Home
Links
Bible Versions
Contact
About us
Impressum
Site Map


WoL AUDIO
WoL CHILDREN


Bible Treasures
Doctrines of Bible
Key Bible Verses


Afrikaans
አማርኛ
عربي
Azərbaycanca
Bahasa Indones.
Basa Jawa
Basa Sunda
Baoulé
বাংলা
Български
Cebuano
Dagbani
Dan
Dioula
Deutsch
Ελληνικά
English
Ewe
Español
فارسی
Français
Gjuha shqipe
հայերեն
한국어
Hausa/هَوُسَا
עברית
हिन्दी
Igbo
ქართული
Kirundi
Kiswahili
Кыргызча
Lingála
മലയാളം
Mëranaw
မြန်မာဘာသာ
नेपाली
日本語
O‘zbek
Peul
Polski
Português
Русский
Srpski/Српски
Soomaaliga
தமிழ்
తెలుగు
ไทย
Tiếng Việt
Türkçe
Twi
Українська
اردو
Uyghur/ئۇيغۇرچه
Wolof
ייִדיש
Yorùbá
中文


ગુજરાતી
Latina
Magyar
Norsk

Home -- Cebuano -- John - 119 (Jesus appears to the disciples)
This page in: -- Albanian -- Arabic -- Armenian -- Bengali -- Burmese -- CEBUANO -- Chinese -- Dioula? -- English -- Farsi? -- French -- Georgian -- Greek -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- Peul -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Twi -- Urdu -- Uyghur? -- Uzbek -- Vietnamese -- Yiddish -- Yoruba

Previous Lesson -- Next Lesson

JUAN - Ang kahayag nga misidlak sa kangitngit
Mga pagtuon sa Ebanghelyo ni Kristo sumala ni Juan
PARTE 4 - ANG KAHAYAG NAGBUNTOG SA KANGITNGIT (Juan 18:1 - 21:25)
B - ANG PAGKABANHAW UG ANG MGA PAGPAKITA NI KRISTO (Juan 20:1 - 21:25)

2. Si Hesus mipakita sa iyang mga disipulo didto sa itaas nga kuwarto (Juan 20:19-23)


JUAN 20:19
19 Sa pagkilomkilom na niadtong adlawa nga maoy unang adlaw sa semana diin nagtigom ang mga tinun-an ug gitrankahan nila ang pultahan kay nahadlok man sila sa kadagkoan sa mga Judio. Unya mitunga sai Hesus sa taliwala nila ug miingon, “Mainyo ang kalinaw.”

Sa lawak nga sirado ang mga pultahan, naglingkod ang mga disipulo, naghisgot sa makalilisang nga mga hitabo nga nahitabo sa Domingo. Sila nakahibalo gikan kang Pedro ug Juan nga ang lubnganan walay sulod. Ang mga babaye namatuod niini sa giingon sa mga anghel nga nag-ingon, nga siya nabanhaw. Si Maria Magdalena nagpadayon pagpahayag nga siya nakakita kaniya. Ang balita miabot ingon nga nakugang ang tinun-an ni Hesus, nga ang usa ka patay nabuhi, apan wala pa makaduol kanila, ang mga grupo sa matinuohon. Apan sila katulgon sa dihang gidakop ang Ginoo; Si Pedro milimod kaniya, ug walay usa kanila nga mibarog sa Ginoo sa iyang mga husay sa hukmanan, ni walay usa kanila nga mitindog sa krus, gawas kang Juan ug ang mga babaye, ni wala sila motabang sa pagkuha kaniya sa krus aron dihogan siya. Sila nangahadlok sa mga Judio, sa paghunahuna nga ang paglutos magsugod samtang mahuman ang kapistahan. Sa maong mga rason, sila nagtrangka sa mga pultahan ug nagtigom nga nawad-ag paglaom sa sulod sa kuwarto.

Ilang nabati ang mga taho sa mga babaye kini mga damgo sa tapolan ug nagsultihanay ang matag-usa, “Kita misunod kang Hesus, ug nagdahom kaniya sa kadaogan, ug maghimo kanato nga iyang mga ministro. Dinhi kita mga palpak, sila maggukod kanato aron pagguba.”

Taliwala sa ka walay paglaom, ug bisan pa sa kakulang sa ilang pagtuo ug kapait, Si Hesus mibarog sa taliwala nila. Siya wala moanha tungod sa ilang paglaom, ug gugma, apan aron makaluoy sa nahisalaag ug magpakita sa grasya niadtong walay pagtuo.

Ang hilom nga pagbutho ni Hesus sa ilang taliwala kini usa ka milagro. Ang usa ka patay nagpakita nga buhi, Walay lubnganan nga bato o ganghaan nga puthaw nga makapugong sa iyang presensiya diha sa iyang mga pinili. Dinhi siya nakig-uban kanila sa lawak nga adunay lawas sama sa ubang mga tawo, nakita , nadungog ug nahikap. Sa maong panahon, siya usa ka espiritu, makahimo sa pagsulod pinaagi sa mga bongbong ug mga pultahan. Ang iyang bag-ong pagbutho nagpakita kanato kong maunsa kita sa umaabot, kon kita magpabilin diha kaniya. Ang iyang pagkabanhaw sa lawas maoy atong paglaom.

Unsa nga paghupay! Siya nabanhaw gikan sa patay wala magsaway sa iyang mga disipulo sa ilang mga kakulangon, apan nanimbaya kanila uban sa panimbaya sa Pasko sa Pagkabanhaw, misulti sa unang mga pulong nga nag-ingon sa tibuok panon human sa pagkabanhaw, “Mainyo ang kalinaw!” Kining panimbaya nagkahulogan nga pinaagi sa iyang krus, siya nagpasig-uli sa kalibotan ngadto sa Dios. Ang kalinaw magsugod pagkuyanap gikan sa langit paingon sa yuta, ug ang bag-ong kapanahonan magsugod, gihalad ni Kristo kanato aron dawaton o isalikway siya. Ang tawo maoy responsible sa iyang kaluwasan. Ang matag-usa kinsa maghinulsol ug motuo ni Hesus makaambit sa iyang mga panalangin. Siya nga moapil sa mga ranggo sa Prinsipe sa Kalinaw nahimong gimatarong pinaagi sa pinasahi nga sakripisyo, ingon nga si Pablo nagpahimutang niini, “Tungod kita gimatarong pinaagi sa pagtuo, duna kitay kalinaw uban sa Dios pinaagi sa atong Ginoong Hesu-Kristo.”

PAG-AMPO: Ginoong Hesu-Kristo, ang nabanhaw gikan sa patay, Prinsipe sa Kalinaw, miyukbo kami sa imong atubangan uban sa kalipay ug pagpasalamat, kay wala ikaw moanhi aron sa pagsilot,apan mianhi ka aron sa pagbubo sa imong grasya ug moluwas kanamo gikan sa kawalay paglaom ug dili pagkamatinuhuon, hatagi kami sa imong kalinaw ug sa pagtukod kanamo sa pagpasig-uli sa Dios. Ang among kaluwasan dili bayad sa among mga pagpaningkamot, apan gasa sa grasya. Tudloi ang among higala ug mga kaaway nga makamatngon sa imong maluluy-on nga katuyoan; aron sila modawat kanimo, nga kini dili magpursige ingon nga kaaway sa Balaan nga Dios.

PANGUTANA:

  1. Unsay kahulogan sa unang pulong ngan gilitok ni Hesus sa iyang mga disipulo human sa pagkabanhaw?

www.Waters-of-Life.net

Page last modified on April 30, 2013, at 11:03 AM | powered by PmWiki (pmwiki-2.3.3)