Previous Genesis 12 -- Next Genesis 14
13 -- Unsa ang Sulod sa imong kasingkasing?
GENESIS 4:1-7
1 Ug si Adan nakighilawas kang Eva ang iyang asawa, busa siya nagmabdos ug nanganak kang Cain, ug miingon, “Nakabaton akog anak tungod sa panabang sa GINOO.” 2 Ug usab, gipanganak niya ang iyang igsoong lalaki nga si Abel. Ug si Abel usa ka magbalantay sa karnero, ug si Cain usa ka mag-uuma . 3 Ug human sa mga adlaw kini nahitabo nga si Cain naghalad gikan sa mga bunga sa yuta usa ka sakripisyo sa GINOO, 4 ug si Abel usab naghalad gikan sa kamagulangan sa iyang karnero ug ang ilang tambok. Karon ang GINOO nahimuot kang Abel ug sa iyang sak-ripisyo, 5 apan wala njya dawata si Cain ug ang iyang halad. Busa nasuko si Cain ug nagmug-ot ang iyang nawong. 6 Unya ang GINOO miingon kang Cain, “Nganong nasuko, ug nagmug-ot ka man? 7 Kon maayo pa ang imong gibuhat, dili ba adunay pagbayaw? Apan kay daotan man ang imong gibuhat, ang sala nag-atang sa pultahan, ug ang pangandoy niini moabot kanimo, ug ikaw magamando sa ibabaw niini.”
Nakadawat ang mga bata sa ilang natural nga mga pagbati gikan sa ilang mga ginikanan, busa ang ilang batasan kanunay nagpadayag sa kabilin, nga gipasa kanila. Ang unang butang nga nahimong dayag mao ang pagsuway ug kahakog, rebelyon ug pagpatay. Apan gikan sa laing bahin dayag usab ang pagtuo ug pagsimba sa Dios, tungod kay ang iyang dagway dili hingpit nga nawala sa mga tawo.
Nagtrabaho si Cain nga adunay kasigurohan ug paghago, aron mangita ug bahandi nga nagsalig sa iyang kaugalingong kusog. Iyang gidamgo ang usa ka komportable nga kinabuhi sa siyudad sa iyang imahinasyon (tan-awa Genesis 4:17). Nagsumite siya sa Dios, apan walay kahimuot, ug siya wala maghalad Kaniya sa usa ka sakripisyo gikan sa tibuok niyang kasingkasing, apan naghinulsol siya sa taphaw ug wala itugyan sa hingpit ang iyang kaugalingon sa Dios. Mao nga nagsalig siya sa iyang mga kabtangan ug kaugalingon, nga giisip nga kusgan ug bantugan ang iyang kaugalaingon.
Hinuon, si Abel mahuyang gikan sa sinugdanan, ingon nga gipakita sa gipasabut sa iyang ngalan: “maluya nga ginhawa”. Ang mga marka sa kamatayon makita kaniya. Ug kini ang nagtukmod kaniya sa Dios. Mao nga siya nag-ampo pag-ayo, nagtuo sa tabang sa Usa nga Gamhanan taliwala sa iyang paghago ingon nga usa ka magbalantay. Ug uban sa usa ka kasingkasing nga puno sa pagpasalamat siya naghalad unsa ang bililhon kaniya, nagtugyan sa iyang kaugalingon ingon nga usa ka buhi nga sakripisyo sa Dios. Pabor nga gidawat sa Dios ang pagsakripisyo sa usa ka hingpit nga kinabuhi, dili tungod kay kini nga tawo maayo, apan tungod kay gibutang niya ang iyang kaugalingon sa pagbuot sa Dios, nga walay pagdili.
Mao nga gidumtan ni Cain ang iyang igsoon nga si Abel, tungod kay siya labi ka suod sa Dios. Gibati niya ang kasina tungod sa iyang pagkaulipon sa sala ug ang kagawasan sa Espiritu sa Dios sa iyang igsoon. Apan ang Dios wala lamang maghisgut sa usa nga maampoon, apan naghisgot usab siya nga diretso sa usa nga nagdumot, aron ipakita kaniya ang dalan sa kinabuhi. Sa ingon ang kaluoy sa Dios abli sa tanang mga tawo, ug ang Iyang pulong naggiya kanimo bisan kung nahulog ka sa labing ngil-ad nga sala.
Ang usa ka debotado nga tawo nagahingpit sa iyang kaluwsan nga may kahadlok ug pagkurog, ug uban pang pangandoy alang sa katubsanan sa Dios ug ang katumanan niini sa pagtuo ug pagpasalamat. Apan ang tawo nga nagsalig sa iyang kaugali- ngon nahimong usa ka biktima sa sala nga naghulat sa pagpaulipon kaniya sa labi pa. Kay siya nga nagpuyo nga walay Dios nahimong usa ka ulipon sa sala. Ug sa dihang ang usa ka tawo naghunahuna nga siya kusgan ug bantugan, nagpataas sa iyang kaugalingon, siya nahimong usa ka hinigtan nga binilanggo sa espiritu ni Satanas.
PAGSAG-ULO: Kung buhaton mo unsa ang maayo, dili ba adunay pagpataas? Ug kung dili ka magbuhat sa maayo, nan ang sala naghulat sa pultahan ug ang pangandoy moabot kanimo, ug ikaw ang magmando niini. (Genesis 4:7)
PAG-AMPO: O Amahan, pasayloa kami sa among pagsalig sa among kaugalingong mga pagpaningkamot ug tudloi kami sa pagtan-aw kanimo, pagtukod sa among kinabuhi sa pagpasig-uli sa imong Anak. Panalipdi kami gikan pagmando sa sala aron kini dili mag-ulipon kanamo. Tukura kami sa kagawasan sa imong mga anak kauban ang tanan nga gitawag sa Myanmar, Thailand, Laos, Cambodia, Vietnam, Malaysia, Indonesia ug sa Pilipinas.