Mobile device - Print - Bottom

Previous Lesson -- Next Lesson

2. E vërteta e Krishtit garanton miqësinë tonë me Perëndinë, pavarësisht nga të gjitha problemet (Romakëve 8:31-39)

---

ROMAKËVE 8:38-39
38 Sepse jam i bindur se as vdekja, as jeta, as engjëjt, as principatat, as fuqitë, as gjërat e tanishme, as gjërat që do të vijnë, 39 as lartësia, as thellësia, as ndonjë tjetër krijesë, nuk do të mund të na ndajë nga dashuria e Perëndisë që është në Krishtin Jezus, Zotin tonë.

Pali ishte i sigurtë se asnjë gjë tokësore apo frymë e botës tjetër nuk mund ta ndante atë nga dashuria e Perëndisë e shfaqur në Krishtin Jezus. Me këtë deklaratë madhështore, përmbyllëse, ai mbylli pjesën doktrinore të Letrës së tij drejtuar Romakëve. Siguria e tij nuk ishte thjesht të menduarit apo analizimi, por një përvojë e thellë e shumë vuajtjeve dhe përpjekjeve të bazuara në dëshminë e Frymës së Shenjtë në zemrën e tij. Pali nuk thotë: "Po t’i pëlqejë Perëndisë, ai do të jetë me mua", por ai rrëfen se njohja e dashurisë së Perëndisë në Krishtin e konfirmoi atë në rrëfimin se ajo nuk do të dështonte kurrë. Besnikëria e Perëndisë është nuk lë vend për dyshim.

Pali nuk foli për dashurinë njerëzore, as nuk foli për të mëshirshmin, apo Perëndinë e dashur në përgjithësi, por e pa Atin nëpërmjet Birit. Ai nuk dinte asnjë rrugë tjetër për te Perëndia, përveçse nëpërmjet Krishtit. Që nga mishërimi i Birit të Perëndisë, ne e dimë se kush është Më i Larti, Ati ynë. Dashuria e tij atërore nuk është dhembshuri njerëzore, sepse i Shenjti sakrifikoi Birin e tij për të papastërtit, që ne të mos dyshojmë në mëshirën e tij, por të jemi të sigurtë se ai na fton në besëlidhjen e tij dhe në birësim për shkak të gjakderdhjes së Birit të tij. Për shkak të kryqit, Pali ishte i sigurtë se dashuria e Perëndisë nuk do të shuhej kurrë.

Megjithatë, djalli është një e vërtetë dhe kushdo që mohon ekzistencën e tij nuk është i vetëdijshëm për gjendjen e gjithësisë. Pali pa disa fuqi shpirtërore të përgatitura për të shkatërruar këtë botë dhe tjetrën. Ai jo vetëm që u përball me shpirtin e vdekjes disa herë, por gjithashtu u përlesh me engjëjt e errësirës dhe luftoi me lutjet e tij kundër çmendurisë së ferrit saqë tha: "Nëse ferri dhe parajsa së bashku do të më sulmonin, dashuria e Perëndisë në Krishtin nuk do të më braktiste. Fuqitë kundërshtare nuk mundën të më mposhtnin, sepse gjaku i përjetshëm i Krishtit më ka shenjtëruar.”

Pali kishte dhuntinë e profecisë. Ai pa se si shkatërruesi, gënjeshtari dhe vrasësi sulmoi kishën, por nuk mundi ta mposhtte atë, sepse ajo është në Krishtin dhe nuk mund ta rrëmbejë nga dora e tij.

Edhe Ligji i shenjtë nuk mund të lëkundë, nëpërmjet ankesave, besimin e apostujve, sepse ata vdiqën me Krishtin në kryq, dhe ai jeton në ta dhe i ruan. Besimtari do të ruhet në ditën e gjykimit të fundit, sepse Krishti është ende Fitimtari besnik.

Prandaj, ne të themi, o vëlla i dashur: "Vendose shpirtin tënd, trupin dhe frymën tënde plotësisht në dashurinë e Perëndisë dhe mbahu fort tek Trinia e vetme që emri yt të shkruhet në librin e jetës dhe të mund të vazhdosh në birësimin e Perëndisë përgjithmonë.

Tani vini re këtu, Pali nuk e shkroi himnin e lavdërimit për dashurinë besnike të Perëndisë vetëm në vetën e parë njëjës "Unë", por i mbylli fjalët e tij në vetën e parë shumës "ne", duke mbuluar me sigurinë e tij të plotë të gjithë besimtarët në Romë dhe në kishat e pellgut të Detit Mesdhe. Dëshmia e besimit të tij do të na mbulojë edhe neve, nëse pranojmë ‘larjen e trurit’ në kapitullin e mëparshëm. Atëherë, nuk i ngulim sytë tek ajo që duket e fuqishme dhe e madhe në këtë botë, por mbahemi fort pas dashurisë së Perëndisë të shfaqur në Krishtin Jezus.

