Previous Genesis 02 -- Next Genesis 04
03 -- Ikaw ba usa ka buhi nga kalag?
GENESIS 2:4-7
4 Ingon niini ang pagbuhat sa kalibotan ug tanan nga anaa sa langit. Sa pagbuhat sa Ginoong Dios sa kalibotan ug ang tanang butang sa kalangitan. 5 Wala pay mga tanom nga mitubo ug mga binhi nga miturok sa yuta. Kay ang Ginoong Dios wala magpaulan sa yuta. Ug wala pay tawo nga makauma sa yuta. 6 Apan bisag walay ulan, diha nay tubig nga mitunga gikan sa ilalaom sa yuta ug mipatubig niini. 7 Ug ang Ginoong Dios nagporma kang Adan ingon nga abug gikan sa yuta ug gihuypan ang iyang ilong sa gininhawa nga naghatag kinabuhi. Mao nga si Adan nahimong usa ka buhing kalag.
Ang nahaunang kapitulo sa Genesis ang paghimo sa unang tawo gihulagway sa konteksto sa usa ka una nga pagpadayag bahin sa paglalang sa kalibutan, diin ang langit ug ang dagat naghimo sa usa ka bantugang papel. Niana nga kapitulo ang balaang Dios nagpahinumdum sa mga Anak ni Jacob, alang kang kinsa gitala ni Moises kining mga pagpadayag sa ilang mga milagrosong kaluwasan gikan sa kasundalohan ni Paraon, sa dihang gibulagbulag sa Dios ang mga tubig sa dagat sa ilang atubangan pinaagi sa hanging gikan sa langit ug nakalakaw sila sa salog sa dagat aron luwas sa pikas baybayon, samtang si Paraon ug iyang naggukod nga mga karo ug mga sundalo nalumos sa nag-uli nga mga baha.
Atong mabasa sa ikaduhang kapitulo sa Genesis usa ka komplementaryong pagpadayag bahin sa paglalang sa unang tawo, nga si Adan. Sa kining ika duhang pagpadayag ang disyerto adunay usa ka mahinungdanong tahas nga walay gihisgutan ang kalangitan o dagat. Kini nagpahinumdum sa mga Anak nga lalaki ni Jacob sa daghang mga tuig nga ilang paggugol sa paglibot sa kamingawan sa wala pa sila makasulod ug makapuyo sa yuta sa Canaan, nga gisaad sa Dios sa ilang mga katigulangan, si Abraham, si Isaac ug si Jacob. Niining komplmentaryong pagpadayag bahin sa paglalang ni Adan ang Dios gitawag nga Ginoo sama sa iyang pagpahibalo sa iyang kaugalingon ngadto kang Moises sa nagdilaab nga sampinit. Dinhi gipakita sa GINOONG Dios ang iyang kaugalingon uban ang pag-amping nga amahan ug suodnga pakig-uban sa mga tawo nga wala Niya laglaga ang mga makasasala, apan nagtapos sa usa ka bag-ong pakigsaad uban kanila sa pagkamainantuson ug kalumo.
Atong namatikdan nga ang unang pagpadayag ang mga tawo gihulagway ingon nga gilalang sa Dios sumala sa ilang panggawas nga porma. Sa ikaduha nga pagpadayag, bisan pa, nakakuha kitag panan-aw sa sulod nga mahinungdanon sa tawo, gipakita ang iyang buhing kalag sa usa ka templo nga madununoton nga abug. Kay ang gininhawa sa Dios nga naghatag kinabuhi sa patay nga butang diha kaniya, ug naghatag sa mahimayaon nga panggawas nga porma sa espiritu ug kinabuhi ug kusog ug panghunahuna ang paglihok. Kini tinuod, aduna kitay usa ka lawas, nga parehas sa mga lawas sa mga hayop (tan-awa sa 1 Corinto15:44-50). Apan ang among timaan sa pagkalahi mao ang among buhi nga kalag, nga gihatag kanamo sa Dios, nga mabati sa buhing tanlag nga nakakumbikto sa sala, sa maluluy-ong kasingkasing nagsimpatiya sa uban sa mga pulong ug sa mga buhat, ug ang matinud-anong kinaiya niini nga nagkuha og resposibidad bisan unsa man ang mahitabo. Mao ang dungog ug kabubut-on ug kaayo ug kaluoy ang tanan mga gasa sa Dios gikan sa ginhawa sa Dios ngari kanato. Ang sekreto sa imong kinabuhi mao ang kalag nga gihimo sa Dios aron mopuyo diha kanimo.
Sa pagginhawa ni Kristo sa iyang mga disipulo (Juan 20:22) ug miingon, “Dawata ang Balaang Espiritu”, siya uban ang gininhawa nga kini gigamit ang pamaagi sa unang paglalang. Uban niini nga pagginhawa gisugdan ni Kristo ang iyang bag-ong binuhat sa iyang mga tinun-an nga siya ang ulo niini. Bisan kinsa ang giginhawaan sa iyang Balaang Espiritu, dili siya mamatay, apan mabuhi hangtod sa hangtod, tungod diha kang Kristo nahimo siyang usa ka anak nga natawo sa iyang langitnong Amahan. Busa kinsa ka? Nawala ba ang imong buhi nga kalag sa imong lawas nga sama sa hayop, o gibuhat sa Espiritu ni Kristo sa pagpuno kanimo uban ang kinabuhing dayon sa Dios.
PAGSAG-ULO: Ug ang GINOONG Dios nagporma kang Adan ingon nga abug gikan sa yuta ug gihuypan ang iyan ilong sa usa ka gininhawa sa kina-buhi. Mao nga si Adan nahimong usa kabuhi nga kalag. (Genesis2:7)
PAG-AMPO: O Amahan, Ako nagpasalamat kanimo, tungod ikaw nagbuhat kanako uban sa gininhawa sa imong baba. Apan nawala ang akong kalag sa akong pagkamasinupakon. Pasayloa ang akong garbo ug ablihi ang akong kasingkasing sa pagginhawa ni Kristo aron ang akong kasingkasing mamaayo ug mapuno sa Balaang Espiritu. Unya ako magdayeg kanimo kauban ang tanan nimong mga anak sa Siria, Lebanon, Jordan, ang Balaang Yuta ug taliwala sa mga kagiw.