Mobile device - Print - Bottom

Next Tract

TRAITÉ 1 -- Awka Yesu lon wa ?

---

Mɔgɔ o Mɔgɔ bɛ miiri ko kɔrɔ tɛmɛ niw ma, a ba ye ko wagati jan tɛmɛ niw ra mɔgɔ dɔw ka yɛlɛ manin don o ka wagati mɔgɔw ta ɲanamanya ra ani ka o ta Jamana denw kɛcogo yɛlɛ ma. Olugu dɔ la kelen le ye Mariyamu den cɛ Yesu ye. Dunuɲa mogɔw bɛɛ taran sabanan o lugu le bɛ tugura a ta kalan kɔ. Tɔgɔ min ka fisa kibaro diman Layirikura Kitabuw 27 kɔnɔ o ye Yesu togɔ le ye ; a tɔgɔ sɛbɛra siɲɛ 975.

Matigi Ala ka ta Mɛlɛkɛ Jibirili ci sunguru Mariyamu fɛ. Matigi Ala ta Mɛlɛkɛ ka a yɛrɛ yira Yusufu ra siko ra, ale min ye Mariyamu ta cɛ ye. A k’a fɔ oye ko : Mariyamu bɛ na dencɛ min woro o bɛ na kɛ Nin Saniman ta sebagaya le ra, k’o ya tɔgɔ la ko «Yesu » sabu ale le bɛna a ta mɔgɔw kisi ka bɔ o ta Jurumuw na. (Matiyu 1 : 20-23 ; Luka 1 : 31 )

Mɔgɔw le ma Yesu tɔgɔ di Nka Matigi Ala yɛrɛ lo k’a o tɔgɔ ɲɛnatɔmɔ ka kɛɲɛ ni a yɛrɛ sagoye. Yesu tɔgɔ le la Ala ka fɛrɛ min la bɛn sani dunuɲa ye dan walisa ka Mɔgɔw kumabɔ o bɛ sɔrɔ ale lera. Yesu tɔgɔ kɔrɔ bgɛni le ye : «Matigi layiri tigi bɛ dɛmɛkɛ ka kisilikɛ » Matigi ka yɛlɛmali don dunuŋa fɛnw camana Yesu Nazarɛti ka Mariyamu dencɛ sababura.

A ma kalan la kolon di Mɔgɔw ma, a ma bolo fɛnw wala nafolo ma fɛnw kabako kɛ, Nka ale le fɛ Matigi Ala kumana ka baarakɛ (Yuhana 5 : 19-21 ; 14 :10-24). A na kun tun ye mun le ye ? Ani sebagaya ba min tun b’a ra o gundo tun ye mun le ye?

A bɛ anw hɔrɔnya yɛrɛ boŋa ma

« Aw minw sɛgɛninlo, ani aw minw dɛsɛnilo aw ta doni kɔrɔ, aw ye na ne fɛ, ne bɛ na laganfiyadi aw ma…Aw ya to ne ye aw kalan sabu ne sabarinin lo, ne majigininlo fana; ni okɛra , aw nin bɛna laganfiya sɔrsɔ (Matiyu11 :28-29). Mɔgɔ o Mɔgɔ sɛgɛnin lo o ta doninw kɔrɔ ni o tɔɔrɔ ni bɛ o ta ɲanamaya kɔnɔ, Ja bgɛlɛya dira olugu ma kana Yesu ma. Mɔgɔ minw nana Yesu ma, abɛ olugu hɔrɔnya yɛrɛ boɲa ma ka laganfiya di o ma.

Yesu ko : « Mɔgɔ dencɛ ma na Janko mɔgɔw ye na baarakɛ aye, Nka a nana ka baarakɛ mɔgɔw ye le ani ka a yɛrɛ nin di, ka kɛ mɔgɔ caman kumabɔ saraye. » (Matiyu 20 :28) Mɔgɔ minw bɛ tugu Yesu nɔfɛ olugu kɛnɛyara kabɔ natabaya ma, o bɛ baara kɛ mɔgɔw ye ni nisondiya ye, ni Yesu fanga ye.

