Mobile device - Print - Bottom

Previous Lesson -- Next Lesson

YUUHANNA - Ndaygu ngun jalbi ka nder nibhe
Jandeeji ka Linjiila no Yuhanna seedorii nonn

b) Fii no Yahuudiyankeeɓe ɓen landornoo non aaden sellinaaɗo on (Yuuhanna 9:13–34)

---

YUUHANNA 9:24-25
24 Onsay Fariisiyaaɓe ɓen nodditi fahin on neɗɗo wumunooɗo, ɓe wi’i mo: jonnitu Alla teddungal ngal. Ko fii menen meɗen andi oo neɗɗo ko junuubankeejo. 25 Kanko kadi o jaabii ɓe, o wi’i: Si tawii on ko junuubankeejo, min mi andaa. Miɗo andi tun huunde wootere: hari ko mi bunɗo, jooni mi wuntii.

Fariisiyaaɓe ɓen etii waɗugol ko gasataa kon fow no bhe heɓira yolnde ka Iisaa no ɓe ƴettirana mo ɲaawoore bone makko. Ɓe noddi neɗɗo sellinaaɗo on, ɓe woodini mo fii no o haalira ko boni e hoore Iisaa, o happana mo wa bonuɗo. Ɓe yewtiri wa jogiiɓe gandal wonde Iisaa ko junuubankeejo; ko ɓe faalanoo kon fow ko heɓugol seedee mo yeddotaako. Ɓe ƴoƴii e makko no ɓe nanodirira ɓe tooɲa Iisaa, ɓe tindini mo no o qirritora wonde ko o sellinaa kon hinaa ko darjinta mo Naasirata on. Kono o jaabori ɓe faamu: «Mi andaa si ko o junuubankeejo, ko Alla tun andi. Miɗo andi tun huunde wootere: hari ko mi bunɗo, jooni mi wuntii.» Nden huunde yeddotaako. Ɗun no firi kaawake hawniiɗo, doole iwuɗe ka Alla e moƴƴere fii yaafaaneede. Seeditoore suka on no tawaa e ko yimɓe guluuje gomɗinɓe timmini. No waawa ka ɓe ronka andude gundooji kammuli ɗin e jahannama on, kono ɓe hendike jibinande heyre nden. Mo bee e maɓɓe no waawi ɓanginde, wi’a: «Hari ko mi bunɗo, jooni mi wuntii.»

YUUHANNA 9:26-27
26 Ɓen wi’i mo fahin: Ko honɗun on waɗan-maa? Ko honno o wuntinir-maa? 27 Kanko kadi o jaabii ɓe, o wi’i: Hari mi wowlanii on, kono on heɗaaki. Ko honno faaliraɗon nanirde kadi? E hara onon kadi on faala wonude taalibaaɓe makko?

Ɓe weltanooki fii ko suka on jaabii kon, Fariisiyaaɓe ɓen no etaade no ɓe yi’ira piiji lurrodirɗi e nder ko o sifii kon, ɓe torii mo yo o fillito yewtere makko nden. Ɓe tikki, ɓe wi’i: «E hara on faamaali ko mi haalaɗi on kon? E hara on faalaa yo mi fillitano on ɗun kadi ɗimmun no wontiron taalibaaɓe makko?»

YUUHANNA 9:28-34
28 Onsay ɓe yenni mo, ɓe wi’i: Ko an woni taalibaajo makko on, menen ko men taalibaaɓe Muusaa. 29 Ko men andi, Alla yewtiino Muusaa, kono oo neɗɗo, men andaa ko mo o honto. 30 Onsay on neɗɗo jaabii ɓe, wi’i: E hino ko nhalɗini kon, ko ko tawi kon o wuntinii lan, e hin-le on andaa ko mo o honto. 31 Kono hiɗen andi Alla jaabinantaa junuubankeejo, kono si goɗɗo ko ɗewo Alla, o waɗii faale makko on, haray o jaabinanay mo. 32 Awa kadi haa hande en nanaali no wi’ee goɗɗo wuntinii heɓidaaɗo e mbunɗan. 33 Si tawiino oo neɗɗo wonaa mo Alla, o waawataano waɗude hay fus. 34 Onsay ɓen jaabii mo, wi’i: An, oo heɓidaaɗo a fow maa e junuubu, ko an jannata men? Onsay ɓe bugii mo ka yaasi.

