Mobile device - Print - Bottom

Previous Lesson -- Next Lesson

b) Yawut yaa ngay laaj nit ka ñu wéral (Yowaana 9:13–34)

---

YOWAANA 9:24-25
24 Farisen ya dellu woowaat ka gumba woon ne ko: ”Waxal sa digganteek Yàlla, ndaxte nun xam nanu ne waa joojee boroom bàkkaar la.” 25 Mu tontu ne: ”Xawma ndax dboroom bàkkaar la am déet, li ma xam daal mooy gumba woon naa, te léegi maangi gis.”

Farisen ya def nañu seen kéem kàttan ngir man a jaar fu Yeesu néewlee doole ba ñu man Koo àttee daan. Ñu woo waa ja ñu fajoon ngir waatloo ko ba mu seede lu dul dëgg ci Yeesu, ba jiiñ ko tuuma. Ñu biral ne xarañ nañu ngir wone ne Yeesu bàkkaarkat la; li ñu doon wut rekk mooy ab seede bu leer. Ñu bëgg koo bëmëx ba mu nangu li ñu bëgg te jiiñ Yeesu. Li ñu doon wut mooy waxloo ko ne du ci ndamul waa Nasaret ji la wére. Waaye mu tontu leen ak maandute ne: »Xamuma ndax bàkkaarkat la, Yàlla rekk a xam. Li ma xam daal, mooy, damaa gumba woon, te léegi maa ngi gis. »Loolu, kenn manu ko weddi. Dafay ëmbaale kéemaan, doole ju jóge asamaan ak yiwu mbaal gi. Seede waxambaane bii, bokk na ci yi ay junniy way-gëm di firndeel. Man nañoo ñàkk a xam kumpay asamaan yi, ak yu Safara, waaye jot nañu judd gu bees. Képp ci ñoom man na wax ne: »Damaa gumba woon, waaye léegi maa ngi gis. »

YOWAANA 9:26-27
26 Ñu laaj ko ne: ”Lu Mu la def? Nu mu la ubbilee say bët? “Mu tontu ne leen:” 27 Wax naa leen ko ba noppi, waaye dégluwuleen ma, lu ngeen bëgg ma di ko wax, di waxaat? Xanaa dangeen a bëgg a nekk yéen itam ay taalibeem?”

Farisen ya mer lool ca tontu waa ja, noonu ñuy jéem a wut lu ljuuyoo ciy kàddoom, ba man koo daaneel. Noonu ñu ñaan ko mu delluci nettaleem ba. Rekk, mu mer ne leen: ”Xanaa dégguleen li ma leen nettali? Walla dangeen koo bëgg a déggaat ngir man a nekk ay taalibeem?”

YOWAANA 9:28-34
28 Ci kow loolu, ñu daldi ko saaga, ne ko: » Yów yaay taalibeem. Nun, taalibey Musaa lanu. 29 Xam nanu ne, Yàlla wax na ak Musaa; waaye kii, xamunu sax fu mu jóge. »30 Waa ja ne leen; »Loolu de doy na waar! Xamuleen fu mu jóge, te mu ubbi samay bët! 31 Xam nanu ne Yàlla du déglu boroom bàkkaar. Waaye nag dina déglu ki Koy ragal tey def coobareem. 32 Bi àddina sosoo ba tey, mosuñoo dégg nit ku ubbi bëti gumba judduwaale. 33 Kon nit kookee nag, bu jógewuloon ca Yàlla, du man a def dara. » 34 Ñu tontu ko ne: »Yów ci biir bàkkaar nga juddoo, ba noppi nga di nu jàngal? » Noonu ñu dàq ko ca jàngu ba.

Ba leen waa ja toroxalee bindkati téere ya, ak kàŋaam ya xaacu di ko saaga naan: » Du nun,waaye yów mii yaay taalibe naxaatekat boobu. Nun Musaa lanuy topp, moom mi wax ak Yàlla. »Yeesu jotoon na leen wax ne bu ñu xamoon Musaa, kon, dinañu dégg ay kàddoom; Waaye ndegam dañoo dëpp waxi Musaa, te di leen di jëfandikoo nib lay, kon duñu Ko (Yeesu) man a xam itam, sàkkantumaak Xel miy waxe ci Moom.

Ci kow loolu la waa ja wéroon tontoo ne: »Kiy ubbi bëi gumbag judduwaale kay am na kàttanu Aji sàkk ji. Am na doole, te man na. Xaarul sax Ay ngërëm aky cant. Gisuma genn tooñ mbaa lu ñu Ko man a daane ci moom. »

Mu teg ca biral ne: » képp ku bokk ci kóllëre gu Njëkk ga xam nga ne Yàlla du antu ñaani ku rëy. Bàkkaar dafay tax ba Yàlla du barkeel nit ki. Waaye ki nangoo suufeelu ci kanamu Ku Sell ki, nangu ay bàkkaaram, te tuub leen, namm ngëm akmbëggeel, boole ci cant, kooku la Yàlla di waxal nopp ak nopp. »

« Kenn ci yéen manu ma woon a ubbil samay bët, kenn manu ko, ndaxte ñépp a bàkkaar, ba mu des Yeesu. Moo ma manoon a faj, loolu mooy firnde ne amul bàkkaar. Yàlla ci Moom la nekk. »

Ci kow loolu Farisen ya móolu ko: »Yów rekk yaa bon ak say waajur. Seen mbon gi moo feeñ ci sa ngumba gi. »Niti diine yooyu xamuñu woon ne ñoo gënoon a gumba waa jooja Yeesu dafa koo jël ni as ndaw, ngir won leen li Mu leen man a defal. Waaye ñoom dañoo weddi njàngalem Yeesu, ci ni ñu sàbbee kàdduy ki ñu faj. Noonu, ñu dàq ko ca jàngu ba. Njëkkoon nañu ko dàq ca bérabu ndaje Kuréel ga, léeegi nag ci kanamu ñépp lañu koy bërgal ni taalibe Yeesu. Bés booba lañu ko faj, te it ca lañu ko dàqe ca askan wa. Loolu wone na ne nit ñooña àttanuñu woon Xelum Krist.

LAAJ:

68. Lan la waa ja tàmbalee gis ,ndànk-ndànk ba ñu ko tegal laaj yooyu yépp?

Mobile device - Print - Top