Waters of LifeBiblical Studies in Multiple Languages |
|
|
Home Bible Treasures Afrikaans |
This page in: -- Arabic -- Armenian -- Azeri -- Bulgarian -- Chinese -- English -- French -- GEORGIAN -- Hausa -- Hebrew -- Hungarian? -- Igbo -- Indonesian -- Javanese -- Latin? -- Peul? -- Polish -- Russian -- Somali -- Spanish? -- Telugu -- Uzbek -- Yiddish -- Yoruba
Previous Lesson -- Next Lesson მათეიესო - მოინანიეთ, ვინაიდან მოახლოებულია ცათა სამეფო
მათეიესო ქრისტეს მათეს სახარების განხილვა
ნაწილი 4 - იესოს ბოლო მსახურება იერუსალიმში (მათეიესო 21:1 - 25:46)
A - კამათი ტაძარში (მათეიესო 21:1 - 22:46)
4. მღვდელმთავრების და უხუცესების კითხვები (მათეიესო 21:23-27)მათეიესო 21:24-27 ქრისტე ხვდებოდა თუ რა მახე დაუგეს მას მტრებმა. ის არ ჩქარობდა მათ კითხვებზე პასუხის გაცემას, მაგრამ მისცა მათ მობრუნების და აღიარების შესაძლებლობა, რომ ღმერთმა გამოგზავნა ნათლისმცემელი, რათა ქრისტესთვის გზა მოემზადებინა. იესოს ამ პასუხში ჩვენ ორ ჭეშმარიტებას ვხედავთ: უპირველესად უნდა ავღნიშნოთ, რომ ქრისტე ღიად არ ასწავლიდა იმის შესახებ, რომ ის - ღვთის ძეა, თუმცა ამასთანავე ირიბად ადასტურებდა ამ ჭეშმარიტებას. ის არავის ახვევდა თავზე რწმენას, არამედ ელოდებოდა, როდის გაიზრდებოდნენ ადამიანები თავად და მიხვდებოდნენ, რომ ის არის ღვთის ძე. მას უნდოდა, რომ მათ დამაჯერებლად ეღიარებინათ მისი ღვთიურობა და მისულიყვნენ მასთან. ჩვენ კი ადამიანებს სულ სხვაგვარად ვექცევით. ჩვენ ვცდილობთ მრავალი ხერხით დავუმტკიცოთ ქრისტეს ღვთაებრიობა. ნაცვლად ამისა მათი ყურადღების გადატანა იესოს დიდებულ საქმეებზე და სიკეთეზე. დროთა განმავლობაში კი მათ გაუჩნდებათ კაცის ძისადმი რწმენა. მათ უნდა იგრძნონ, თუ როგორ აღადგენს იესო მკვდრებს, უყვარს ცოდვილები და პატიობს მტრებს. მათ უნდა მაღწიონ იმ რწმენამდე, რომ იესო განკაცებული ღმერთია. მეორე კი ის უნდა ავღნიშნოთ, რომ ქრისტე თავის მტრებს აიძულებდა დაფიქრებულიყვნენ. ის ცდილობდა მათ მომზადებას მონანიებისთვის, რათა მიეტოვებინათ ცრუ მტკიცებულებები და სხვების განსჯა. მათ, რომ ეღიარებინათ იოანეს ნათლობა ღვთისმიერი იყო, შეძლებდნენ ეღიარებინათ თავიანთი ცოდვები და მოენანიებინათ. თუმცა თავს ღვთისმოსავებად მიიჩნევდნენ და არ იყვნენ მზად იესოს დამორჩილებოდნენ. გული ჰქონდათ გაქვავებული, ბრაზობდნენ იესოზე და ვერ იტანდნენ კიდეც მას. ქრისტეს მტრებს, რომ ეღიარებინათ იოანეს ნათლობა, ხალხის რწმენას დაკარგავდნენ. ადამიანი, რომელიც არ ღებულობს სწავლებას, იცის რა რომ ის ღმერთისგან არის, უდიდეს დანაშაულს ჩადის. ამის გამო მრავალი არის ცოდვის ქსელში გაბმული. ისინი ეწინააღმდეგებოდნენ ქრისტეს და არ ღებულობდნენ იმ აშკარა ჭეშმარიტებას, რომელიც იყო. ამით მათ უკუაგდეს ღვთის შუქი, არ მიიღეს იოანეს ნათლობა და ვერანაირი გამართლება ვერ შეინარჩუნეს. მათ შეეშინდათ ეთქვათ, რომ იოანეს ნათლობა იყო ადამიანური, რადგან ამ შემთხვევაში მათ ხალხი წინ აღუდგებოდა. მღვდელმთავრებს და ხუცესებს ეშინოდათ უბრალო ერის და მათი სინდისი სუფთა არ იყო, თუმცა გულში დიდ ბოღმას ატარებდნენ. ხელისუფლება ძალიან დამცირდა ერის თვალში და აღსრულდა წერილი, რომელშიც წერია ,, მეც დავუშვი შეურაცხყოფა და დამცირება ყველა ხალხთაგან“(მალაქია 2:8-9). მათ რომ შეენარჩუნებინათ ერთგულება და ჭეშმარიტება და შეესრულებინათ საკუთარი მოვალეობა, შეინახავდნენ თავიანთ ძალაუფლებას და არ შეეშინდებოდათ ხალხის. ვინც გამიზნულად ცდილობს სხვა ადამიანებში შიშის ჩათესვას, ის თავად ვარდება შიშში ადამიანების მიმართ. ამიტომ იუდეველთა საბჭოს დელეგაციამ გადაწყვიტა თავი მოეკატუნებინა, თითქოს არ იცის საიდან მოდის იოანე ნათლისმცემლის ნათლობა. ადამიანთა თვალში ეს სამარცხვინო წარუმატებლობა იყო და ამ კამათის მოწმეებმა დასცინეს თავიანთ წინამძღოლებს. იესომ დაიჭირა მათი უწყება, რომელიც მათ მოამზადეს მისთვის. მან მაინც არ უპასუხა მათ, თავისი ღვთაებრიობისა და ძალაუფლების შესახებ იმიტომ, რომ 1) მათ არ სჯეროდათ მისი; 2) ჯერ არ დამდგარიყო მისი დრო, როცა უნდა გამოვლინდეს მისი სრული დიდება, ერთ გადამწყვეტ საქციელში, რომელიც მისი მტრების თვალწინ მოხდებოდა. ლოცვა: ზეციერო მამაო, შენ ჭეშმარიტი ღმერთი ხარ. შენ საკუთარი ძალაუფლება მიეცი შენს ძეს და მან გვიხსნა და გაგვწმინდა. ჩვენ თაყვანსგცემთ, რადგან სიყვარულით, წყალობით და სიკეთით სავსე ღმერთი ხარ. მადლობას გიხდით იმისთვის, რომ გამოგვისყიდე ცოდვისგან შენი კრავის სისხლით და სულიწმიდით გაგვწმინდე. გთხოვთ, გაანთავისუფლე ჩვენს გარშემო ურწმუნოები თავიანთი ურჯულოებისაგან. დაე ირწმუნონ მათ, რომ შენ ხარ ყოვლისშემძლე მამა. კითხვა:
|