Waters of Life

Biblical Studies in Multiple Languages

Search in "Georgian":
Home -- Georgian -- Matthew - 200 (The First Woe)
This page in: -- Arabic -- Armenian -- Azeri -- Bulgarian -- Chinese -- English -- French -- GEORGIAN -- Hausa -- Hebrew -- Hungarian? -- Igbo -- Indonesian -- Javanese -- Latin? -- Peul? -- Polish -- Russian -- Somali -- Spanish? -- Telugu -- Uzbek -- Yiddish -- Yoruba

Previous Lesson -- Next Lesson

მათეიესო - მოინანიეთ, ვინაიდან მოახლოებულია ცათა სამეფო
მათეიესო ქრისტეს მათეს სახარების განხილვა
ნაწილი 4 - იესოს ბოლო მსახურება იერუსალიმში (მათეიესო 21:1 - 25:46)
B - “ვაი“ ამაყებს და რელიგიურ ადამიანებს (მათეიესო 23:1-39) -- იესოს გამონათქვამების მეხუთე კრებული

3. პირველი „ვაი თქვენ“ (მათეიესო 23:13)


მათეიესო 23:13
13 ვაი თქვენ, მწიგნობარნო და ფარისეველნო, თვალთმაქცნო, ვინაიდან კეტავთ ცათა სამეფოს ადამიანთა წინაშე; არც თქვენ შედიხართ და არც შემავალთ ანებებთ შესვლას!

როდესაც უფალი ამბობს ,,ვაი“, ახლოს არის სასამართლო. და როდესაც ქრისტემ შვიდჯერ უთხრა მწიგნობრებსა და ფარისევლებს ვაი თქვენ, ეს იმას ნიშნავდა, რომ მათი არსება იმდენად გაფუჭდა, რომ ეჭვგარეშე მოვიდოდა მათზე სასჯელი.

იესომ მწიგნობრებსა და ფარისევლებს, ფარისევლები უწოდა. ფარისეველი ნიშნავს მსახიობს. რელიგიური ფარისეველი მატყუარაა, რომელიც თავს უფრო წმინდად ასაღებს, ვიდრე არ არის. ფარისევლები ძალიან საცოდავ მდგომარეობაში არიან. სიცოცხლეში ფუჭ რელიგიას ეწევიან, სიკვდილის შემდეგ კი იღუპებიან.

რაში მდგომარეობს ცრუ ღვთისმოსაობის ცოდვა? სწორედ ეს არის ფარისევლობა. ქრისტესთვის საზიზღობა იყო ფარისეველთან შეხვედრა, რომელიც ღვთისმოსავად ასაღებდა თავს, სინამდვილეში კი ბოროტი იყო. ასეთი ადამიანები განაგრძობენ ცოდვაში ცხოვრებას და ეგოისტურად ლოცვას. ისინი ყველას აჩვენებენ თავიანთ რელიგიურობას, თუმცა გულში სიყვარული არ აქვთ. ყველა ფარისეველი ცდილობს შეასრულოს რელიგიური მოქმედებები ნაცვლად იმისა, რომ მოინანიონ და გული შეიცვალონ. ისინი კმაყოფილები არიან საკუთარი თავით და ეყრდნობიან საკუთარ სამართლიანობას. არ ეძებენ მხსნელს, არამედ უარყოფენ. ფარისევლები ავრცელებენ თავიანთ მცდარ შეხედულებებს და ხელს უშლიან სხვას მონანიებაში. აი რატომ უყვარდა ქრისტეს ცოდვილები უფრო მეტად, ვიდრე მასწავლებლები, რომლებსაც წმინდანებად მოჰქონდათ თავი. ცოდვილები ინანიებდნენ და სწორდებოდნენ მაშინ, როდესაც მასწავლებლები არ ინანიებდნენ, არამედ პირიქით, უფრო იქვავებდნენ გულს. აფერხებდნენ მათ ვინც ეძებდნენ ჭეშმარიტებას და ართმევდნენ მათ გადარჩენას.

ზოგიერთ რელიგიაში განსაკუთრებული წესები იყო, რომელიც ითხოვდა რომ უარი ეთქვათ ჯვარცმულ ქრისტეზე. წინააღმდეგ შემთხვევაში კი სიკვდილის წინ განიკითხებოდნენ. ვინც საკუთარ სამართლიანობას ეჭიდება, ის ვერ შევა ქრისტეს მადლის სისრულეში და ხელს შეუშლის მათ, ვისაც უნდათ რომ უფლის მოწყალებას გაჰყვეს.

ლოცვა: ზეციერო მამაო, გამომცადე და განმაახლე, რათა ვლაპარაკობდეთ ჭეშმარიტებას და არ ვიქცეოდეთ ცრუდ. დამეხმარე არ ვიყო დაბრკოლების ლოდი სხვებისთვის, ჩემის სიტყვებითა და მოქმედებით. მომეცი თავმდაბლობა უფალო იესო, სულიწმიდის მადლით. ამავსე შენი სიყვარულით, რათა ვცხოვრობდე სახარების მიხედვით და არ ვიყო ფარისეველი, არამედ ჭეშმარიტების გზაზე დავდიოდე.

კითხვა:

  1. როგორ და რანაირად უშლიან ფარისევლები, ჭეშმარიტების მძებნელთ ხელს, ცათა სამეფოში შესვლაში?

www.Waters-of-Life.net

Page last modified on July 23, 2022, at 05:58 AM | powered by PmWiki (pmwiki-2.3.3)