Previous Genesis 11 -- Next Genesis 13
12 -- Unsa man ang atong reyalidad ngadto sa sala?
GENESIS 3:20-24
20 Ug ginganlan ni Adan ang iyang asawa ug Eva kay siya man ang inahan sa tanang mga tawo. 21 Ug nagbuhat ang GINOONG Dios alang kang Adan ug sa iyang asawa ug mga sapot sa panit sa mga mananap ug gibistihan niya sila. 22 Ug miingon ang GINOONG Dios, “Tan-awa, ang tawo nahisama na kanato ug nahibalo na siya unsay maayo ug unsay daotan. Ug karon, kinahanglan dili siya tugotan pagkaon sa bunga sa kahoy nga naghatag ug kinabuhi aron dili siya magpabilin buhi hangtod sa kahangturan -- ” 23 Busa gihinglan sa GINOONG Dios ang tawo gikan sa tanaman sa Eden ug gipaugmad sa yuta nga iyang gigikanan. 24 Gipapahawa sa Dios ang tawo. Ug sa silangan sa Tanaman sa Eden iyang gibutang ang kerubin ug usa ka espada nga nagdilaab ug nagtuyoktuyok aron walay makaduol sa kahoy nga naghatag ug kinabuhi.
And usa ka malipayong singgit sa kadaugan mitunga gikan sa tutunlan ni Adan, sa dihang ang iyang asawa nanganak sa usa ka anak nga lalalki, bisan sa iyang pagrebelde ug sa silot sa Dios alang kaniya. Mao nga, ang kamatayon wala makaabot sa kina-buhi sa unang pamilya. Hinoon, gitugotan sa Dios ang mga tawo nga moapil sa iyang gahum sa paglalang pinaagi sa pangamahan ug kagikanan. Ang matag pagpanganak usa ka milagro, ug ang adlaw-adlaw nga mga inahan nagdalag bag-ong kinabuhi sa kalibutan sa kamatayon. Ang matag babaye nagdala sa ngalan nga Eva tungod ang ngalan nga “Eva” nagpasabut sa “kinabuhi” nga iyang gipanganak sa pagpanganak.
Sa Iyang kaluoy wala patya sa Dios ang mga makasasala, apan gitabangan sila sa pag-atubang sa ilang mga kahimtang ug kana nakapukaw sa kaulawan, kabugnaw, pagkasad-an ug kamata-yon nga naglibot kanila. Ug gitugotan sa GINOONG Dios ang pag-ihaw sa mga hayop aron sa pagtabon sa ilang mga sala pinaagi sa ilang dugo ug aron mabistihan sila sa ilang mga balahibo. Ingon niana ang pag-atiman sa Dios kanato bisan karon kauban ang iyang amahanong gugma. Siya naghatag kanato sa pagkaon ug sinina ug kahimsog, bisan nagtrabaho kita uban ang kusog nga gihatag kanato ug bisan pa sa pagtukod sa atong mga kinabuhi uban ang kinaadman nga gihatag kanato. Nan kanus-a man nimo siya gipasalamatan alang sa tanan nga pag-atiman?
Karon tungod sa sala sa katawhan usa ka mahinungdanon nga pagbag-o ang nahimo sa taliwala nila ug ang Dios. Nahimo sila nga espirituwal nga nahimulag gikan sa himaya sa Ginoo ug nawala kanila ang ilang imahe sa ilang garbo. Kini ang gipanghimatuod ngadto kanila pinaagi sa pagpalayo kanila gikan sa Iyang pagkaduol. Wala kitay labi pang kasub-anan kay sa pagpuyo nga halayo sa Dios, kulang sa Iyang himaya ug kinabuhi ug gahum. Ug gipapahawa sa Dios ang tawo gikan sa Iyang pakig-ambitay tungod kay siya, nga nakasala, nahimo nga dili limpyo ug dili angay sa pakig-ambitay sa Dios. Ang usa ka tawo dili makabalik sa Dios gikan sa iyang kaugalingong kusog, tungod kay ang iyang sala nagpalain kaniya gikan sa iyang magbubuhat ingon sa taas nga bukid, nga dili niya makatkat. Ug ang anghel sa Dios nagbantay sa agianan ngadto sa magbubuhat nga adunay usa ka nagdilaab nga espada, aron walay bisan unsang hugaw nga makapaduol Kaniya.
Bisan pa, Wala niya gibabagan ang agianan ngadto sa tinuod nga Usa ka Balaan, nga moduaw kanatong mga makasasala gikan sa Dios, aron luwason kita sa atong rebelyosong estado. Siya ra ang usa nga makaadto kanato. Walay kaluwasan ug walay kinabuhing dayon ug walay gahum sa pagluwas gawas kang Jesu-Kristo. Siya ra ang nagdala kanato sa pakig-uban sa Iyang Amahan. Kanus-a nimo Siya gisimba?
PAGSAG-ULO: Busa ang GINOONG Dios nagpagula kaniya gikan sa Tanaman sa Eden aron sa pagtrabaho sa yuta diin gikan siya gikuha. Bisa gipapahawa niya ang tawo. Ug sa Sidlakan sa Tanaman sa Eden gibutang niya ang mga querubin ug ang ang nagtuyoktuyok nga espada nga nagsiga aron mabantayan ang dalan sa kahoy sa kinabuhi. (Genesis 3:23-24)
PAG-AMPO: O Amahan nga Balaan, gibug-atan kami sa liboan ka mga sala ug angayan kaming mabuhi nga halayo kanimo gikan sa masakit nga pag- antos. Gidayeg ka namo, tungod sa imong pagpadala sa imong talagsaong Anak nganhi kanamo, nga nagpasaylo sa among mga sala ug nagdala kanmo balik diha kanimo. Balaana kami aron magkinabuhi uban kanimo kauban ang tanang nga gibalaan sa Iran, Afghanistan, Pakistan, Nepal, Bhutan, India, Sri Lanka ug Bangladesh.