A bɛ hɔrɔnyali kɛ ka bɔ Matigi Ala ta dimiya ma

Matigi Ala saninman ta dimiya bɛ Jurumu tɔw bɛɛ kan, Nka Yesu bɛ lanabagaw hɔrɔnya kitima sukunuli lon na (Yuhana 3:18 ; 5 : 24). Matigi Ala ka o ciŋɛ yira cira Ezay la « K’a sɔrɔ a tɔɔrɔra anw nɔ le ra, a ka anw ta sɛgɛ doni le ta; anw kɔni k’a jate i ko sɛgɛbagatɔ, ko Ala le ka kojugu ben a kan, ka ɲani la a kan. Nka a mandimina anw ta hakɛw le kosɔn, a baraka bɛɛ banna anw ta terenbariyaw le kosɔn ; korori min bɛ hɛra lase anw ma, o benna ale kan, Jori minw tigɛra a farikolo ra, o le ka kɛnɛya lase anw ma. An bɛɛ tun bɛ yaala an kun fɛ i ko sagaw, an bɛɛ kelen kelen tu bɛ taga an ta sira le fɛ; nka Matigi Ala ka an bɛɛ ta kojuguw hakɛ ben ale kan »(Ezayí 53 : 4-6).

Sani Yesu ka sa, aka soronari kɛ a jouguw ye : « ne fa, yafa o ma, sabu o bɛ min kɛra, o ma o lon »(Luka 23 : 34). Anw lara a ra ko Ala ka ta daari jaabi.

A bɛ anw hɔrɔnya Jurumu ma

Yesu ko : «can ra ne b’a fɔ aw ye ko Mɔgɔ o Mɔgɔ bɛ Jurumu kɛ, o tigi ye Jurumu ta Jon le ye…ni Dencɛ ka aw hɔrɔnya aw na kɛ aw yɛrɛ ta ye » (yuhana 8 :34-36). Mɔgɔ minw lara Yesu ra, abɛ olugu hɔrɔnya Jurumu ta jonya ma. A ka dunuɲa ta Jurumu ta a yɛrɛ farikolo kan, a sara en nugu nɔ na Jurumu kafari saraka koson, a ka anw ta ko juguw bɛɛ yafa, a ta nin saninman bɛkɛ anw dusukun na, abɛ en jija ka se sɔrɔ Jurumu kan (Rɔmukaw8:9-11). Abɛ o cogo ra Mɔgɔ min lara Yesu ra, ani ka la a ta Jurumu kafari saraka ra, otgi bɛna telen niya dafanin sɔrɔ.

A ka se sɔrɔ Setana kan

Yesu ka se sɔrɔ setana ta kɔrɔbɔliw kan, ka ban a ta fɔtaw ani a ta ko kɛ cogow ma. (Matiyu 4 : 1-11 ; Luka 1-13). Hali gbɛlɛ ya kɔnɔ ani dusu kasi kow ra, Yesu tagara ɲɛ ka a yɛrɛ ma jigi Ala ye, a ma Jurumu foy kɛ. Setana ma se ka Yesu ta miriya sama a ta fan fɛ. Yesu ka Jinaw gbɛn ani ka Jinatɔw ta Jinaw gbɛn ka bɔ o ra. A ka o sebaga ya di a ta karamɔgɔ denw ma (Luka 9 : 1). Mɔgɔ o Mɔgɔ son na Yesu ta Jurumu kafari saraka ma, otigi bɛ hɔrɔnya ka bɔ setana ta sebagaya kɔrɔ.

A ka se sɔrɔ saya kan

Jesu ko : « ne le bɛ suw lakunu, ne le bɛ ɲanamaya di; ni mɔgɔ o mɔgɔ ka la ne ra, o tigi bɛ na ɲanamaya, hali ni a sara. Ni mɔgɔ o mɔgɔ bɛ ɲanamaya, ka la ne ra, o tigi tɛ na sa fiyewu ! ele lara o la wa ? » (Yuhana 11 : 25-26).

Yesu kununa ka bɔ suw cɛ ma, a ka a yɛrɛ yira a ta karamɔ gɔ denw na, a kuma na o fɛ, o magala a farikolo ra. O cogo ra Yesu bɛ se k’a ta denw hɔrɔnya saya ma, ka ɲanamaya banbari di o ma.

A bɛ Mɔgɔ kɛnɛ ya ka bɔ kɔniya ma, ani ɲɔgon juguya ma

Yesu k’a ɲini a lamɛn bagaw fɛ « Aw ye aw juguw kanu. Minw bɛ aw danga, aw ye dugawu kɛ olugu ye, aw ye ko ɲuman kɛ aw kɔniyabagaw ye. Minw bɛ aw minako juguya, ka aw tɔɔrɔ aw ye Ala daari olugu ye. Ni aw bɛ o kɛ, o le bɛna aw kɛ fa Ala ta denw ye. O min bɛ sankolo ra ;»(Matiyu 5 : 44-55 ; Luka 6 : 27-28).

