01 -- Diin ka gikan?
Karon nagpuyo kita sa talagsaong panahon sa kasaysayan. Karon lang nahitabo, daghang mga tawo nga nagpuyo nga magkauban ning atong planeta. Ug matag tuig daghang minilyon nga mga tawo ang madugang niini nga populasyon. Nadiskubrehan ug gipuy-an sa mga tawo ang labing layo nga dapit sa atong planeta sa yuta. Uban sa tabang sa teleskopyo gikan sa yuta ug mga satellite sa gawas sa kawanangan nakahimo sila og makapahinoklog nga mga nadiskubrehan sa kalibutan sa mga bulan, mga planeta, mga bituon, bituon nga pungpong, mga galaksiya, ug kumpol sa mga galaksiya. Uban sa tabang sa mikroskopyo, maalamon nga gigamit nga kemikal ug gagmay nga mga binuhat sama sa mga virus, ilang nadiskubrehan ang mga katingad-an nga dinamikong mga istruktura sa atong mga lawas nga ninglihok kung giunsa kini paglangkob sa daghang mga selyula, kung giunsa ang matag selyula gilangkoban sa dili maihap nga kadako ug dili katuhoan nga komplikadong mga bio- molekula, nga adunay labi ka komplikado nga usa nagpuyo ug nagmando gikan sa punoan sa matag selyula. Sa pagdugang sa maalamon ug makugihon nga inhenyero naghimo ug mga imbensyon nga mosangpot sa paghimo sa mga tulin nga awto, dagkong mga eroplano, gamhanang mga rocket, komplikadong mga computer ug paggamit sa mga Smartphone, nga nagtugot kanato nga makontak ang mga tawo sa tibuok kalibutan sa hinanali pinaagi , pinaagi sa web ug mga kable ug walay wire nga mga antenna sa komunikasyon. Bisan pa, sa samang panahon kita makakita sa mga daghang nagpangalagiw sa atong planeta sa kalibutan, nangalagiw sa mga giyera, gutom, kawalay trabaho, ug sosyal nga inhustisya sa daghang mga nasud. Daghan usab ang mga tawo nga nag-antus gikan sa mga balatian, kakulang sa nutrisyon ug kagutom, kanunay nga nagpuyo sa dakong panginahanglan.
Diin kini gikan nga mga tawo, nga sa usa ka bahin makamugnag mga makapahingangha nga mga pag-uswag, apan sa pikas nga bahin nagdala usab sa dili katuhoan nga pag-antus ug pagprowesyo sa isigkatawo? Diin kitang tanan gikan? Diin ka gikan?
Syempre gikan sa imong mga ginikanan (bisan kaila nimo sila o dili) ug sila gikan sa ilang tagsa-tagsa nga mga ginikanan, kinsa ang imong mga apohan, ug uban pa sa kaliwatan sa wala pa ang henerasyon balik sa dili matago nga nangagi. Apan unsa kalayo ang imong mahimo niining pag-angkon sa mga henerasyon? Aduna bay pagsugod sa tanan niini? Lainlaing mga tubag ang gihatag sa mao nga pangutana. Daghan, labi na sa Habagatan ug Sidlakan sa Asya, gitudloan nga ang tanang mga tawo, ug sa tinuod ang tanan nga pagkatawo usa lamang ka ilusyon nga naglambigit sa walay katapusang serye sa pagkamatay ug reinkarnasyon ug kinahanglan atong malikayan kining walay katapusang mga siklo uban ang tabang sa pagsunod sa mga istrikto nga mga balaod lakip ang pagpamalandong. Ang uban kaniadto, labi na ang natural nga mga pilosopo sa daghang mga siglo sa Europa, nagtudlo nga walay sinugdanan ug ang mga tawo anaa sa walay kahangturan. Karon pa lang usa ka nagtubo nga proporsyon nga mga tawo sa kalibutan nga nagsunod sa pagtulon-an gikan sa dili relihiyoso ug kontra sa relihiyon nga mga siyentista, diin nagtuo nga ang ang tawo ug unggoy naggikan sa kasagaran nga ninuno nga unggoy pinaagi sa gitawag nga ebolusyon.
Busa, ang Dios sa Iyang pagpadayag kang Moises sa Torah nagsulti nga AYAW pagtuo niining nga pagtulon-an. Gipadayag niya sa mga Anak ni Jacob nga ang tanang mga tawo kaliwat sa usa ka lalaki ug usa ka babaye, si Adan ug si Eva, nga gibuhat niya sa sinugdanan, subra sa 6000 ka tuig ang milabay. Sa mga musunod nga mga panid nag-imbitar kami kaninyo sa pagbasa ug pamalandungan bahin niining pagtulon-an nga nakaimpluensysa sa mga kinabuhi sa binilyon nga mga tawo nga nagpuyo sa kalibutan karon. Makit-an ninyo ang Iyang pagtulon-an sa unang mga panid sa Torah ni Moises, nga naa sa pagsugod sa Bibliya.
Samtang nagasunod kita niining pagtulon-an sa Dios sa mga nahauna nga kapitulo sa libro ni Moises, dili lamang nato makita ang hinungdan sa pag-antos ug dugang nga dili diosnon sa mga tawo sa atong kalibutan karon, apan usab ang sinugdanan sa plano sa Dios sa kaluwasan, nga karong panahona naghalad sa kaluwasan sa tanan nga nag-abli ug nagtuo niining libreng kaluwasan nga gitanyag kanato sa Dios sa Bibliya.
PAG-AMPO: Labawng Makagagahum nga Dios, nagpuyo kami sa dili katuhoan ug makalibog nga kalibutan. Daghan ang nadiskobrehan ug mga imbensyon ang nakabihag ug nakaimpluwensya kanato sa adlaw-adlaw. Tabangi kami nga maminaw sa imong gitudlo pinaagi sa imong matinud-anon alagad nga si Moises. Atong sabton ug pasalamatan kung giunsa ka, gikan sa gugma, natukod ang kinabuhi sa tawo pinaagi ni Adan ug ni Eva. Andama ang among mga kasingkasing ug hunahuna nga dawaton ug magmasunoron sa imong mga pagtulon-an aron makaambit kami sa kinabuhing dayon, nga gitanyag nimo kanamo nga libre pinaagi kang Jesu-Kristo. Amen.