Waters of Life

Biblical Studies in Multiple Languages

Search in "Peul":
Home -- Peul -- Matthew - 048 (The Beatitudes)
This page in: -- Arabic -- Armenian -- Azeri -- Bulgarian -- Chinese -- English -- French -- Hebrew -- Hungarian? -- Indonesian -- Latin? -- PEUL -- Polish -- Russian -- Spanish? -- Uzbek -- Yiddish

Previous Lesson -- Next Lesson

MATTA - Tuubee ko fii laamu Almasiihu on ngun bhadike!
Jandeeji suutaadhi ka Linjiila Almasiihu on no Matta yottiniri mo non
SOBBHUNDU 2 - Fii waaju e golle Almasiihu on Jaliilu (Matta 5:1 - 18:35)
A - Fii waaju ngun ka hoore fello: Fii sariya teddudho on ka laamu kammu ngun (Matta 5:1 - 7:27) -- Fii no maakuuji Almasiihu on dhin mottindiriraa non ka aranun

a) Fii Malaabhe bhen (Matta 5:1-12)


MATTA 5:10
10 Cukketeebhe bhen sabu peewal ngal ko malaabhe, bhay laamu kammu ngun ko kambhe wonani!

Noddaande jeetatabhuru ndun fii weltaare nden no nandita seedha e ko haadhi, bhayru ko fewtundu jiyaabhe Alla bhen e bhuttinoobhe makko bhe e tampinteebhe bhen sabu giggol ngol bhe jogii ngol, bhe rondee non aybineede fii ko bhe fennyinta kon Kibaaru-Moyyho on fii moyyhintingol ngol hakkunde men e Alla e fii ko bhe fennyinanta kon on kibaaru Moyyho yimbhe hawkaabhe bhen bhayru kambhe ko bhe yaafantoobhe yimbhe bhen ellaaji mabbhe dhin. Hara hidhon sikka wonde waaju mon ngun jabhete bhuri waaju annabi Iisaa ngun e taalibaabhe makko bhen? On malii si on tampii sabu seeditoore mon nden. Si on fottii e sattendeeji sabu peewal Alla fewnayngal ngal junuubanke’en hara huunde bhe yobhaali, haray hidhon humondiri e Almasiihu on. Battane mun, Dandoowo aduna on wondiday e mon, o wakkilina on, o mariray on wano bhalle-bhaleeri yiitere nden marirtee non. Hita on maran goddho bone, kono wonee weltotoobhe, ko fii Joomiraadho no mawni bhuri keyeeji dhin fow ka aduna, dhin dhi jattetedhon sabu peewal makko ngal. O moyyhinaniii on laamateeri ruuhuyankeeri wonayndi yeeso makko poomaa. Ko Alla jeyi kon fow no maranaa dendaangal bhen cukketeebhe sabu peewal makko ngal.

LANDAL:

  1. Ko fii hondhun fennyinaybhe Linjiila yedhoowo bhuttu on dartortee no tiidhiri e saa’iiji goo?

www.Waters-of-Life.net

Page last modified on May 18, 2012, at 09:34 AM | powered by PmWiki (pmwiki-2.2.109)