyaama ji ay ñoñam dañu Ko jañax, saaga Ko sewal ko. Waaye ak li ñu Ko jañax lépp, terewulYeesu may leen mbéēggeelam, njuboom, wuutoom ak kàttanam. Ñépp ñi ni dëddu seeni bàkkaar, topp Ko te déggal Ko, yoon du leen daan mukk, te dinanu am dund gu amul àpp. Yow sama am-ji-jàmm jiy jàng lii, Nangug cant ak ngërêm
Na sa kàttan faxas samay neew-doole, ndax ma man a màggal Yàlla ju sell ji, ci samag Ndax bëgg ngaa xam lu gën a xóot ci mbiri Yeesu, doomu Mariyaama?Nun de jekk nanu ngir yónnee la Injiilu Yeesu bu ànd ak ay faramfàcce,te doo fay dara.
Wesaareel xabaaru Yeesu bu baax bi ci sa biir dëkkandoo yiBu fekkee ne xë yii tooyal nañu sa xol,te may la xel mu dal,ba dooleel la,kon séddoo ko ak say xarit ak say dëkkandoo. Dinanu neex lool nu yónnee la ci as tuut.Wax nu ñaata nga ci man a séddoo ,te du la indil coono. Bul fàtte bind sa dëkkuwaay nu mu gēn a leere. Ci biir xaarandiku sa tontu,nungi ñaan sunu Boroom biy dund,Mu barkeel la.Amiin! WATERS OF LIFE Internet: www.waters-of-life.net |