Previous Lesson -- Next Lesson
c) გამხნევება მწუხარებაში (მათეიესო 10:26-33)
მათეიესო 10:26-27
26 ჰოდა ნუ გეშინიათ მათი, ვინაიდან არაფერია დაფარული, რომელიც არ გაცხადდება და საიდუმლო, რომელიც არ გამჟღავნდება. 27 რასაც სიბნელეში გეუბნებით, სინათლეზე ილაპარაკეთ, და რასაც ჩურჩულით მოისმენთ, ერდოებზე იქადაგეთ. (მარკოზი 4:22; ლუკა 8:17; 12:2-9)
ღმერთის სამეფო უბრალო სიტყვებში არ არის, რომელსაც არ აქვს ძალა. ჩვენ არ გვაქვს საიდუმლოებანი, არამედ ჩვენი მოწმობებით სულიწმიდის ძალას ვუცხადებთ ყველას, ვისაც სურს ამის დანახვა და მოსმენა. ქრისტეს ძალა შემოვიდა ჩვენს გულებში და მას მივყავართ ჭეშმარიტებამდე. მისი წმინდა სიყვარული არ რჩება დაფარული ჩვენში, არამედ მჟღავნდება სხვადასხვა მსახურებაში. შენ არ შეგიძლია დაფარო შენი რწმენა, თუ ქრისტეში ხარ, ვინაიდან ქრისტეს მოყვარული არ იტყუება, არ იპარავს, არ ამაყობს, მშობლების მორჩილია, პატივს მიაგებს მეზობლებს, არ იტყუება გამოცდებისას და სამსახურში არ მონაწილეობს რევოლუციებში. შენი ქრისტესთან ურთიერთობა ჩნდება, მთელი შენი ცხოვრების მოწმობაში. საკუთარი ძალებით არ ვეჭიდებით რწმენას, არამედ უფალი გვამაგრებს დღედაღამ, რთულ და კარგ დღეებში. არ ვართ მარტონი, ყველაფერს რასაც ვიგებთ სახარებაში ხსნის შესახებ, უნდა გადავცეთ სხვებს შიშის გარეშე. ღმერთის ჭეშმარიტების უწყებას მივყავართ დამოწმებამდე. თუკი სულიწმიდა უმოწმებს შენს სულს, რომ ქრისტეს სისხლის მეშვეობით გახდი ღვთის შვილი, განსაკუთრებული უფლება გაქვს დაამოწმო ამ მადლის შესახებ. ყველაფერი რაც გულით გესმის მოუყევი ადამიანებს, რადგან მათი ხსნის საფუძველი უფლის სიტყვაა.
ერთმა პარალიზებულმა მსახურმა სთხოვა მეგობარს ეყიდა მისთვის მიკროფონი. ზოგიერთს გაუკვირდა, ზოგიერთმა კი დასცინა. როდესაც ჰკითხეს რაში სჭირდებოდა, უპასუხა, რომ სთხოვდა მის სახურავზე ატანას და ის მკაფიო ხმით მიმართავდა ყველა გამვლელს და სთხოვდა თავები ზეცისკენ აღეპყროთ და არა ჯოჯოხეთისკენ დაეხარათ. თუ ამ პარალიზებულ ადამიანს შეუძლია დამოწმება, ჩვენ მხედველები მოწოდებულები ვართ გავხსნათ პირი და დავეხმაროთ მათ, ვინც ჯოჯოხეთისკენ მიემართება და გავანთავისუფლოთ ისინი, ხსნის სახარებით.
განაგრძე მსახურება და ქვეყნიერებისთვის სახარების უწყება. არ დაგავიწყდეს, რომ ეს შენი მისიაა. მტრები არა მხოლოდ შენს განადგურებას ფიქრობენ, არამედ შენი მისიისაც. ამიტომ იქადაგე სახარება, ყველა შესაძლო გზით და არ აქვს მნიშვნელობა რა შედეგებს მოიტანს. ,,რაც გელაპარაკეთ სიბნელეში, ილაპარაკეთ სინათლეში და იქადაგეთ სახურავებზე“
ლოცვა: უფალო იესო, ჩვენს გამო იტანჯე, ჩვენ კი გვრცხვენი ადამიანების ბოროტებისა. გადიდებთ, რათა გადაგვარჩინე. გვასწავლე ერთგულად მოგყვეთ და მოგვეცი სულიწმიდის სითამამე, რათა დავუმოწმოთ სხვებს იმის შესახებ, რომ შენ გაგვიცხადე მსახურება და არ ვმალავდეთ იმას, რაც მათ არ იციან. რათა ჩვენს სახლებსა და რაიონებში მოვიდეს შენი ცათა-სამეფო.
კითხვა:
- რას ნიშნავს ქრისტეს ერთგულად გაყოლა?