Mɔgɔ kelenpe min woro ra Ala Nin saninman fɛ, ka a ta karamɔgɔdew ta Jurumuw bɛɛ kafari, ani k’a ɲini o fɛ k’o ye yafa o hakɛ ta bagaw ma, Sababu min k’a kɛ Yesu bɛ yafa Mɔgɔw ma, o ye a ta knuya ba le ye. Mɔgɔ minw ɓɛ tugu Yesu kɔ k’a kumankan mina, abɛ olugu hɔrɔnya ka bɔ kɔniya ma ani ɲɔgon juguya ma.

Mariyamu dencɛ ta Mɔgɔw bana a ra K’a nɛni K’a dɔgɔya. Nka o bɛɛ N’a ta Yesu K’a ta kanuya, a ta bɛn, a ta kisili, ani a ta se bagaya yira o ra. Minw bɛ o kɔdon o ta Jurumuw na, ka o ɲɛ sin a le ma, olugu bɛ na telen ni ya sɔrɔ ani ɲanamaya banbari.

Kalankɛla kanulen,
Yesu min ɲanamalo, abɛ aw wele ka na la a le ra, ka son a ta kuma ma. Abɛ se K’a ta nin saninman fanga di aw ma, ka aw hakiri , aw nin ani aw farikolo saniya. Aw ka na aw dusukun gbɛlɛ ya, aw ye don a ta yafali la ani ka son a ta sebagaya ma. Aw ye bori kiti dimiya nata ɲɛ. Yesu ye aw kunmabɔ baga ani aw kisi baga ye, abɛ soronari kɛ aw ye Ala ɲakɔrɔ. A kɛra aw ka ɲanamaya ye, aw kɔrɔ si baga ani aw marabaga ye. A boro min Jan na aw fan fɛ aw ye o min na walisa aw ka fa nɛɛma ani nɛɛma ra (Yuhana1 : 1-6).

Koɲuman lon Ala daari
An ye Ala daari ɲɔgɔn fɛ : « Matigi Yesu, i ye dunuɲa kisi baga le ye ani ne fana kisi baga. I ka ne hɔrɔnya ka bɔ Ala ta kiti tigɛ dimiya ma. I ka ne kisi kabɔ ne ta yɛrɛ boɲa ma, ani ne ta natabaya ma, ne saninya kabɔ ne ta Jurumuw ma. I ta ɲanamaya saninman ani i ta sago telen niya di ne ma, walisa Setana ka na se ka ne sama ka kɛ a ta ye. Son ne ma inafɔ i ta karamɔgɔdenw dɔ. i ka ne hakiri nɔrɔ ya walisa ne ka se ka i ta kalanw ani sariyaw famu. I ta sebagaya ye ne ta barikantan ya dafa, walisa ne ka se ka Matigi Ala saninman boɲa ne ta ɲanamaya kɔnɔ. Amiina. »

Yala aw b’a fɛ ka taga ɲa Mariamu dencɛ Yesu lon ni ya la wa ?

A nugu la bɛn nin lo ka krisita ta kibaro diman a na kɔrɔw ci aw ma gban san, ni aw ye o ɲini an fɛ.

Aw ye Yesu ta kibaro diman taran ni aw sigi ɲɔgɔnw ye

Ni ni sɛbɛn diyara aw ye, a kuma don na aw dusukun na, aw ka fanga ani jijari sɔrɔ a ra, aw ye a taran ni aw teriw ye ani aw sigi ɲɔgɔnw ye.

A bɛ na diya anw ye ka o sɛbɛn dɔw ci aw ma, aw bɛ se ka sɛbɛn jate da min taran na te kɛ aw ma baasi ye wala ka tɔɔrɔ lase aw ma, aw ye an la lon ni ya o ra. Aw kana ɲina ka aw ta a drɛci sɛbɛn k’a ɲɛ walisa a ye se ka kalan. Sa ni anw ka aw ta kibaro sɔrɔ anw bɛ Matigi ɲanama daari ka dugawu kɛ aw ye.

WATERS OF LIFE
P.O. BOX 60 05 13
70305 STUTTGART
GERMANY

Internet: www.waters-of-life.net
Internet: www.waters-of-life.org
e-mail: info@waters-of-life.net

Mobile device - Print - Top