Ɓay on suka lannii hersingol ɓe, jannooɓe fii sariya on ɓen e jooma gande’en sonki, yenni mo, ɓe wi’i: «Wonaa menen, ko an woni taalibaajo on aaden ɗaynoowo. Ko men jokkooɓe Muusaa, on yewtidunooɗo e Alla». Iisaa wi’i ɓe aranun wondema si ɓe faamii fota Muusaa, ɓe faamayno ɓe jaɓa konguɗi makko ɗin. Kono ɓay ɓe ɓoylii konguɗi Muusaa ɗin, ɓe huutorii ɗi fii ko ɓe lamitora, ɓe waawano men faamude mo kanko kadi, maa ɓe andita Ruuhu yewtoowo on rewrude e makko.

E telen ma ɗun, neɗɗo sellinaaɗo on jaabii, wi’i: «Aaden Wuntinoowo heɓidaaɗo e mbunɗan no jogii bawgal Tagoowo on. Ko o dolnuɗo e waawuɗo. E nder moƴƴere makko nden, o ittaali ella e an; o toraaki lan kaalisi, kono o waɗanii lan golle hara huunde o yoɓinaali lan. O habbaaki haa mi weltanoo mo. Mi yi’aalii ella woo e feloore e makko.»

Onsay o qirritii, o wi’i: «Kala tawaaɗo ka ahadi hindi no andi wonde Alla jaabintaa toraare mawnintiniiɓe ɓen. Ko junuubu haɗata Alla barkina neɗɗo. Kono on hayfintiniiɗo yeeso Seniiɗo on, qirritii junuubu mun ɗin on, ɗaɓɓiti gomɗinal ngal e giggol ngol e nder andital, on ɗon Alla yewtay mo tigi.»

«Gooto e mon waawaali udditude gite an ɗen, neɗɗo woo waawataa waɗude ɗun sabu fow waɗii junuubu, yawti Iisaa. O waawii sellinde lan, ɗun ko seedee wondema o aldaa e junuubu. Alla no tabiti e makko.» Ɓay o karhaama yo o miijo fii Iisaa e nder on saa’i, o faamii fii laaɓal e allankaaku Iisaa ngun.

E fee ɗun, Fariisiyaaɓe ɓen huɗi mo, ɓe wi’i: «Ɓurɗo ma an e ben maa bonnude heɓotaako. Jiiɓaare mon nden no feeɲi e fee ko wonuɗaa kon bunɗo.» Ɓee rewooɓe faamaali wonde hiɓe wumiɗi ɓuri oo neɗɗo baaso. Hari Iisaa no huutorde mo wa nelaaɗo lonto makko, fii hollugol ko o waawi kon huuwangol ɓe. Kono ɓe bugitii jande Almasiihu on nden e nder ko ɓe bugitii kon sellinaaɗo nulaaɗo on. Ɓe raɗii mo non ka juulirde. Aranun o raɗano ka mottodiral Dental ngal waɗata ɗon yeeso tawnde jamaa on, fewndo ko ɓe noddiri mo jiyaaɗo Iisaa on. Nden ɲannde o sellinaa, kono jamaa makko on bugitii mo, seedee ko ruuhu maɓɓe on waawataa kon rondaaɗe Ruuhu mo Almasiihu on.

LANDAL:

68. Ko honɗun oo suka ari e faamirde seeɗa-seeɗa e nder ko o landaa kon?

Mobile device - Print - Top