Previous Lesson -- Next Lesson
10. ? AN SI ZEZI I DUNMAN’M BE BO?
Nyanmiԑn nuan ijᴐfuԑ wie’m be suan dunman wafa wie mun. Be flԑ Abraham kԑ Nyanmiԑn i janvuԑ, be flԑ Moise kusu kԑ Nyanmiԑn i nuan ijᴐfuԑ yԑ be flԑ Krist kusu kԑ Nyanmiԑn ndԑ’n annzԑ kusu Wawԑ kun b’ᴐ fin Nyanmiԑn. Sanngԑ Jasin Fԑ’n nun kԑ Nyanmiԑn yili i wun nglo sran’m bé nyrun lԑ’n, e kԑnngԑn kԑ aniԑn kun fin Nyanmiԑn su lᴐ, ᴐ seli kԑ: "Min anwlɛn su ba yɛ, i su yɛ ń wla’n kwlaa wo-ɔ, an `tie ndɛ ng’ɔ kan’n". (Matie 17: 5)
? Kԑ e se kԑ "Nyanmiԑn Wa’n" i bo’n kle sԑ? Ba kwlaa fԑ i si, i nzuԑn’n nun annzԑ i nyrun’n. I kunngba’n nin-ᴐn, e wun Nyanmiԑn i wafa ng’ᴐ ti’n Krist nun. Krist bᴐbᴐ seli i sᴐnnzᴐnfuԑ’m be kԑ: "Sran ng’ɔ wun min’n, wuun ɔ’a wun e Si’n". (Zan 14: 9) An kwla se kԑ: "Nyanmiԑn kpla e! Ͻ ti nyanmiԑn nuan ijᴐfuԑ, ᴐ nin Nyanmiԑn be ti’a kun". Sanngԑ e ′usa amun kosan kun, nguԑ ti yԑ an di-man i nuan ndԑ’m be su-ᴐ? B’a dun mmua bu amun fᴐ, sԑ amu’an kaci-man amun akunndan mun nin amun nzuԑn mun’n.
Kԑ Krist bali kԑ Nyanmiԑn i kannga sa nan ᴐ wa de be bᴐ be ti sa tԑ’n i kannga’n, ndԑ sᴐ’n i bo’n ti kploun dan. Ͻ bali mԑn’n nun kԑ sran sa, ᴐ wa kleli ye wafa nga Nyanmiԑn klo kԑ klᴐ sran kpan’n ᴐ nanti’n. Nán kwlalԑ nin anyrunnyan’n be yԑ man e fite nun-ᴐn, sanngԑ san Krist i klolԑ’n kunngba cԑ yԑ ᴐ de sran mun-ᴐn. Sran nga kaka o i sa nun’n, ᴐ yo kԑ i yԑ ᴐ kwla-ᴐ, sanngԑ sran ng’ᴐ kwla trԑ i awlԑn’n, ᴐ tra safuyrԑn. Sran ng’ᴐ fԑ i nguan’n kpᴐ sran kwlaa be ti’n, ᴐ ti dan tra bé kwlaa. I sᴐ’n ti yԑ sunmanfuԑ Zan kԑnnin i kԑ: "Ndɛ sɔ’n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ. E niɛnnin i anyrunnyan’n, ɔ ti anyrunnyan bɔ sɛ Ba b’ɔ ti kunngba’n i Si mɛn i-ɔ ɔ ti su" (Zan 1: 14).
Krist kacili sran k’ᴐ yo nan y’a wun i wlԑ kԑ Nyanmiԑn ti Siԑ kun b’ᴐ ti kpa, ᴐ klo sran yԑ ᴐ yaci sran wun sa cԑ i’n ti, ᴐ ti-man alԑ kunfuԑ annzԑ like sacifuԑ annzԑ Nyanmiԑn bᴐ i ndԑ nu’an klᴐ sran’m be ndԑ nun-ᴐn. I sᴐ’n ti Krist yoli man e wunnin wafa nga Nyanmiԑn fa ti’n i wlԑ uflԑ ekun. Yԑ Zezi ᴐ’a ka-man Nyanmiԑn i wafa ng’ᴐ ti’n e fa klelԑ su ngunmin, sanngԑ i nguan’n ᴐ yili Nyanmiԑn i klolԑ’n i nglo e nyrun, k’ᴐ yo nan y’a wun blԑ uflԑ nga nun sa cinnjin’n i wlԑ’n ti. Sa cinnjin sᴐ’n yԑlԑ: klolԑ b’ᴐ o lԑ mandimaan.