Mobile device - Print - Bottom

Previous Lesson

8. Doksologjia e Palit, si pjesë përmbyllëse e letrës së tij (Romakëve 16:25-27)

---

ROMAKËVE 16:25-27
25 Tani atij që është në gjendje t'ju forcojë sipas ungjillit tim dhe predikimit të Jezu Krishtit, sipas zbulesës së misterit të mbajtur të fshehtë që nga fillimi i botës 26 por tani është shfaqur dhe me anë të Shkrimeve profetike është bërë e njohur të gjitha kombeve, sipas urdhrit të Perëndisë së përjetshëm, për t'iu bindur besimit—27 Perëndisë, të vetmit të ditshëm, i qoftë lavdi nëpërmjet Jezu Krishtit përjetë. Amen.

Pali e mbylli solemnisht letrën e tij drejtuar kishës në Romë duke adhuruar Perëndinë, Atin e Zotit tonë Jezu Krisht, duke e konsideruar atë si burimin e të gjitha fuqive ndërtuese dhe të vetmin që është në gjendje të japë fuqinë e përjetshme, e cila themelon kishat dhe i ruan ato në Frymën e fuqisë së tij.

Pali e mbylli këtë letër me rrëfimin e tij në fillim (Romakëve 1:16). T’u japësh jetën atyre që kanë vdekur në mëkate realizohet në ungjillin e Palit. Nuk janë vetëm katër ungjij, përkatësisht: Mateu, Marku, Luka dhe Gjoni; por çdo lajm i mirë dhe shpallje e shpëtimit të Jezusit në predikimin e Palit është ungjill i vërtetë. Apostulli i johebrenjve pranoi se shfaqja e Zotit Jezus tek ai pranë Damaskut, duke parë të Kryqëzuarin e gjallë dhe duke pranuar se ai ishte Krishti i vërtetë, i premtuar, ishin motivi kryesor për të shkruar letrat e tij. Në ungjillin e tij, Pali zbulon për të gjithë ata që duan të dëgjojnë misterin, i cili deri në atë kohë mbahej i fshehtë, por që është zbuluar tani dhe është bërë i njohur nga shkrimet e profetëve në Dhjatën e Vjetër, siç është caktuar nga Perëndia i shenjtë i përjetshëm.

Përmbajtja e këtij misteri është se Perëndia dëshiron që popujt e papastër dhe kombet e pathirrura të mësojnë bindjen e besimit, sipas Dhjatës së Re. Kështu Zoti u ofron faljen e mëkateve të gjithë njerëzve si një hir falas, për hir të sakrificës shlyese të Jezusit. Prandaj, kushdo që e dëgjon këtë thirrje dhe pranon dhuratën e Perëndisë, shpëtohet. Megjithatë, ai që nuk bindet dënon veten.

Pali adhuroi Perëndinë, i cili është i vetmi i ditshëm. Ai dëshmoi me mirënjohje dhe përulësi se Zoti ka gjithë lavdinë dhe nderin dhe ky adhurim njerëzor u bë i mundur falë veprës, vdekjes, ringjalljes së Jezusit që mbretëron me Atin e tij në bashkimin e Frymës së Shenjtë përgjithmonë. Fjala e fundit “Amen”, me të cilën Pali e mbylli këtë letër drejtuar Romakëve, tregon se kjo është e vërteta e sigurtë, e cila me siguri do të realizohet.

LUTJE: Të falënderojmë Atë, në Birin tënd Jezus, sepse zgjodhe Palin dhe e thirre që të sjellë shpengimin tënd në kishat midis johebrenjve, gjithashtu të vuajë dhe të vdesë për shërbimin e tij. Na ndihmo të mos jemi egoistë në shpirt, por t'u sjellim shpëtimin e plotë të gjithë atyre që dëshirojnë të vërtetën, nën drejtimin e Frymës tënde të Shenjtë. Amen.

PYETJA:

100. Cili është misteri që Perëndia ia zbuloi Palit, apostullit të johebrenjve?

PYETËSOR - 4

I dashur lexues,
Pasi të kesh lexuar komentet tona mbi Letrën e Palit drejtuar Romakëve në këtë libërth, do të jesh në gjendje t’u përgjigjesh pyetjeve të mëposhtme. Nëse u përgjigjesh 90% të pyetjeve këtu poshtë, do të të dërgojmë pjesën tjetër të serisë për rritjen tënde. Të lutemi, mos harro të shkruash qartë emrin tënd të plotë dhe adresën e saktë në fletën e përgjigjeve.

81. A i je përkushtuar tërësisht Jezusit, Shpëtimtarit tënd, apo je ende egoist dhe jeton për veten tënde?
82. Cilat janë hapat e jetës së shenjtë te ndjekësit e Jezusit?
83. Cilin nga shërbimet e sipërpërmendura e konsideroni si më thelbësorin sot?
84. Cilin kuptim të dashurisë së Perëndisë e konsideroni si më të rëndësishmin dhe më të nevojshmin në bashkësinë tuaj?
85. Si t’i falim armiqtë tanë dhe si t’ia dalim pa urrejtjen dhe hakmarrjen tonë?
86. Cilët janë kufijtë e autoritetit të çdo qeverie; dhe pse duhet t’i bindemi Perëndisë dhe jo njerëzve?
87. Si e shpjegoi Pali praktikisht urdhërimin: ”Duaje të afërmin tënd si vetveten?”
88. Cilat janë virtytet tek të cilat na çon njohja e ardhjes së afërt të Krishtit?
89. Çfarë duhet të mendojmë apo themi, nëse ndonjë ndjekës i Krishtit ka një mendim të ndryshëm për disa tema dytësore të jetës?
90. Cili është kuptimi i vargut : “Mbretëria e Perëndisë nuk është ngrënia dhe pirja, por drejtësia, paqja dhe gëzimi në Frymën e Shenjtë”?
91. Cili është kuptimi i vargjeve 5 dhe 6 të kapitullit 15 të Letrës drejtuar Romakëve?
92. Si e priste Pali të kapërcente dallimet thelbësore në kishën e Romës?
93. Çfarë bëri Pali në letrën e tij, të cilën ai e konsideroi si të pjesshme?
94. Cili është sekreti në shërbesat e apostullit Pal?
95. Pse Pali, para udhëtimit të tij në Spanjë, donte të shkonte në Jeruzalem, pavarësisht se i njihte problemet dhe rreziqet e shumta që e prisnin atje?
96. Çfarë mësojmë nga emrat e anëtarëve të kishës në Romë?
97. Çfarë mësojmë nga emrat e shenjtorëve të përmendur në listë?
98. Cili është fokusi i tundimeve të djallit?
99. Cili është personi të cilit Pali i diktoi Letrën drejtuar Romakëve?
100. Cili është misteri që Perëndia ia zbuloi Palit, apostullit të johebrenjve?

Nëse kompleton studimin e të gjithë libërthave të serisë mbi Romakët dhe na dërgon përgjigjet e tua në fund të çdo libri, do të të dërgojmë një

Çertifikatë të Studimeve të Përparuara
në kuptimin e Letrës së Palit drejtuar Romakëve

si inkurajim për shërbesat tuaja të ardhshme në Krishtin. Të inkurajojmë të përfundosh me ne hetimin e Letrës së Palit drejtuar Romakëve që të marrësh një thesar të përjetshëm. Presim përgjigjet e tua dhe lutemi për ty. Adresa jonë është:

Waters of Life
P.O.Box 600 513
70305 Stuttgart
Germany

Internet: www.waters-of-life.net
Internet: www.waters-of-life.org
e-mail: info@waters-of-life.net

Mobile device - Print - Top