Previous Genesis 01 -- Next Genesis 03
02 -- Kinsa ikaw?
GENESIS 1:26-31
26 Ug ang Dios miingon, “Buhaton nato ang tawo, sama sa atong dagway. Ug sila maoy magbuot sa mga isda sa dagat ug mga langgam sa kalangitan ug sa mga kahayopan ug sa tanang ihalas nga mananap nga nagkamang sa kalibutan.” 27 Busa gibuhat sa Dios ang tawo, sa iyang dagway, sa dagway sa Dios siya gibuhat niya; lalaki ug babaye siya nagbuhat kanila. 28 Ug gipanalanginan sila sa Dios ug nag-ingon kanila, “Panganak kamog daghan ug lukpa ang kalibutan sa inyong mga liwat ug dumalaha ang kalibutan, ug kamoy magbuot sa isda sa dagat ug ang mga langgam sa kalangitan ug matag mananap nga naglihok sa kalibutan.” 29 Ang Dios miingon, “Tan-awa, gihatag Ko ang tanang matang sa tanom nga may binhi ug ang matag bunga sa kahoy aron inyong kan-on. 30 Ug ang matag kahayupan sa kalibutan ug matag langgam sa kalangitan ug ang tanan nga nagkamang sa kalibutan, nga adunay gininhawa sa kinabuhi, Ako naghatag sa matag lunhaw nga sagbot alang sa pagkaon.” Ug nahimo kini.
Ang Dios nag-ingon sa iyang Anak diha sa panaghiusa sa Balaang Espiritu, “Buhaton nato ang tawo sama sa atong imahe, sama sa atong dagway.” Kini nga ekspresyon nagpadayag kanato nga ang Dios wala magsulti bahin sa iyang kaugalingon ingong nga “Ako”, apan ingon nga “Kita”. Gitudlo kini kanato sa panaghiusa sa Balaang Trinidad sa Iyang gugma. Walay laing katarungan alang sa paglalang sa tawo gawas sa gugma sa Dios.
Sa wala pa gihimo ang tawo, ang Usa nga Walay Katapusan nagpiho alang kaniya sa iyang trabaho nga siya ang magbuot sa mga hayop, nagmando kanila ug naggiya kanila.
Ang ubang mga tawo, bisan pa, dili ilalom sa pagmando sa tawo, tungod kay ang matag tawo libre ug managsama sa uban sa ilang mga katungod. Apan ang mga langgam, ang isda ug ang ubang mga hayop anaa sa mga kamot sa tawo, sa paghan-ay, sa pagdumala ug paggamit kanila, dili sa pagdagmal ug sa pag-ihaw kanila. Alang sa pag-alima sa tawo sa sinugdanan gilangkuban sa mga tanom ug mga binhi. Kini tungod kay ang lintunganay sa tawo mao ang gugma dili kusog. Usa ka kinatibuk-ang kalinaw ang naghari taliwala sa mga binuhat sa Dios, baylo sa usa ka pakigbisog aron mabuhi.
Ingon niana nahuman sa Dios ang mga buhat sa pagbuhat ug giporma ang tawo ug gihimo siyang purongpurong sa tanang niyang mga binuhat. Ang tawo dili usa ka anak sa Dios, nga natawo sa Iyang Espiritu, apan siya gibuhat gikan sa abug sa yuta, gihimo pinaagi sa Iyang pulong. Bisan pa, siya naghatag kaniya sa usa ka kalainan pinaagi sa paglalang kaniya sa mahimayaon, mahigugmaon, ug putli nga dagway sa Dios. Ingon ana kung si Adan mitan-aw sa usa ka salamin makita niya ang pagkahalangdon sa Dios ug sa Iyang kamatuoran.
Ug ang Dios nagsugo sa tawo nga magmabungahon, aron mosanay ug sa pagpuno sa kalibutan—dili labaw pa niana. Kung ang tawo magpabilin nga malig-on sa gugma sa Iyang Magbubuhat, malagpasan unta niya ang iyang mga kailibgon, ug iyang mabuntog ang espiritu sa kagutom nga nagtabon kanato sa atong edad. Nagpuyo kita sa usa ka panahon diin nagdumala ang kahakog dugang sa pagkataphaw ug pagkawalay alamag, gihulga sa katalagman sa pagdako sa populasyon, nagdala niini sa pagkawalay paglaum ug kagubot.
Ang Dios nagsugo sa tawo aron sakupon ang yuta, uban niining tanang mga bahandi sa mga oro, mga lana ug sa mga atomo, aron makuha gikan kanila ang mga katigayonan, diin gihatag kaniya ang kabilin alang sa kaayohan sa tanan. Tungod niini gihimaya nato ang atong Ginoo, sa dihang atong madiskobrehan and mga sekreto o pag-imbento sa mga modernong mga makina, ug ang Iyang gugma nagpahimutang sa mga lagda sa ekonomiya. Hinumdumi kanunay nga gitudlo kita sa Dios aron mahimong mga sinaligan ug dili mga ginoo. Ug wala kita sa unsang paagi aron maipakita ang Iyang imahe nga atoa aron mahimo kitang mga diyos o sama sa diyos.
Ikaw ba ka nahimong imahe sa Dios ug nahimong Iyang sulugoon sa imong kasilinganan?
PAGSAG-ULO: Ang Dios nagbuhat sa tawo sa iyang imahe, sa dagway sa Dios Siya nagbuhat kaniya. (Genesis 1:27)
PAG-AMPO: Langitnong Amahan, ikaw nagbuhat kanamo pinaagi sa imong pulong aron himayaon ka. Apan kami nagkinabuhi alang sa among kaugalingon ug nahimong mga makasasala. Pasayloa kami sa among mga kasal-anan ug bag-oha kami pinaagi sa gugma sa Balaang Espiritu, aron ang among mga kauban makakita sa Imong imahe kanamo, sama kini sa natawo pag-usab nga mga magtutuo sa Libya, Tunisia, Algeria, Morocco ug ang dako nga Deserto sa Sahara.