Fjala e fundit "Zoti ynë" shfaqet si fundi i këtij himni. Nga ana tjetër, na vërteton se ai që triumfoi në Golgotë është Zoti i zotërve, në fuqinë e të cilit gjejmë garancinë e mbrojtjes sonë. Ai e shtrin dorën mbi ne dhe nuk na lë, sepse na do.

LUTJE: O Jezus, fjalët e mia nuk arrijnë të shprehin mirënjohjen time. Më shpëtove dhe më bëre tëndin. Më mbush me dashurinë tënde që jeta ime të bëhet një mesazh lavdërimi për fuqinë tënde dhe që të të lavdëroj me sigurinë e plotë të besimit, duke besuar se asgjë nuk do të më ndajë nga ti, sepse ti je besnik. Ndërsa ulesh në të djathtën e Atit, ai është në ty dhe ti në të, kështu më vendos mua në drejtësinë e tij që asgjë të mos më ndajë nga Ati, Biri dhe Fryma e Shenjtë. Amen.

PYETJA:

52. Pse Pali e filloi fjalinë e tij të fundit me "unë" dhe e mbylli me "ne"?

PYETËSOR - 2

I dashur lexues,
Pasi të kesh lexuar komentet tona mbi Letrën e Palit drejtuar Romakëve në këtë libërth, do të jesh në gjendje t’u përgjigjesh pyetjeve të mëposhtme. Nëse u përgjigjesh 90% të pyetjeve këtu poshtë, do të të dërgojmë pjesën tjetër të serisë për rritjen tënde. Të lutemi, mos harro të shkruash qartë emrin tënd të plotë dhe adresën e saktë në fletën e përgjigjeve.

27. Cilat janë idetë kryesore në justifikimin tonë nëpërmjet besimit?
28. Cili është kuptimi i termit: “për të treguar drejtësinë e Perëndisë” ?
29. Pse shfajësohemi vetëm nga besimi dhe jo nga veprat tona të mira?
30. Si u shfajësuan Abrahami dhe Davidi?
31. Pse njeriu nuk shfajësohet nga rrethprerja, por vetëm nga besimi?
32. Pse e marrim bekimin e Perëndisë nëpërmjet besimit tonë dhe jo nëpërmjet zbatimit të ligjit?
33. Çfarë mësojmë nga beteja e besimit të Abrahamit?
34. Si realizohet paqja e Perëndisë në jetën tonë?
35. Si u shfaq dashuria e Perëndisë?
36. Çfarë dëshiron të na tregojë Pali nëpërmjet krahasimit të tij midis Adamit dhe Jezusit?
37. Cili është kuptimi i pagëzimit?
38. Si u kryqëzuam me Krishtin dhe u ringjallëm me jetën e tij?
39. Si e sjellim veten dhe gjymtyrët e trupit tonë si armë drejtësie të Perëndisë?
40. Cili është ndryshimi midis skllavërisë ndaj mëkatit dhe vdekjes, dhe dashurisë së Krishtit?
41. Pse të gjithë besimtarët çlirohen nga kërkesat e besëlidhjes së vjetër?
42. Si mund të jetë ligji, i cili është i mirë për ne, shkak për tëkeqen dhe vdekjen?
43. Çfarë rrëfeu Pali për veten e tij dhe çfarë do të thotë ky rrëfim për ne?
44. Cili është kuptimi i fjalisë së parë ne kapitullin 8?
45. Cilat ishin dy ligjet, të cilat apostulli i krahasoi me njëri-tjetrin dhe cilat janë kuptimet e tyre?
46. Cili është interesi i njeriut shpirtëror? Cila është trashëgimia e atyre që janë mishëror?
47. Çfarë u jep Fryma e Shenjtë atyre që besojnë në Krishtin?
48. Cili është emri i Perëndisë, të cilin Fryma e Shenjtë na mëson? Cili është kuptimi i tij?
49. Kush janë ata që vuajnë për ardhjen e Krishtit? Pse?
50. Pse të gjitha gjërat bashkëveprojnë për të mirën e atyre që e duan Perëndinë?
51. Si i kapërcejnë të krishterët vështirësitë?
52. Pse Pali e filloi fjalinë e tij të fundit me “unë” dhe e mbylli atë me “ne”?

Nëse kompleton studimin e të gjithë libërthave të serisë mbi Romakët dhe na dërgon përgjigjet e tua në fund të çdo libri, do të të dërgojmë një

Çertifikatë të Studimeve të Përparuara
në kuptimin e Letrës së Palit drejtuar Romakëve

si inkurajim për shërbesat tuaja të ardhshme në Krishtin.

Të inkurajojmë të përfundosh me ne hetimin e Letrës së Palit drejtuar Romakëve që të marrësh një thesar të përjetshëm. Presim përgjigjet e tua dhe lutemi për ty. Adresa jonë është:

Waters of Life
P.O.Box 600 513
70305 Stuttgart
Germany

Internet: www.waters-of-life.net
Internet: www.waters-of-life.org
e-mail: info@waters-of-life.net

Mobile device - Print - Top