Mobile device - Print - Bottom

Previous Lesson -- Next Lesson

b) Nagkalain-laing panan-aw sa katawhan tali kang Hesus ug sa taas nga konseho (Juan 7:14-53)

---

JUAN 7:45-49
45 Busa niini ang mga opisyales miadto sa pangulo sa mga pari ug Pariseo, ug sila miingon ngadto nila, “Nganong wala ninyo siya nadala?” 46 Ang mga pangulo mitubag, “Wala ni bisan usa ka tawo ang gapamulong susama niining tawhana!” 47 Busa niini ang mga Pariseo mitubag nila, “Wala ba usab kamo nadala ug kasaag, kamo ba nasaag pud?” 48 Aduna ba sa mga pangulo ang mituo kaniya, og gikan sa mga Pariseyo? 49 Apan kining kadaghanan nga wala kabalo sa balaod gitunglo.”

Samtang si Hesus nagatudlo sa katawhan sa templo, ang mga Pariseo gatapuk gahulat sa ilang mga sulogoon aron mo-aresto kang Hesus ug modala niya ngadto nila. Ang pinakataas nga pari daghan sila adtong tungora, maski ang pinakataas nga pari maoy magdumala sa Pinakataas nga Konseho sa panahon nga sila buhi. Apan ang mga pangulo mopahawa sa paglingkod sa katawhan gikan sa matag panahon. Sa maong rason adunay pipila ka mga taas nga pari sa higayon ni Hesus nga gipahawa sa mga taga-Roma kinsa mga nahisakop ngadto sa parionong pamilya. Kining mga tawhana Saduceo ug dunay gawasnong pangisip, dili musimpatiya sa mga legalismo sa mga Pariseo.

Ang mga Pariseo milingkod tapad sa mga pari sa Konseho. Isip mga legalista ilang gisalikway ang Greyegong pilosopia ug naghimo sa balaod isip basehan sa pagtuo ug buhat sa ilang partido. Sila gahi ug kasingkasing, mipasidungog sa Dios pinaagi sa kapintas ngadto sa ilang kaugalingon ug sa ubang tawo.

Pareho ang Pariseo ug Saduceo nasuko sa pakyas nga pag-aresto kang Hesus. Ang disipolo wala miprotekta kaniya o mi-gwardiya ang katawhan niya, apan iyang pulong nakapahimuot sa tanan, busa walay misulay ug posas niya, sukad sila nakabantay sa gahum sa Dios nga gadagayday pinaagi kaniya.

Sa maong higayon ang mga Pariseo na-aghat ug misingit batok sa mga gwardiya sa templo, “Kamo ba usab miuban sa limbongan? Ni usa sa mga tinahod nga miyembro sa Konseho mituo kaniya. Walay matarong nga magtutuo mosunod niining taga Galilea.”

Tinuod daghan ang nahigugma kang Hesus, apan sila mga yanong mga tawo, sinalikway, makasasala o daotan ug dungog. Siya milingkod sa lamisa ug mipasidungog nila pinaagi sa iyang presensya. Apan ang relihiyoso mibiaybiay sa maong mga tawo, ug mikonsedera nila nga mga tinunglo. Sa pagkatinuod ang mga gibiaybiay maoy misunod kang Hesus. Ang uban nila mikumpisal sa ilang sala una kang Juan nga Magbubunyag; busa ang mga pangulo nasilag sa kadaghanan ug nakalimot nga sila namulong sa parehong pinulongan ug misunod sa parehong kustombre. Ang tanang katawhan nagtukod ug lainlain hugpong gikan sa ilang pagkabahin bahin sa nagkada iyang hut-ong sa katilingban.

JUAN 7:50-53
50 Si Nicodemus (siya kinsa miadto kaniya pinaagi sa gabii, isip usa nila) miingon ngadto nila, 51 “Ang atong baload ba gahukom sa tawo, gawas una kini nadungog gikan mismo kaniya ug kabalo unsa iyang gibuhat?” 52 Sila mitubag niya, “Ikaw gikan ba usab sa Galilea? Pangitaa ug tan-awa nga walay propeta nga nabanhaw gikan sa Galilea.” 53 Ang matag usa nanguli sa ilang kaugalingong panimalay.

Usa nga nakasaksi sa kapungot sa Konseho, mao si Nicodemus kinsa sekreto nga miadto kang Hesus sa gabii. Gipakita ni Hesus kaniya ang panginahanglanon sa bag-ong pagkatawo. Kini nga tawo ubos sa impluwensiya ni Hesus ug gusto mohusay sa iyang bahin nga wala nagsaba sa publiko nga pabor siya kang Hesus. Iyang gigamit ang estilo sa balaod sa korte diin misalikway sa paghukom sa bisan kinsang tawo gawas kon kapamatud-an ang sala niini.

Ang mga maghuhukom mibiaybiay niining tawo nga may konsensya. Maski ang gatigom nga korte, misilot sa inosente pinaagi sa malimbungon nga proseso. Ang mga nagplano ug daotan kang Hesus, mibati nga ang ebedinsiya lig-on nga si Hesus bakakon nga propeta kay walay usa nga propeta nga magikan sa Galilea, ang rehiyon nga gibiaybiay sa mga Judio tungod sa walay pagtagad sa balaod. Walay Balaang Kasulatan nga gapahayag sa gisaad nga Manunubos o propeta sa katapusang adlaw nga gikan didto. Ang mga Pariseo naka siguro nga siya dili tinuod, busa sila mitamay kang Nicodemus kinsa nangandoy nga mopresenta kang Hesus diha sa konseho aron sila makabig niya pinaagi sa iyang gamhanang mga pulong, sama sa dihang iyang gibuhat kang Nicodemus.

PANGUTANA:

57. Nganong ang pari ug ang mga Pariseyo mibiaybiay sa yanong katawhan?

Mobile device - Print - Top