1. Машаяк жөнүндө эмне билесиң?
Сөз өзүнүн акыркы максатына шашып баратат. Бардык нерсенин акыры келип да калды. Ар бир адил жана динге кызыккан адам Машаяктын Кудайдан дагы бир жолу келе жатканын билет. Ага маани бербеген адамдардын үрөйү учат, себеби алар Машаякты жана Анын чыныгы бийлигин четке кагышты.
Сен да өзүңдүн азыркы жашооң менен түбөлүк өмүрүң төмөнкү суроодон көз каранды экенин билесиң: Сенин Машаякка болгон мамилең кандай? Эгер сен Машаяктын Инсандыгынын чыныгы табиятын кабыл алсаң, анда өзүңдү Ага ачасың, ал эми Ал сени кубанычка толтурат. Ошондо сенин жашооңдун маңызы жаңы жарык аркылуу көрүнөт – себеби Машаякта акылмандыктын жана билимдин кенчи жашырылган. Даңкка бөлөнгөн Машаяк келгенде: «Мен жөнүндө кандай ойдо элең?» - деп сурайт. Көрөөр күнүң барында Анын жашоосу жөнүндө биз менен бирге ой жүгүрт, ошондо Анын ырайымы жана мээрими аркылуу жүрөгүңө сооронуу келип, түйшүктөрдөн арылуунун жолун табасың.