Mobile device - Print - Bottom

Previous Lesson

8. Nkembo Ya Nzambe Lokola Bosukisi Ya Mokanda Oyo (Baloma 16:25-27)

---

BALOMA 16:25-27
25 Nzokande epai na ye oyo akoki kolendisa bino na kolanda nsango malamu na ngai mpe na kosakola ya Yesu Klisto, na kolanda emoniseli ya libombami oyo ebombamaki banda kala, 26 kasi sikawa emonisami na nzela ya makomi ya esakweli, engebene na etinda ya Nzambe ya seko, mpe eyebisami na bikólo nyonso, mpo bátosa na nzela ya kondima—27 epai ya Nzambe se moko ya bwanya nkembo ya libela na libela, na nzela ya Yesu Klisto! Amen.

Polo asukisaki mokanda na ye epai ya lingomba na Loma na kofukama na ye liboso ya Nzambe Tata ya Nkolo na biso Yesu Klisto, kotalaka Ye lokola liziba ya nguya nyonso ya botongi, mpe moto se moko oyo akoki kopalanganisa mpe kopesa nguya ya seko oyo ebebaka te, mpe nguya oyo etie mangomba ya bomoi na molimo ya nguya na Ye.

Polo asukisaki mokanda oyo na oyo alobelaki na ebandeli (Baloma 1:16). Kopesa bomoi na baoyo bakufi na lisumu ekokokisama na Nsango Elamu ya Paulo. Ezali bobele na Baevanzile minei te​—Matai, Malako, Luka, mpe Yoane​—kasi nsango malamu mpe esakola nyonso oyo etali lobiko ya Yesu na mosala ya kosakola ya Paulo ezali Nsango Malamu ya solo. Apostolo epai ya bapakano andimaki ete komonana ya Nkolo Yesu epai na ye na baporte ya Damasi, komona Klisto oyo babakamaki na ekulusu, mpe kososolaka ete azali Klisto ya solo oyo alakamaki, ezalaki ntina ya libosoliboso mpo na mikanda na ye. Paulo asakolaki na nzela ya Nsango Elamu na ye, epai ya bato banso bakoyoka, libombami oyo ebombamaki kino ntango wana, kasi ebimisamaki mpe eyebisamaki mpe esosolama na nzela ya makomi ya baprofeta ya Boyokani ya Kala, lokola etiamaki na Nzambe Mosantu mpe ya Seko.

Makambo oyo ezali na kati ya libombami oyo ezali mokano ya Nzambe ete bato ya mbindo mpe bikólo oyo babengami te báyekola botosi ya kondima engebene na kondimana ya sika. Na boye, Nkolo apesi na bato banso bolimbisi ya masumu na bango lokola likabo ya ofele, mpo na mbeka ya bomikabi ya Yesu. Oyo akoyoka libiangi oyo pe andimi likabo ya Nzambe akobika, kasi oyo akotosa te akomikweisa.

Polo afukamaki liboso ya Nzambe, oyo ye moko azali na mayele, mpe atatolaki na botondi mpe na komikitisa ete Ye azali na nkembo mpe lokumu nyonso, mpe ete kofukama oyo ya moto esalemi na nzela ya mosala, liwa, mpe lisekwa ya Yesu, oyo azali koyangela elongo na Tata na Ye na bomoko ya Molimo Mosantu libela. Liloba ya nsuka, “Amen,” oyo Paulo asukisaki na yango mokanda na ye epai ya Baloma, elakisi ete oyo ezali bosolo ya solo oyo ekosalema kozanga kopengola.

LOSAMBO: Tokopesa yo matondi, Tata, na nzela ya Mwana na yo Yesu, mpo oponaki Paulo mpe obengaki ye mpo na kopesa lisiko na yo na mangomba nyonso kati na bikolo, mpe anyokwama mpe akufa na mosala na yo. Salisa biso tózala na moimi te na Molimo, kasi tópesa lobiko mobimba na bato nyonso oyo bazali na mposa ya solo na nse ya litambwisi ya Molimo Mosantu na yo. Amen.

MOTUNA:

100. Libombami nini Nzambe amonisaki epai ya Paulo, Ntoma epai ya bapakano?

MAKAMBO YA MITUNA - 4

Motangi ya bolingo,
Soki oyekoli mokanda ya Apostolo Paulo epai ya Baloma na buku oyo, okozala na makoki ya koyanola na mituna oyo elandi na pete. Soki oyanoli 90% ya mituna oyo ezali awa na nse mpe oyanoli na mituna oyo ezali na mwa buku misato oyo eleki, tokotindela yo mokanda oyo ezali kotatola molende na yo mpo na koyekola mokanda ya Apostolo Paulo epai ya Baloma.

81. Omipesi mobimba na Yesu, Mobikisi na yo, to ozali naino kobika na moimi mpo na yo moko?
82. Nini ezali ba degrés ya bomoi ya bosantu na bandimi na Yesu Klisto?
83. Na kati ya misala oyo tolobeli awa na likoló, oyo wapi omoni ete ezali na ntina mingi lelo oyo?
84. Lolenge nini ya elakiseli ya bolingo ya Nzambe na boyokani na bino bomoni lokola ya motuya mingi pe esengeli?
85. Ndenge nini tokoki kolimbisa banguna na biso mpe kotika koyina mpe mposa na biso ya kozongisa mabe?
86. Ndelo nini ezali na bokonzi ya guvɛrnema nyonso? Mpo na nini tosengeli kotosa Nzambe na esika ya kotosa bato?
87. Ndenge nini Paulo alimbolaki na ndenge ya kosalela mobeko oyo: "Linga moninga na yo lokola yo moko"?
88. Bizaleli nini ya malamu ememaka biso na boyebi ya bozongi ya Klisto oyo ezali pene?
89. Tosengeli kokanisa to koloba nini soki moko ya bayekoli ya Klisto azali na likanisi ekeseni na oyo etali makambo ya mibale ya bomoi?
90. Vɛrsɛ yango elingi koloba nini: «Mpo ete bokonzi ya Nzambe ezali likambo ya kolya mpe komɛla te, kasi ya boyengebene, kimya mpe esengo na kati ya Molimo Mosantu» (Baloma 14:17)?
91. Vɛrsɛ 5 mpe 6 ya mokapo 15 ya Mokanda epai ya Baloma elingi koloba nini?
92. Ndenge nini Paulo azalaki na elikya ya kolonga bokeseni ya moboko na kati ya lingomba ya Loma?
93. Nini Paulo akomaki na Mokanda na ye epai ya Baloma oyo atalelaki lokola eteni na yango?
94. Sekele ezali nini na mosala ya Ntoma Paulo?
95. Mpo na nini Paulo alingaki koya na Yelusaleme liboso ya kokende na Espagne, atako ayebaki mpasi mpe makama mingi oyo ezalaki kozela ye kuna?
96. Nini toyekoli na ba kombo ya bandimi ya lingomba na Loma?
97. Nini toyekoli na bankombo ya basantu oyo balobeli na elilingi?
98. Nini ezali likambo ya komekama ya zabolo?
99. Ntoma Paulo apesaki nani Mokanda epai ya Baloma?
100. Libombami nini Nzambe amonisaki Paulo, Ntoma epai ya bapakano?

Tinda biyano na yo, salá makasi okoma adresi na yo polele na enveloppe mpe na lokasa na yo ya biyano, na:

Waters of Life
P.O.Box 600 513
70305 Stuttgart
Germany

Internet: www.waters-of-life.net
Internet: www.waters-of-life.org
e-mail: info@waters-of-life.net

Mobile device - Print - Top