Previous Lesson -- Next Lesson
2. Numutkeun Saderek kumaha mujijat lahirna Kristus?
Moal aya jalma anu bakal dilahirkeun sapertos Kristus, sabab Anjeunna disebat Ibnu (Putra) Maryam. Ismail disebut putra Ibrahim, Yahya putra Zakaria,Muhammad, putra Abdullah. Kitu ogé, sakabéh jalma ngawaris namina ti garis bapa (bin) dikacualikeun Gusti Yesus Kristus anu ngawaris ti Ambu Maryam, nyaetu ti garis ibuna.
Teras kunaon musababna mung Kristus ngan ukur dinamian ibu-Na? Waleranana nyaeta Anjeunna teu boga bapa jasmani anu sami sareng bapa murangkalih anu séjén. Anjeunna lahir ti parawan Ambu Maryam, perkawis kalahiran-Na gumantung kana kakawasaan Roh Suci sareng tujuan anu langgeng nyaeta kasalametan jalmi saalam dunya.
Tujuh ratus taun sateuacan Gusti Yesus Kristus dibabarkeun, Nabi Yesaya parantos nganubuatkeun cara ngababarkeun murangkalih sapartos kieu: "Ku margi kitu, Pangeran ku manten bade maparin tanda. Kieu: Hiji lanjang bakal bobot, seug ngowokeun putra pameget, dijenenganan Immanuel" (Yesaya 7:14)
Gusti Allah sanggem nedunan jangji-Na, Gusti Rama satya sareng adil, tangtos teu aya anu mustahil pikeun Anjeunna. Naha saderek parantos uninga yén Kristus teh Firman Allah anu mijalma janten Manusa ? Hayu sasarengan ngalenyepan Pangandika Gusti anu diilhamkeun anu negeskeun : "Ari nu disebut Pangandika teh geus jumeneng ti memeh ieu dunya dijadikeun; Pangandika sasarengan jeung Allah, Pangandika sarua jeung Allah. Pangandika teh terus mijalma, jadi manusa, hirup di kalangan urang, jembar kurnia jeung saestu sipat-Na tur mulya kaayaana-Na, sarta kamulyaana-Na teh tembong ka urang, kamulyaan ti nu jadi Rama ka Putra Tunggal. (Yohanes 1:1,14)
Samudaya kakiatan panyipta Gusti Pangeran anu dipidamel sareng dicatet dina Kitab Suci disatunggalkeun dilebet Nami Kristus salaku Firman anu Mijalma. Upami urang nalungtik muhasabah kajadian disabuderan kalahiran-Na, tangtos sadayana ta’jub, manawi teu aya manusa anu dibabarkeun sapertos Yesus Putra Maryam, hal kajantenan kawas kieu unik teu aya papadana patali kalahiran Gusti Yesus ngalangkungan Ambu Maryam.
Urang tangtos émut yén Gusti Allah nyiptakeun Nabi Adam tina taneuh liat? Sakabeh manusa teh turunan Adam, sadaya nabi sami-sami ciptaan tina taneuh. Sagala manusa, muasalna di dunya ieu, urang bumi - ti handap, mung Kristus anu sumping ti luhur, sabab Anjeunna lungsur ti Sawarga, janten diri-Na murni, tanpa dosa, teu aya cacad, beresih, langkung bodas tibatan salju. Tapi urang sadaya hakekatnya jelema dosa, najis, ngagaduhan hakekat dosa, kusabab urang kaluwarna ti dunya dihandap sareng henteu dilahirkeun ku Ruh Allah.
Dina Kitab Suci dibewarakeun yen maksad kasumpingna Gusti Yesus ka alam dunya teh kangge nyalamatkeun manusia anu pati ku dosa, Anjeunna henteu nampik urang, sanajan uran gjalma pinuh ku dosa anu ngahesekeun, malihan mah, Mantenna milih nyalametkeun dunya anu sangsara ieu sareng ngamurnikeun kahirupan urang anu fana.